2 Reyes 3:23 - Qullan Arunaka DC

²³ Ukat sapxäna: “Ukax wilarakisä. Reyinakax jupanakpachaw nuwasipxpacha, ukatsti maynit mayniruw tukjasipxarakpacha. ¡Moabita jaqinaka, jichhax sarañäni kunanaktix jupanakax apanukuwayapki ukanak katuntasiniñäni!” sasa.

Aymar Bibliia 1986

²³ Ucatsti sapjjänwa: “Ucajj wilaraquisä. Reyinacajj jupanacpachaw nuwasipjjpacha, ucatjja maynit mayniruwa tucjasipjjpacha. ¡Moabita jakenaca, sarapjjañäni jichhajja cunanactejj jupanacajj apanucuwayapqui ucanac catuntasiri!” sasa.

Qullan Arunaca

²³ Ucatsti sapjjänwa: “Ucajj wilaraquisä. Reyinacajj jupanacpachaw nuwasipjjpacha, ucatjja maynit mayniruwa tucjasipjjpacha. ¡Moabita jakenaca, sarapjjañäni jichhajja cunanactejj jupanacajj apanucuwayapqui ucanac catuntasiri!” sasa.

2 Reyes 3:23 Jak'a apnaqawi uñst'ayäwi

2 Reyes 3:22

Qhipärmanthi willjtasti, intix umxaruw qhant'anïna, moabita jaqinakasti jayatxa, wila uma uñjapxäna, jaqi wilar uñtata.

2 Reyes 3:24

Ukampis moabitanakax israelitanakan campamentopar mantapkäna ukkhasti, israelitanakax sartasin jupanakar nuwantapxäna. Moabitanakax jaltxapxänwa, ukampis israelitanakax jupanakar arktasin jiwarayapxäna.

2 Reyes 7:6

Tatituw Siria markan ejercitopar ist'ayatayna, nuwasïwir sarañ carronakana, caballerianakan uxutanakapa, ukhamarak mä jach'a ejerciton jalatanakapa, ukat sirionakax amuyapxatayna, Israel reyisa mink'askaspa jupanakar hitita reyinakampi, egipcio reyinakamp katuntayañataki.

2 Crónicas 20:25

Ukatsti Josafat reyimpi jaqinakapampix kunanaktix uñisirinakapax jaytawayapkatayna ukanak apthapiriw jalapxäna, jupanakasti walja uywanaka, nuwasiñ yänaka, isinaka, jila alani yänak jikxatapxäna, ukanaksti taqpach katuntasipxäna. Walja yänakapuniw utjäna, janiw jupanakax aptirjamäpkänti; waljätapatsti kimsa uruw uka yänak apthapipxäna.

Éxodo 15:9

Uñisirinakaxax amuyataynawa: ‘¡Jikxatañkam jupanakar arktañäni! ¡Jupanakar tukjañäniwa! ¡Jupanakat aparkañäni ukanaksti, kusisitaw lakinuqasiñäni! Espada apsusï, amparaxaw jupanakar tukjani’ sasa.

Isaías 10:14

Markanakan qamir yänakapsti katuntastwa, taqi uraqpach katuntasirakta, kunjämatix maynix apanukut tapat k'awnanak lunthatki ukhama, ¡janiw khititsa kuns kamskiti, janirakiw khitis arsuskiti!”

Jueces 5:30

‘Inas kuntix nuwasïwin apaqanipki uka yänak jaljasisipkchi. Sapa maynitakix mä warmi, jan ukax pä warmi; Sisaratakisti suma saminakat lurat isinaka: maya, jan ukax paysa, suma saminakan p'itakipata isinaka, atipjirin kunkap k'achachañataki’ sasa.