2 Reyes 3:9 - Qullan Arunaka DC

⁹ Ukhamaw Israelampina, Judá markampina, Edom markampin reyinakapax sarantapxäna. Ukampis paqallq uruw wasaranjam muytanipxañapäna, ukchañkamasti umapax pist'xänwa ejercitopatakisa, caballonakapatakisa.

Aymar Bibliia 1986

⁹ Uqhamawa sarañataqui wact'ayasipjjäna Israel, Judá, uqhamarac Edom ucanacan reyinacapajja. Ucampis cunjämatï pakallk uru muyuntapjjañapäna ucanjja, umapajj pist'jjänwa ejercitopataquisa, caballonacapataquisa.

Qullan Arunaca

⁹ Uqhamawa sarañataqui wact'ayasipjjäna Israel, Judá, uqhamarac Edom ucanacan reyinacapajja. Ucampis cunjämatï pakallk uru muyuntapjjañapäna ucanjja, umapajj pist'jjänwa ejercitopataquisa, caballonacapataquisa.

2 Reyes 3:9 Jak'a apnaqawi uñst'ayäwi

1 Reyes 22:27

Jupanakarusti sapxätawa: “Reyix akham siwa: ‘Carcelar uchantapxpan, mä jisk'a t'ant'ampi, mä juk'a umampik churapxpan, nuwasïwit nayan jan kamacht'at kutt'aniñaxkama’ ” —sasa.

1 Reyes 22:47

47 (48) (Uka urunakansti Edom markanxa janiw reyix utjkataynati, jan ukasti mayni jilïrikiw marka apnaqäna.)

1 Reyes 22:48

48 (49) Josafat reyix Tarsisankir barconakjamarak luratayna, Ofir chiqat quri apaniñataki; ukampis uka barconakax janiw Ofir markar purkxänti, Esión-guéber chiqan jisk'a jisk'ar tukusitap layku.

2 Reyes 3:1

Josafat reyix Judá markar tunka kimsaqallqun mara apnaqaskän ukapachaw, Ahab chachan Joram yuqapax Israel marka apnaqañ qalltäna, jupasti tunka payan maraw Samaria markan apnaqäna.

2 Reyes 3:10

Ukat Israelan reyipax säna: —Amuyatatxa Tatitjamakiw jiwas kimsa reyirux irpanistu moabita jaqinakan amparapar katuyañataki —sasa.

2 Reyes 3:7

Ukatsti Judá uraqinkir Josafat reyipar sapxañapatakiw khitharakïna: “Moab markan reyipaw nayatak sayt'asi. ¿Nayamp chika jupampi nuwasir sarañ munasmati?” sasa. Judá markankir Josafat reyisti ukxaruw säna: “Kun janixa. Taqpach ejercitoxampi, caballeriaxampis jumampïpxtwa.

2 Reyes 3:8

Ukampisa, ¿kawkïr thakhinjamarak katuntir sarañänisti?” sasa. Joram reyisti sänwa: “Edom wasararu sarki uka thakhinjama” sasa.

2 Reyes 8:20

Joram reyix marka apnaqkäna uka maranakanxa, Edom markax Judá markatakiw sayt'asxäna. Edomitanakax janiw Judá markampi apnaqayasiñ munkxapxänti, ukat jupanakax pachpa reyip utt'ayasipxäna.

Éxodo 11:8

Ukapachaw taqi aka yanapirinakamax nayan ukar jutani, killt'asisaw nayar mayipxitani: “Jumampi, jumar arkir jaqinakamampix sarxapxam” sasa. Ukhamäni ukkhakiw nayax akat sarxä —sasa. Ukatsti Moisesax wali q'apisitaw faraonan ukat mistuwayäna.

Éxodo 15:22

Moisesax israelitanakar Mar Rojo qutat Sur sat wasararuw irpxäna, jupanakasti kimsa uruw wasaranjam sarapxäna, janiw uma jikxatapkänti.

Éxodo 17:1

Israelitanakax taqiniw Sin sat wasarat sartawayxapxäna, jupanakasti Tatitun arunakaparjamaw juk'at juk'at sarapxäna. Refidim sat chiqar purisasti ukkharuw utjnuqtapxäna, ukampis janiw umt'añatak uma jikxatapkänti,

Números 20:2

Uka chiqansti janiw jaqinakatak umax utjkänti, ukat taqpachan tantachasisin, Moisesampitaki, Aaronampitak arusiñatakiw sartasipxäna,

Números 20:4

¿Kunatakirak aka wasarar Tatitun markapar irpanipxtasti? ¿Nanakampi uywanakaxampi jiwarañapti munapxtasti?

Números 21:5

ukat jupanakax Tatitutak arusiñ qalltapxäna, Moisesarusti sapxänwa: —¿Kunatakirak Egiptot irpsunipxistasti? ¿Wasaran jiwarayañatakit irpsunipxistasti? Janiw umasa, manq'as utjapkituti. ¡Aka jan sist'ayasir manq'ampix amjatäxapxtwa! —sasa.

Números 33:14

Alús chiqat sartawayasasti Refidim sat chiqan utjnuqtapxäna, markan uma umt'añapatak jan utjkän ukkharu.

Jueces 4:10

Ukansti Barac chachax Zabulón, Neftalí ayllunkirinakaruw jawsäna, ukatsti tunka waranqa chachanakani ejército nayräxap sarantäna. Débora warmisti jupamp chikaw saräna.