2 Reyes 2:5 - Qullan Arunaka DC

⁵ Ukampis Jericó markan jakir profetanakax, Eliseor jikxatiriw mistunipxäna, ukat jupar sapxarakïna: —Tatitux jichhüruw yatichirimar irpaqasxätam, ¿uk yatxtati? —sasa. Ukxarusti Eliseox sänwa: —Jïsa, yatxtwa, ukampis jumanakax jan kuns sapxamti —sasa.

Aymar Bibliia 1986

⁵ Ucampis Jericó marcan jacapcäna uca profetanacasti Eliseoru jicjjatiriw mistunipjjäna, ucatsti aqham sapjjänwa: —¿Jumajj yattati Tatitojj yatichirimaru jichhüru apakcätam ucjja? —sasa. Ucjjarusti Eliseojj sänwa: —Jïsa, yattwa, ucampis jumanacajj jan cunsa parlapjjamti —sasa.

Qullan Arunaca

⁵ Ucampis Jericó marcan jacapcäna uca profetanacasti Eliseoru jicjjatiriw mistunipjjäna, ucatsti aqham sapjjänwa: —¿Jumajj yattati Tatitojj yatichirimaru jichhüru apakcätam ucjja? —sasa. Ucjjarusti Eliseojj sänwa: —Jïsa, yattwa, ucampis jumanacajj jan cunsa parlapjjamti —sasa.

2 Reyes 2:5 Jak'a apnaqawi uñst'ayäwi

Génesis 48:19

Ukampis awkipax janiw jayskänti, ukat sarakïna: —¡Wawaxay, nayax uk yattwa! Manasesax mä jach'a markaw tukuni. Ukampisa sullka jilapaw jupat sipana wali aytat uñjasini, wawanakapasti walja markanak sayt'ayani —sasa.

1 Reyes 20:35

Ukampisa, profetanak taypinkir mayniw masipar Tatitun munañap phuqhasin säna: —Chhuxriñchjita —sasa. Ukampis uka masipax janiw chhuxriñchjañ munkänti.

2 Reyes 2:3

Ukampis Betel markan jakir profetanakax Eliseor jikxatiriw mistunipxäna, ukat jupar jiskt'apxarakïna: —Tatitux jichhüruw yatichirimar irpaqasxätam, ¿uk yatxtati? —sasa. Eliseosti sänwa: —Jïsa, yatxtwa, ukampis jumanakax jan kuns sapxamti —sasa.

2 Reyes 4:1

Mä warmiw utjäna, jupasti profetanakat maynïr profetan warmipänwa, jupax Eliseon ukaruw saräna akham sasa: —Chachaxax jiwxiwa, jupax Tatitur axsartirïnwa, uksti jumax yattawa. Jichhasti qullqi mayt'apkitäna uka jaqiw juti, ukatsti pani wawaxaruw uywatapatak irpasxañ muni —sasa.

2 Reyes 5:22

Guehazí uywatasti ukxaruw säna: —Janiw kunasa. Ukampis uywirixaw jumar sañatak khithanitu: Pä wayna profetanakaw Efraín qullunakat jichhak purinipxi, ukatsti jupanakar kimsa waranqa qullqi churañamatakiw achikt'astam, ukhamarak pä machaq isinakampi —sasa.

2 Reyes 6:1

Mä urusti, profetanakax Eliseoruw sapxäna: —Uñjam, jumampi jakasipktan uka chiqaxa, nanakatakix wali jisk'akiwa.

2 Reyes 9:1

Mä urusti, Eliseo profetax profetanakan tamapat maynïriruw jawsäna, juparusti akham säna: —Sarañatak wakt'ayasim. Aceiten wayucha apxarusiwayam, ukatsti Galaadankir Ramot chiqar saram;

Eclesiastés 3:7

Ch'iyanuqañ pacha, ch'ukthapiñ pacha. Amukt'añ pacha, parlañ pacha.

Isaías 41:1

“Quta tuqinkir markanaka, nayan nayraqataxan amukt'apxam; markanaka, wal ch'am katxatapxam. Kunatix jichhax parlañasäki uka tuqit parlir jutapxam, uka tuqit parlir tantacht'asipxañani.

Amós 7:14

Amós profetasti akham sasaw aruskati: —Janiw nayax profetäkti, janiw profetan wawapäkaraktsa. Nayax ovej awatirikïtwa, pampa higonak apthapisis jakasirikïtwa,

Habacuc 2:20

Ukampis Dios Tatitux qullan utapankaskiwa: “¡Jupa nayraqatan taqi akapachan jakir jaqinakax amukt'apxpan!”

Lucas 24:51

Jupanakar aski waxt'äwip churkipanwa, jupanakat jithiqtawayxäna, ukatsti alaxpachar apataw uñjasxäna.

Hechos 1:11

Uka chachanakasti Jesusan apostolunakaparux sänwa: —Galileankir jaqinaka, ¿kunatarak alaxpach uñch'ukisipktasti? Kamisatix jumanak taypit Jesusar alaxpachar aptat uñjapktaxa, ukhamarakiw jupax wasitat jutani —sasa.

Hechos 1:2

kunürutix alaxpachar jupax makhatkän ukürkama. Jesusax alaxpachar janïr makhatkasaxa, ajlliskatayna uka apostolunakaparuw Qullan Ajayu tuqi iwxawayäna kuntix lurapxañapäki ukxata.

Hechos 26:25

Pablosti ukxaruw säna: —Jach'a jilïr tata Festo, janiw luqhïkti, kuntix arsuskta ukax chiqawa, amuykayarakiwa.

1 Samuel 10:5

Uka chiqatsti Diosan uraqipa Guibeá chiqaruw purirakïta, uka chiqansti filisteo soldadonakaw ukankaski. Ukatsti markar mantkasin mä tama profetanakampiw jikisïta, jupanakasti jutir urunakan luraskani ukanak arsusaw qullan chiqawjat saraqasinipkani. Jupanak nayräxapsti walja jaqinakaw saraskarakini guitarranaka, panderonaka, pinkillunaka, arpanaka toct'asisa.