2 Reyes 24:2 - Qullan Arunaka DC

² Ukat Tatitux Joacín reyitaki caldeo, sirio, moabita, amonita lunthata tamanak apayanïna Judá markar mantantasin tukjapxañapataki, kunjämtix Tatitux luqtir profetanakap tuqi yatiykatayna ukhamarjama.

Aymar Bibliia 1986

² Ucampis Tatitojj Joacim reyitaquejj lunthata caldeo, sirio, moabita, amonita, jakenacwa apayanïna. Judá jakenacaru tucjapjjañapataqui, cunjämtï Tatitojj yatiycäna sirviri profetanacap toke uqhamaru.

Qullan Arunaca

² Ucampis Tatitojj Joacim reyitaquejj lunthata caldeo, sirio, moabita, amonita, jakenacwa apayanïna. Judá jakenacaru tucjapjjañapataqui, cunjämtï Tatitojj yatiycäna sirviri profetanacap toke uqhamaru.

2 Reyes 24:2 Jak'a apnaqawi uñst'ayäwi

2 Reyes 20:17

“Akat qhipa urunakanxa, kunanakatix reyi utaman utjki ukanakampi, taqi kunanaktix nayra awkinakamax jichhürkam tantawayapki ukanakampxa, Babilonia markaruw apasxapxani. Janiw kunas akar qhiparkaniti.

2 Reyes 22:16

naya, Tatituw sista: Nayaw aka uraqirusa, jaqinakapxarus mä jan walt'añ apayanï, kunjämtix uka qillqatan Judá markankir reyix ullarki ukan yatiyatarjama.

2 Reyes 23:27

Ukat Tatitux yatiyäna Judá markaru jupan nayraqatapat apanukuña, kunjämtix Israel markaru apanukkatayna ukhama; ajllisit Jerusalén markaparux apanukuñ munäna, ukhamaraki kawkïr utantix sutipa ukankañapa munkäna uksa.

2 Reyes 6:23

Ukatsti Israelan reyipax mä jach'a manq'äwi jupanakatak wakichayäna, jupanakasti manq'apxänwa, umt'asipxänwa. Uka qhipat reyix jupanakar khitxäna, jupanakasti reyipan ukaruw kuttawayxapxäna. Ukürut uksarusti sirio tamanakax janipuniw Israel uraqirux mayampis mantkxapxänti.

2 Crónicas 33:11

Ukat Tatitux jupanakatak asiriankiri reyin ejercitopan jilïrinakaparux puriyanïna, jupanakasti Manasés reyirux ganchompiw nasapat uchantapxäna, broncet lurat cadenanakampi ñach'antasin Babilonia markar apapxäna.

Job 1:17

Uka jaqisti janïraw parlañsa tukuykänti, ukhamaruw maynix purinirakïna, akham sasa: —Kimsa tama caldeo jaqinakaw jutasin katuntapxitu, ukatsti camellonak lunthatawayapxi, uywatanakarusti cuchillompkamaw jiwaräwayapxi. Naya sapakiw jumar yatiyir jaltanxta —sasa.

Isaías 13:5

Wali jaya markat jutapxi, jaqin jan uñjkat jaya markata. Tatitu pachpaw q'apisiñapan yänakamp phuqt'at juti, markpachar t'unjañatakiw juti.

Isaías 28:19

Sapa kuti jutkan ukkhasti q'al tukjapxarakïtam. Sapa qhantati, sapüru, sapa jayp'urakiw jutani, jutañap yatisakiw jumanakax khathatxapxäta.

Isaías 7:17

“Isaías profetax saskakïnwa: “Tatitux Judá markar nuwantañatakix Asiria markankir reyiruw khithanini. Reyin utapankirinakaru, taqi markpacharuw jupax nuwantani. Kunayman jan walt'añanakaw sartani. Janipuniw jichhakamax ukanakax uñjañäkiti. Israel markan Judá markat t'aqaqtatapat taqi akanakax ukham lurasini.”

Jeremías 12:9

Markaxax mä suma phuyunakan jamach'jamawa, yaqha jach'a jamach'inakan katjañatak arknaqatawa. ¡Jichhax taqi ch'uminkir animalanak jutapxam; manq'antañatak tantacht'asipxam!

Jeremías 25:1

Kunapachatix Josiasan yuqapa Joacín reyix Judá uraqi pusi mara apnaqkäna ukkhaw, Tatitux Jeremiasaru Judá markatak mä yatiyäwi churäna. Ukkharakiw Nabucodonosor reyix Babilonia uraqi mä mara apnaqañ qalltaskäna.

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 26:20

Semaiasan yuqapa Urías profetax, khititix Quiriat-jearim sat markan jakkäna ukasa, Jeremías profetjamarakiw Tatitun sutipxarux parläna, Jerusalén markataki, ukhamaraki uka uraqin jan walt'añapsa.

Jeremías 26:6

ukhamasti nayax kunjämtix Siló chiqankir templorux lurktxa, ukhamarak jichhax Jerusalenankir templorux lurä. Aka markarusti taqi akapachankir markanakatakix mä uñtaskaña ñanqhacharakï.’ ”

Jeremías 32:28

Jichhasti nayax sismawa: Babiloniankir Nabucodonosor reyimpi, soldadonakapampiw Jerusalén marka katuntasipxani.

Jeremías 35:11

Ukampisa, kunapachatix Babiloniankir Nabucodonosor reyix aka markar mantantankän ukapachaw nanakax aka Jerusalén markar jakir jutxapxta, ukhamat caldeonakana, sirionakan ejercitopat jaltxañataki; ukat aka Jerusalén markan jakasipkta” sasa.

Jeremías 52:28

Nabucodonosor reyin ukham apanukuyat jaqinakasti akkhanïnwa: paqallqüri mara jupax marka apnaqkäna uka marasti, Judá uraqit kimsa waranqa pä tunka kimsan jaqinak apanukuyäna,

Lamentaciones 1:17

Jerusalenasti yanap mayisaw amparap luqtani, ukampis janiw khitis jupar chuymachirix utjkiti. Tatituw Jacoburux uñisirinakapamp muyuntayi; Jerusalenasti uñisirinakapatakix jisk'achkañ markakïxiwa.

Ezequiel 19:8

Ukat uka jak'ankir markanakax katjañatak mayacht'asipxäna; sipitanakap wakichapxäna, ukaruw jalt'ayapxäna.

Ezequiel 23:23

babilonio jaqinaka, asirio jaqinaka, Pecod, Soa, Coa sata markankirinaka, taqpach asirio jaqinaka; taqi jupanakasti wali suma waynanakäpxiwa, jilïrinaka, marka apnaqirinaka, soldadonakan jilïrinakapa, nuwt'asirinaka, caballonakar lat'xatirinaka.

Miqueas 3:12

Jumanakan juchanakam laykuw Tatitun Jerusalén markapax q'ala tukjata uñjasini, mayjaru willthapitarakïniwa, kawkhankkitix Tatitun utapax uka qullus quran qurantataw uñjasini.

Habacuc 1:6

Babiloniankirinakaruw nuwantapxañapatak sartayä, jupanakasti wali qhuru jaqinakäpxiwa, uksarus aksarus sarantañatakix wakicht'atakïsipkiwa, kawkïr uraqinakatix jan jupanakankki ukanak katuntasiñataki.