2 Reyes 3:3 - Qullan Arunaka DC

³ Ukampisa, kuna juchanaktix Nabat chachan Jeroboam yuqapax lurkatayna uka pachpa juchanak lurarakïna, ukampiw Israel markarux jucha lurayatayna.

Aymar Bibliia 1986

³ Ucampisa luränwa Nabat chachan Jeroboam yokapajj juchanaca lurcäna uca pachpanaca, ucanacampiraquiw Israelarojj juch lurayäna.

Qullan Arunaca

³ Ucampisa luränwa Nabat chachan Jeroboam yokapajj juchanaca lurcäna uca pachpanaca, ucanacampiraquiw Israelarojj juch lurayäna.

2 Reyes 3:3 Jak'a apnaqawi uñst'ayäwi

1 Reyes 13:33

Ukhamäkipansa, Jeroboam reyix janiw jan wali sarnaqäwinakap apanukkänti, jan ukasti, qullu patanakankiri yupaychañ utanakapatakix wasitat jaqinak taypit sacerdotenak utt'ayäna. Khititix sacerdotëña munkän ukaruxa, Jeroboam reyix qullu patanakan utjir yupaychañ utanakan sacerdotepat utt'ayäna.

1 Reyes 14:16

Jeroboaman juchanaka luratap layku, Israel markaru jucha lurayatap laykurakiw Tatitux Israel markaru apanukuni —sasa.

1 Reyes 14:9

ukampis jumax, jumat nayräpki uka reyinakat sipan juk'amp jan walpun sarnaqtaxa; jumax, nayar q'apisiyañatakix, hierro umatatayasin yaqha diosanaka, yaqha uñtasitanak lurastaxa, nayarusti jisk'achistawa.

1 Reyes 15:26

Nadab reyix janiw Tatitur jayskänti, jupasti kuna juchanaktix awkipax lurkatayna pachpa juchanak lurarakïna, ukanakampiw Israel markar jucha lurayäna.

1 Reyes 15:34

Baasá reyin luratanakapasti janiw Tatitun nayraqatapan walïkänti, jupasti kuna juchanakampitix Jeroboamax israelitanakar jucha luraykatayna, uka pachpa juchanak lurarakïna.

1 Reyes 16:31

jupatakix Jeroboam reyin pachpa juchanakap lurañax janis kunäkaspa ukhamänwa. Jupasti Sidón chiqankir Et-baal reyin Jezabel phuchhapampiw jaqichasïna, ukatsti Baal diosatakiw alt'asïna, ukaruw yupaycharakïna,

2 Reyes 13:11

Ukampis jupan luratanakapax Tatitun nayraqatapan jan walinakänwa, jupasti janiw kawkïr juchampitix Nabat chachan Jeroboam yuqapax Israel markar juch luraykatayna uka juchanakat saraqtkänti, jan ukasti ukanak luraskakïnwa.

2 Reyes 13:2

Ukampis luratanakapax Tatit nayraqatan jan walinakänwa. Jupasti kawkïr juchampitix Nabat chachan Jeroboam yuqapax Israel markar jucha luraykatayna uka pachpa juchanakarak luräna, janiw ukanakat jithiqtkänti.

2 Reyes 13:6

Ukampisa, israelitanakax janiw kuna juchanaktix Jeroboam chachan saraqirinakapax lurapkatayna ukanakat saraqtapkänti, ukanakaw Israel markarux juchar puriyatayna, jupanakax jucha lurasipkakïnwa, Astarté sat diosan lantipasa Samaria markankaskakïnwa.

2 Reyes 14:24

Ukampis jupan luratanakapax Tatitun nayraqatapan jan walinakänwa, jupasti kuna juchanakampitix Nabat chachan Jeroboam yuqapax Israel markar juch luraykäna uka jucha lurañanakat janiw saraqtkänti.

2 Reyes 15:18

Ukampis luratanakapax Tatitun nayraqatapan jan walinakänwa; jupasti kuna juchanakampitix Nabat chachan Jeroboam yuqapax Israel markar jucha luraykäna ukanakat janiw saraqtkänti. Uka urunakansti,

2 Reyes 15:9

Jupan luratanakapax Tatit nayraqatan jan walinakänwa, nayra awkinakapan luratanakapjamarakïnwa, jupasti kuna juchanakampitix Nabat chachan Jeroboam yuqapax Israel markar juch luraykatayna ukanakat janiw jithiqtkänti.

2 Reyes 17:21

Israelarux Davidan saraqirinakapat jaljtayänwa, ukatsti israelitanakax Nabat chachan Jeroboam yuqaparuw reyit utt'ayasipxäna, uka reyisti israelitanakarux Tatitut saraqtayäna, kunayman jucha lurañanakaru puriyasa.

2 Reyes 17:22

Ukhamaw israelitanakax kuna juchanaktix Jeroboam chachax lurkatayna, uka pachpa juchanak jupanakax lurapxäna, janirakiw uka juchanak apanukupkänti.

2 Reyes 17:23

Ukhamasti, Tatitux jupan nayraqatapat Israel markarux apanukxänwa, kunjämtix jupax taqpach profetanakap tuqi yatiykatayna ukhamarjama, ukat Israel markax Asiria markar katuntat apatäxäna, ukan jichhürkam jikxatasiski.

2 Reyes 21:16

Judá markar juchanak lurayatapatsa, Tatitun nayraqatapan jan wali luratanakapatsa, Manasesax Jerusalén markan jan juchan walja jaqinakaruw jiwarayäna, uka wilampiw markar mä thiyata mä thiykam phuqhantäna.

2 Reyes 23:15

Ukatsti Betel chiqan utjir altarampi, yupaychañ utanakapampi, kawkïrinaktix israelitanakaru juchar puriyiri Nabat chachan Jeroboam yuqapax lurkäna ukanakxa, Josías reyix laq'ar tukuyañkamaw tukjäna, ukatsti ninampiw nakhantayäna, ukhamarak Astarté diosan lantiparusa.