2 Reyes 22:1 - Qullan Arunaka DC

¹ Josiasax kimsaqallqu maranïkän ukapachaw marka apnaqañ qalltäna. Jupasti Jerusalén markan kimsa tunka mayan maraw Judá marka apnaqäna. Taykapax Jedidá sutinïnwa, jupasti Boscat chiqankir Adaías chachan phuchhapänwa.

Aymar Bibliia 1986

¹ Cunapachatï Josías wawajj quimsakallko maranïna ucqhawa reyïña kalltäna, ucatsti Jerusalén marcanjja quimsa tunca mayan maraw apnakäna. Taycapasti Jedida sat sutinïnwa, jupasti Boscat chekanquir Adaía chachan phuchapänwa.

Qullan Arunaca

¹ Cunapachatï Josías wawajj quimsakallko maranïna ucqhawa reyïña kalltäna, ucatsti Jerusalén marcanjja quimsa tunca mayan maraw apnakäna. Taycapasti Jedida sat sutinïnwa, jupasti Boscat chekanquir Adaía chachan phuchapänwa.

2 Reyes 22:1 Jak'a apnaqawi uñst'ayäwi

1 Reyes 13:2

Uka profetasti Tatitun munañapat altaratak jach'at parläna, akham sasa: “Altar, altar: Tatitux siwa: ‘Davidan saraqiripat mä wawaw yurini, jupasti Josías satäniwa, jach'äxani ukkhasti, juma patxan incienso nakhayir sacerdotenakaruw jiwayani, idolonakan yupaychañ utanakapan jumxar incienso nakhayiri jaqinakaru; juma patxan jaqinakan ch'akhanakapaw nakhani’ ” sasa.

2 Reyes 11:21

21 (1) Joás reyix Judá marka apnaqañ qalltkän ukapachaxa, paqallqu maranïnwa.

2 Reyes 21:1

Manasés waynax tunka payan maranïkäna ukkhaw marka apnaqañ qalltäna, jupasti Jerusalén markan phisqa tunka phisqan maraw Judá marka apnaqäna. Taykapax Hepsiba sutinïnwa.

2 Reyes 21:24

Ukampis markankir jaqinakaw uka jilïr jaqinakar jiwayapxäna, ukatsti Amón reyin Josías yuqaparuw jupa lantix reyit utt'ayapxäna.

2 Reyes 21:26

Amón reyirux Uzá sat panqar uyupan imt'xapxäna. Uka qhipatsti Josías yuqapaw jupa lantix marka apnaqxäna.

Salmos 8:2

2 (3) Uñisirinakaman utjatap laykux ñuñuskir wawanakan jach'añchatapampiw ch'amam uñacht'aytaxa, timasirinakampiru, qallasirinakampir t'unjañataki.

Eclesiastés 10:16

¡Ay kunakïkani, kawkïr markatix reyipas mä jisk'a wawakïki, jilïr jaqinakapas jach'a manq'äwinakan qhantatisipki ukanakatakixa!

Isaías 3:4

jupanakxarusti wawanakaruw jilïrit uchani, mä jisk'a yuqall wawanakakiw jupanakarux apnaqxani.

Jeremías 1:2

Kunapachatix Amón jaqin yuqapa, Josías sat reyix tunka kimsan mara Judá uraqi apnaqkäna, ukapachaw Tatitu Diosax aka yatiyäwi churitu.

Ezequiel 18:14

“Uka jaqitix mä yuqanïxaspa, uka yuqapasti awkipan taqi uka juchanak luratap uñjarakispa, ukampis janirak jupax awkipjam uka juchanak lurkani;

Sofonías 1:1

Tatitux aka yatiyäwi arunak Sofonías profetarux churäna, kunapachatix Amón chachan Josías yuqapax Judá markan reyipäkän ukapacha. Sofonías profetax Cusí sat chachan yuqapänwa, Cusí chachasti Gedaliasan yuqapa, Gedaliasasti Amariasan yuqapa, Amariasasti Ezequiasan yuqaparakïnwa.

Mateo 1:10

Ezequiasax Manasesan awkipänwa, Manasesasti Amonan awkipänwa, Amonasti Josiasan awkipänwa.

Josué 15:39

Laquis, Boscat, Eglón,