2 Reyes 4:6 - Qullan Arunaka DC

⁶ Taqpach chatunak phuqharasinsti, warmix wawanakapat mayniruw säna: —Yaqha chatumpi apanirapikita —sasa. Ukxaruw wawapax säna: —Janiw mä chatus utjkxiti —sasa. Ukapachaw aceitex tukusxarakïna.

Aymar Bibliia 1986

⁶ Cunapachatï take chatunacajj phokhacamäjjäna ucqhasti, warmejj maynïri wawaparojj sascaquïnwa: —Yakha chatumpi apasincaquim —sasa. Ucjjarusti wawapajj sänwa: —Janiw juc'amp chatojj utjcjjeti —sasa. Uca horasanwa aceitejj tucusjjaraquïna.

Qullan Arunaca

⁶ Cunapachatï take chatunacajj phokhacamäjjäna ucqhasti, warmejj maynïri wawaparojj sascaquïnwa: —Yakha chatumpi apasincaquim —sasa. Ucjjarusti wawapajj sänwa: —Janiw juc'amp chatojj utjcjjeti —sasa. Uca horasanwa aceitejj tucusjjaraquïna.

2 Reyes 4:6 Jak'a apnaqawi uñst'ayäwi

1 Reyes 17:14

Israelan Tatit Diosapax akham siwa: “Janiw jak'ux wakullan tukuskaniti, chatunkki uka aceites janirakiw tukuskaniti, kunürutix Tatitux aka uraqir wasitat jallu puriykani ukürkama” sasa.

2 Reyes 13:19

Ukat profetax jupatak q'apisïna, sarakïnwa: —Jumatix uraqir phisqa kuti, jan ukax suxta kutis jawq'antasamänxa, Siria jaqinakar tukjañkamaw atipjasamäna; jichhasti kimsa kutikiw jupanakar atipjäta —sasa.

2 Reyes 4:5

Warmisti Eliseon nayraqatapat sarxäna, ukatsti wawanakapamp chikaw utapar jist'antasïna. Ukat kawkïr chatunaktix wawanakapax churapkäna ukanakaruw aceite phuqharañ qalltäna.

Mateo 13:58

Jaqinakan jupar jan iyawsapxatap laykusti, janiw kuna muspharkañanaksa uka chiqan lurkänti.

Mateo 14:20

Taqiniw sist'asiñkam manq'apxäna; ukatsti puchunak tunka payan walaya apthapipxäna.

Mateo 15:37

Taqiniw sist'asiñkam manq'apxäna, puchunaksti paqallqu walaya phuqha apthapipxäna.

Mateo 9:29

Ukat Jesusax nayranakap llamkt'äna, jupanakarusti sarakïnwa: —Kunjämtix jumanakax iyawsapkta ukhamarjam luraspan —sasa.

Lucas 6:19

Jaqinakasti taqiniw Jesusarux llamkt'añ munapxäna, ch'amapampi taqinirus jupan waliptayatap layku.

Juan 6:12

Sist'atäxapxän ukkhasti, Jesusax yatiqirinakaparuw säna: —Uka puchunak apthapipxam, jan inamayar tukusiñapataki —sasa.

Josué 5:12

Ukat uksarusti Diosax janiw mayampsa maná manq'xa apayankxänti, ukhamasti israelitanakax kunatix Canaán uraqin achkäna ukaki uka marax manq'asipxäna.