2 Reyes 23:3 - Qullan Arunaka DC

³ Uka qhipatsti reyix Tatitun utapan sayirinakap jak'aru sayt'asisin, Tatit nayraqatan jupar jaysañatak arsüna, kamachi arunakaparjama, iwxanakaparjam chiqa kankañamp sarnaqañataki, ukhamaraki arust'äwi lurat amtäwinakar qillqatarjam phuqhañataki. Ukxarusti taqpach markachirinakarakiw uk phuqhañataki arsupxäna.

Aymar Bibliia 1986

³ Ucjjarusti reyejj templon sayirinacap jac'aruwa sayt'asïna, ucatsti arsusïnwa Tatitun nayrakatapana jupar ist'añataqui, cheka cancañampi camachi arunacaparu, ewjjanacaparu, uqhamarac leyinacaparusa suma phokhas lurañataquiw arsüna, uqhamarac libron sumancäwir mantat arunacajj kellkatäqui ucanac phokhañataquisa. Ucjjarusti take jakenacaraquiwa phokhañataqui arsusipjjaraquïna.

Qullan Arunaca

³ Ucjjarusti reyejj templon sayirinacap jac'aruwa sayt'asïna, ucatsti arsusïnwa Tatitun nayrakatapana jupar ist'añataqui, cheka cancañampi camachi arunacaparu, ewjjanacaparu, uqhamarac leyinacaparusa suma phokhas lurañataquiw arsüna, uqhamarac libron sumancäwir mantat arunacajj kellkatäqui ucanac phokhañataquisa. Ucjjarusti take jakenacaraquiwa phokhañataqui arsusipjjaraquïna.

2 Reyes 23:3 Jak'a apnaqawi uñst'ayäwi

2 Reyes 11:14

Ukansti Joás reyiruw uñjäna, templon sayirinakap jak'an sayt'atäskiri, kunjamäkäntix sarapax ukhamarjama. Jupa jak'ansti capitananakampi, musiconakampiw ukankapxäna; jaqinakasti wali kusisitaw trompetanaka phust'apxäna. Ukham uñjasinsti Atalía reinax isip ch'iyanuqasïna, jach'at art'arakïna: —¡Sallqjapxituwa! ¡Sallqjapxituwa! —sasa.

2 Reyes 11:17

Ukatsti Joiadá sacerdotex reyimpiru, markampirux, jupanak pura yanapt'asipxañapatakiw mayïna, ukhamaraki Tatitut jan saraqtasa sayt'asipxañapataki.

2 Crónicas 15:15

Judá uraqinkir taqpach jaqinakaw kusisipxäna, taqi chuyma uka juramento lurapxatanakapata, jupanakax taqi chuymarakiw Tatitur thaqtapxatayna, ukham lurasaw jupar jikxatapxäna, ukatsti jak'ankir markanakampis suman jakayarakïna.

2 Crónicas 23:13

Ukansti jupax reyiruw uñjäna, mantañäki uka pilärap jak'an sayt'ata. Jupan jak'apansti jilïr irpirinaka, música toct'irinakaw ukankasipkäna, jaqinakasti wali k'uchikiw trompetanak phust'apxäna; q'uchurinakas toct'añ yänakampiw jach'añchañ q'uchunak sarayapxäna. Atalía warmisti uk uñjasax, isip ch'iyanuqasïna, ukatsti jach'at art'arakïna: —¡Nayarux ch'uxña lurapxistaxa! —sasa.

2 Crónicas 23:16

Uka qhipatsti, Joiadá sacerdotex jupanakan Tatitun markapäpxañapatakiw mä arust'äwi luräna, taqpach jaqinakampi, reyipamp kuna.

2 Crónicas 29:10

Nayax Israelan Tatit Diosapampi mä suma arust'äwir mantañatakiw amtasta, ukhamat q'apisiñapa jiwasat apaqañapataki.

Esdras 10:3

Jichhasti nanakax uka yaqha markankir warminakaxaru, wawanakapamppachar jaqunukxañatakiw arsupxä, kamachix phuqhaspan, kunjämtix jumasa, Tatitun kamachi arunakap jaysirinakas iwxt'apkitu ukarjama.

Nehemías 10:1

1 (2) Arust'äwi qillqataru sutinakap qillqantirinakax akanakänwa: Naya, marka apnaqir Nehemías, Hacaliasan yuqapa, ukhamaraki Sedequías. Sacerdotenakatxa,

Nehemías 5:13

Ukhamarakiw isixsa thalarasta akham sasa: “Ukhamwa Tatitux uka juramento jan phuqhirinakarux utapatsa, uraqipatsa anqäxar thalanukuni, ukhamarak taqi kunapatix utjki ukanaksa aparani” sasa. Jaqinakasti taqiniw arsupxäna: “Ukhamäpan” sasa. Ukatsti Tatituruw yupaychapxäna. Jaqinakasti lurañatak arsupkäna ukxa taqiniw phuqhapxäna.

Nehemías 9:38

38 (1) Taqi ukanakat nanak israelitanakax, aka qillqata tuqiw phuqhañatak arsupxta, uka qillqatasti jilïrinakaxana, levitanakana, sacerdotenakan sutinakapamp qillqantatawa.

Éxodo 24:3

Ukatsti Moisesax israelitanakar yatiyiriw saräna kunanaktix Tatitux siskatayna uka arunaka, ukatsti taqiniw mä wawaki arsupxäna: —¡Taqi kuntix Tatitux arski ukanak lurapxä! —sasa.

Eclesiastés 8:2

Reyin arsutanakapar phuqhapxam, ukham Dios nayraqatan juramentompi arstaxa.

Jeremías 34:15

Jumanakasti jichhürux sarnaqäwinakam mayjaptayxapxtawa, kunatix nayatakix askïki uk lurapxaraktaxa, marka masi t'aqhisiyatanakamaru antutxasaxa. Ukatsti nayatak satäki uka utan, naya nayraqataxan mä arust'äwiru mantapxtaxa.

Jeremías 34:8

Tatitux wasitat Jeremiasar parlxayäna, kunapachatix Sedequías reyix t'aqhisiyatanakar antutxañatak mä arust'äwi Jerusalén markan jakir taqi jaqinakampi lurkäna uka qhipata.

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Jeremías 50:5

Jerusalén markar sarir thakhit jiskt'asipxani, ukatsti uksaruw akham sasa sarapxarakini: ‘Tatitun ukar sarxañäni, jupampisti wiñayatak mä arust'äwi lurañäni, jan mayampitak armaskiri’ sasa.

Deuteronomio 10:12

“Jichhasti israelit jaqinaka, ¿kunarak Tatitu Diosamasti jumanakan lurapxañam munisti? Jupax jupar jach'añchañanakam muni, jupan thakhipanjam arkañanakama; ukatsti jupar munañanakama, taqi chuymamampi, taqi jakañamamp jupar yupaychañanakama,

Deuteronomio 11:13

“Jumanakatix jichha uruna churapksma uka kamachi arunakaru phuqhapxäta, ukatsti Tatit Diosamar munasipxäta, ukat taqi chuymampi, taqi jakañamampi yupaychapxarakïta ukkhaxa,

Deuteronomio 13:4

4 (5) Tatit Diosam saparukiw arkapxäta, jach'añchapxarakïta, kamachi arunakap phuqhapxam, arunakap ist'apxam, juparu yupaychapxam; jupamp chikt'atapun jakapxarakim.

Deuteronomio 29:1

1 (69) Moisesasti israelitanakarux kawkïr arust'äwi arunaktix Diosax jupanakamp Horeb qulluna lurkatayna ukanak iwxañ tukuyäna. Ukat Diosax Moisesar sarakïna Moab uraqin mä machaq arust'äwi jupanakamp lurañapataki.

Deuteronomio 4:45

ukhamarak kamachinaka, kamachi arunaka, arsüwinak yatiyäna, kunapachatix jupanakax Egipto markat mistunisina,

Deuteronomio 6:1

“Aka kamachi arunaka, kamachinaka, arsutanakap Tatit Diosamax nayar churitu jumanakar yatichañataki, ukhamarjam jumanakan sarnaqapxañamataki, kawkïr uraqinaktix jupax churapkätam uka uraqina.

Deuteronomio 6:5

“Tatit Diosamarux taqi chuymamampi, taqi jakañamampi, taqi ch'amamampi munam.

Deuteronomio 8:19

“Ukampisa, jumanakatix Tatit Diosamat armasipxäta, yaqha diosanakan qhipap arkapxäta, ukanakar yupaychapxarakïta ukaxa, nayax jichhatpach sapxsma, taqi jumanakax t'unjataw uñjasipxäta.

Hebreos 12:24

machaq amtäwi arxatir Jesusaru, q'umachatäktan uka wilaparu, ukax Abel chachan wilapat sipan juk'amp yatiyir wilawa.

Hebreos 13:20

Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,