2 Reyes 22:4 - Qullan Arunaka DC

⁴ —Hilquías jilïr sacerdoten ukar saram, juparusti sätawa: “Kuna qullqinaktix jaqinakax Tatitun utapar mantañ punku uñjirinakaru katuyapki ukanak apthappan,

Aymar Bibliia 1986

⁴ “Saram Hilcías sumo sacerdoten ucaru, ucatsti sanim: “Tatitun temploparu kollkenac apanipqui ucanac apthappan, uqhamarac puncu uñjirinacasa jakenacata kollke apthapipqui ucanacsa” sasa.

Qullan Arunaca

⁴ “Saram Hilcías sumo sacerdoten ucaru, ucatsti sanim: “Tatitun temploparu kollkenac apanipqui ucanac apthappan, uqhamarac puncu uñjirinacasa jakenacata kollke apthapipqui ucanacsa” sasa.

2 Reyes 22:4 Jak'a apnaqawi uñst'ayäwi

2 Reyes 12:4

4-5 (5-6) Mä urusti, Joasax sacerdotenakaruw säna: —Jumanakax Tatitun utapar apanipki uka taqi qullqinak apthapipxam, sapa mayni churañapäki uksa, ukhamarak sapa maynisa chuymapatjama Tatitun utapar qullqi apanki ukanaksa. Uksti qullqi imirinakar mayipxam, Tatitun utapan taqi kunanakatix askichañ wakiski ukanakataki —sasa.

2 Reyes 18:18

Ukatsti Ezequías reyiruw jawsayanipxäna. Ukampis reyix janiw mistunkänti, jan ukasti reyi uta apnaqir Eliaquim chachampiru, Sebná, Joah, reyin pani qillqiripampiruw jupanakamp jikisir khithäna.

1 Crónicas 6:13

13 (39) Salum jaqix Hilcías chachan awkipänwa, Hilcías jaqisti Azarías chachan awkipänwa,

1 Crónicas 9:11

Azarías, Hilquías chachan wawapa, jupax Mesulam chachan wawapa, jupax Sadoc chachan wawapa, jupax Meraiot chachan wawapa, jupax Ahitub chachan wawapa, Diosan utapan wakiskir jilïrirakïnwa;

1 Crónicas 9:19

Salum, Coré chachan wawapa, jupax Ebiasaf chachan wawapa, jupax Coré chachan wawapa, coreítas wila masinakapax Tatitun utapar mantañ punkup uñjirinakänwa, kunjämatix nayra awkinakapax Tatitun campamentopar mantañap uñjapkän ukhama.

2 Crónicas 8:14

Ukhamarakiw sapüru luräwinak utt'ayäna, kunjämatix David awkipax wakt'äwaykatayna ukhamarjama, ukhamat sacerdotenakax lurañanakap lurapxañapataki, levitanakas Tatitur yupaychapxañapataki, sacerdotenakaru kunatix sapür wakiski ukanakan yanapt'asa. Ukhamarakiw punku uñjirinakarux sapa punku uñjañapatak utt'ayäna, kamisatix Diosan luqtiripa Davidax wakt'äwaykatayna ukhamarjama.

Nehemías 11:19

Punku uñjirinakatsti: Acub, Talmón, ukhamarak wila masinakapampi, taqpachanisti pataka paqallq tunka payanïnwa.

Salmos 84:10

10 (11) ¡Mä urukis utaman qamañax juk'ampi sumawa, waranq urunak anqankañat sipana! Nayax Diosan utap q'umachirïñ munta, ñanqha lurañ chiqawjan jakañat sipana.