2 Reyes 2:4 - Qullan Arunaka DC

⁴ Ukatsti Eliasax Eliseoruw säna: —Aka chiqaruy jumax qhiparam, Tatitux Jericó markaruw khithaskitu —sasa. Eliseosti ukxaruw säna: —Nayax Tatit layku, juma laykuw juramento lurta, janiw nayax jumar sapak saraykämati —sasa. Ukatsti panpachaniw Jericó markar sarapxäna.

Aymar Bibliia 1986

⁴ Ucatjja Eliasajj Eliseorojj sänwa: —Jumajj aca chekaru kheparam, Tatitojj Jericó marcaruw qhititu —sasa. Ucjjarusti Eliseojj sänwa: —Nayajj Tatit laycuw juramento lurta, uqhamarac juma pachpatsa, janiw nayajj jumar sapaqui jaytcämati —sasa. Ucatsti panpachaniwa Jericó marcar sarapjjäna.

Qullan Arunaca

⁴ Ucatjja Eliasajj Eliseorojj sänwa: —Jumajj aca chekaru kheparam, Tatitojj Jericó marcaruw qhititu —sasa. Ucjjarusti Eliseojj sänwa: —Nayajj Tatit laycuw juramento lurta, uqhamarac juma pachpatsa, janiw nayajj jumar sapaqui jaytcämati —sasa. Ucatsti panpachaniwa Jericó marcar sarapjjäna.

2 Reyes 2:4 Jak'a apnaqawi uñst'ayäwi

1 Reyes 16:34

Ahab reyin urunakapanxa, Betelankir Hiel sat chachaw Jericó marka wasitat sayt'ayäna. Lurañ qalltkäna ukkhasti, Abiram sat jilïr wawapaw jiwxäna, markan punkunakap uchkäna ukkhasti, Segub sat sullkïr wawaparakiw jiwxäna. Ukasti kunjämtix Tatitux Nun chachan Josué yuqap tuqi siskatayna ukhamarjamaw phuqhasiskäna.

2 Reyes 2:2

Eliasasti Eliseorux sänwa: —Akawjaruy jumax qhiparam, Tatitux Betel markaruw khithaskitu —sasa. Eliseosti ukxaruw säna: —Nayax Tatit layku, juma laykuw juramento lurta, janiw nayax sapak saraykämati —sasa. Ukhamasti panpachaniw Betel markakam sarapxäna.

2 Reyes 4:30

Ukampis wawan taykapax Eliseor sänwa: —Tatit layku, juma laykuw juramento lurta, janitix jumamp chika sarkä ukaxa, janiw utaxar kuttkäti —sasa. Ukat Eliseox jupamp chik saräna.

Lucas 19:1

Jesusax Jericó markaruw mantäna, ukatsti marka taypinjam saräna.

Hechos 11:23

Antioquiar purisinsti, Bernabeax wal kusisïna, Diosan jupanakar aski waxt'äwinakamp phuqt'katayna uk uñjasa. Jupanakarusti iwxt'arakïnwa, taqi chuymamp Tatitur arkapxañapataki.

Hechos 2:42

Jupanakasti apostolunakan yatichäwiparjamaw, maynit maynikam suman jakasipxäna, t'ant'a pachjañataki, Diosat mayisiñatak tantachasisa.

Josué 6:1

Jericó markarux janiw khitis mantkänti, janirakiw mistkänsa. Uka markan punkunakapax israelitanakar axsarasax jist'antatänwa.

Josué 6:26

Ukatsti Josué chachax aka juramento luräna: “Jericó marka wasitat sayt'ayañ munirix Tatitun axsarkay mutuyäwip katuqani. Tayna yuqall wawap apt'asiñ munirix, uta qallta qalanak jaquntpan, sullka yuqapan jakañap apt'añ munirix punkunak uskuntarakpan” sasa.

Rut 1:16

Ukampis Rut warmix taykch'iparux sarakïnwa: “Jumar jaytjañ jan mayistati, kawkharutix jumax sarkäta ukkharuw nayax sarä, kawkhantix jumax jakkäta ukkhan jakä. Juman markamax markaxäniwa, Diosamasti, Diosaxarakïniwa.

1 Samuel 1:26

Anasti sänwa: —Tatay, chiqpachansa jumax jakasktawa, kawkïri warmitix juma jak'an Tatitut mayiskäna ukätwa.