2 Reyes 21:3 - Qullan Arunaka DC

³ Ezequías awkipax qullu patanakan utjir yupaychañ utanak t'unjkatayna ukanak wasitat luräna; Baal diosatak altaranak luräna, ukatsti Astarté diosan lantip lurarakïna, kunjämtix Israelan Ahab reyipax luraykatayna ukhama; ukhamarusa alaxpachan utjir taqi warawaranakaruw yupaycharakïna,

Aymar Bibliia 1986

³ Ezequías awquipajj tucjcäna uca alto chekan yakha diosanacar sirviñ santuarionacwa wastat lurayäna; Baal diosataquiw altaranaca lurayäna, ucatsti lurayänwa Asera diosan lantipa, cunjämtï Israelan Acab reyipajj luraycäna uqhama; ucjjarusti alajjpachanquir take warawaranacaruwa yupaychäna, alt'asiraquïna.

Qullan Arunaca

³ Ezequías awquipajj tucjcäna uca alto chekan yakha diosanacar sirviñ santuarionacwa wastat lurayäna; Baal diosataquiw altaranaca lurayäna, ucatsti lurayänwa Asera diosan lantipa, cunjämtï Israelan Acab reyipajj luraycäna uqhama; ucjjarusti alajjpachanquir take warawaranacaruwa yupaychäna, alt'asiraquïna.

2 Reyes 21:3 Jak'a apnaqawi uñst'ayäwi

1 Reyes 18:21

Ukatsti Eliasax taqpach markar jak'achasisaw säna: —¿Kunapachkamarak jumanakasti pä chuyma sarnaqapxätasti? Tatitutix chiqpach Diosächixa, juparuy arkapxam, jan ukax Baal diosatix chiqächixa, jupar arkapxarakim —sasa. Markachirinakax janiw kamsapkänsa.

1 Reyes 18:26

Baal diosan profetanakapasti, jupanakar churat vaca qallu katusin wakt'ayapxäna, ukatsti willjtata chika urukamaw Baal diosapar jach'at arnaqasipxäna: “¡Baal ist'apxita!” sasa. Jupanakasti lurapkatayna uka altar thiyan, thuqtas thuqtasaw muyupxäna, ukampis janiw kuna arus ist'askänti.

2 Reyes 13:6

Ukampisa, israelitanakax janiw kuna juchanaktix Jeroboam chachan saraqirinakapax lurapkatayna ukanakat saraqtapkänti, ukanakaw Israel markarux juchar puriyatayna, jupanakax jucha lurasipkakïnwa, Astarté sat diosan lantipasa Samaria markankaskakïnwa.

2 Reyes 17:16

Tatit Diosapan kamachi arunakap apanukusasti, broncet pä vaca qallu lursusipxäna, ukhamarus Astarté diosar uñtatanak lurapxäna, ukatsti Baal diosaru, intiru, phaxsiru, warawaranakaruw yupaychapxäna.

2 Reyes 18:22

Jumanakatix sapxitasma: ‘Nanakax Tatit Diosaxaruw alkatasipxta’ sasaxa, ¿janiti Ezequías reyisti qullu patanakan yupaychañ altaranak apanukki, ukat Judá markampiru, Jerusalén markampir siskaraki Jerusalenan utjir altar nayraqatanaki Tatitur yupaychapxäta sasasti?

2 Reyes 18:4

Jupaw qullu patanakan yupaychañ chiqanak apaqäna, yupaychañ qalanaksa jisk'a jisk'a tukjäna, Astarté diosan lantinakapsa taqpach p'akiräna, ukatsti Moisesax broncet mä katari lurkatayna uksa jisk'a jisk'a tukjarakïna; uka urunakkamasti israelitanakax inciensonak uka katarir yupaychasin nakhayapxäna, Nehustán sasaw sutichapxarakïna.

2 Reyes 8:18

Ukampis jupax kunjämtix Israelan reyinakapasa, Ahab reyin saraqirinakapas sarnaqapkän uka pachparak arkäna, warmipax Ahab reyit saraqirïnwa; ukhamasti luratanakapax Tatit nayraqatan janiw walïkänti.

2 Reyes 8:27

Ocozías reyix Ahab reyin thakhipa, jupat saraqirinakan thakhip arkäna, Ahab reyin wila masinakapamp sumankatap laykusti, jupan luräwinakapax Tatitun nayraqatapan janiw walïkänti.

2 Crónicas 32:12

¿Janit Ezequiasasti qullu patanakan uka Diosar yupaychañ altaranak chhaqtayki, ukatxa Judá, Jerusalén uraqinkir jaqinakarusa mä sapa altaran Diosar yupaychapxañapataki, incienso luqtapxañapatak siskänsti?

2 Crónicas 34:3

Kimsaqallq mara marka apnaqkän ukkhasti, waynäkasawa Josías reyix David nayra awkipan Diosaparu thaqtañ qalltäna. Tunka payan mara marka apnaqkän ukkhasti, jupax Judá, Jerusalén markanakaruw q'umachäna, qullu amstan utjir yaqha diosanakar yupaychañ utanakap apaqayasa, ukhamarak Astarté diosan uñtasitanakapa, idolonakapa, ninamp umatatayas lurat diosanakap apaqayasa,

Job 31:26

Intin k'ajatap uñjta, phaxsin suma qhanapamp saraskir uñjarakta,

Isaías 65:11

Ukampis jumanaka, khitinakatix Tatitut jayarst'apkta, qullana qulluxatsa armasipxta, Gad, Mení siski uka qamir yänak churiri diosanakaruw manq'sa, vinsa churapxarakta,

Jeremías 7:30

Tatitusti siwa: “Judá uraqinkir jaqinakax nayar ñanqhachañatakix mä jan wal lurapxi: nayar luqtat utaruw uka axtaskañ idolonakap uchasxapxi, ukhamat utax q'añuchapxi.

Miqueas 6:16

Jumax Omrí reyina, Ahab reyin wila masinakapan arsutanakapa, luräwinakap lurtaxa, kunjämtix jupanakax sarnaqkäna ukhamarak sarnaqtaxa. Ukat jichhax jumatsa, jaqinakamatsa, axsarayaskaña, laruskañ tukuyapxäma, markaxan p'inqapasti jumxarurakiw purini.”

Deuteronomio 16:21

“Jan kuna quqanaksa yaqha diosanakar jach'añchañatak ayrupxamti, janirak Tatit Diosaman altarap jak'arus uka quqa uchapxamti.

Deuteronomio 17:2

“Tatit Diosamax churapkätam uka markanakantix khiti jaqisa, warmisa Diosar ñanqhachäwinak lurani, suma arust'äwipsa p'akintarakini,

Deuteronomio 17:3

yaqha diosanakar yupaychasina, ukanakar killt'asisaraki, phaxsirüpasa, intirüpasa, warawaranakarüpasa, kuna luräwinaktix Diosax jan lurañas munki ukanak lurasa,

Deuteronomio 20:18

ukhamat uka axtaskañ sarnaqäwinakapa, kunjämtix diosanakapar yupaychapki ukanak jumanakar jan yatichaskañapataki, ukham lurasin Tatit Diosamatak jucha jan lurasipkañamataki.

Deuteronomio 4:19

Ukatsti alaxpach uñtasina, intiru, phaxsiru, warawaranakaru, taqpach warawaranakar uñtapkät ukapachaxa, jan ukanakar yupaychapxamti, ukanaksti Tatit Dios awkisaw taqi akapach uraqinkir markanakatak luri.