2 Reyes 18:3 - Qullan Arunaka DC

³ Ezequías reyin luratanakapasti Tatitun nayraqatapan askïnwa, kunjämatix David nayra awkipan luratanakapax askïkän ukhama.

Aymar Bibliia 1986

³ Ezequías reyin luratanacapasti Tatitun nayrakatapanjja asquinacänwa, cunjämatï David nayra awquipanjamaraqui.

Qullan Arunaca

³ Ezequías reyin luratanacapasti Tatitun nayrakatapanjja asquinacänwa, cunjämatï David nayra awquipanjamaraqui.

2 Reyes 18:3 Jak'a apnaqawi uñst'ayäwi

1 Reyes 11:38

Jumatix ist'itäta kunanaktix luram siskäma ukanakaru, luräwinakamas naya nayraqatan chiqapäni, ukatsti kamachinakaxsa, kamachi arunakaxsa phuqharakïta, kunjämtix David luqtirixax lurkäna ukhamxa, nayax jumampïyäwa, jumat saraqir reyinakarusti ch'aman sayt'ayä, kunjämatix Davidan saraqirinakapar ch'aman sayt'aykta ukhama; Israel marksti jumaruw katuyäma.

1 Reyes 11:4

Salomonax ch'ama qarit awkïxäna ukkhasti, warminakapax chuymap yaqha diosanak tuqiruw uñtayäna, Salomonax janiw Tatit Diosaparux David awkipjama taqi chuyma luqtaskataynati.

1 Reyes 15:11

Asá reyin luratanakapasti Tatitun nayraqatapan askïnwa, David, nayra awkipanjama.

1 Reyes 15:5

Davidax Tatitun nayraqatapan suma askin sarnaqatayna, janipuniw jakañapan Tatitun arsüwinakapat saraqkataynati. Davidan jan wali luratapax mayaw utjäna, ukasti Urías hitita chachar jiwayapxañapatak khitkatayna ukänwa.

1 Reyes 3:14

Jumatix nayan munañax luräta, kamachinakaxsa, arunakaxsa phuqharakïta, kunjämtix David awkimax lurkäna ukhamxa, jaya maranak jakañ churäma” sasa.

2 Reyes 12:3

3 (4) Ukampis yaqha diosanakar yupaychañ utanakax janiw apaqatäkänti, jan ukasti markax uka utanakan wilañchanak luqtaskakïnwa, inciensonaksa nakhayaskakïnwa.

2 Reyes 14:3

Amasías reyin luratanakapasti Tatit nayraqatan chiqapänwa, ukampis janiw David nayra awkipanjamäkänti. Jupax kunjämtix Joás awkipax lurkäna uka pachparak luräna,

2 Reyes 20:3

“Tatay, achikt'assmawa, nayat amtasikitaya, nayax chiqa chuymampi, kunatix jumar kusisiyktam ukhamarjamaw luqtawaysma” sasa. Ukatsti jupax walpun jachäna.

2 Reyes 22:2

Josías reyin luratanakapasti Tatitun nayraqatapan chiqapänwa; jupasti David nayra awkipan sarnaqäwiparjamaw arkäna.

2 Crónicas 29:2

Ezequiasan luratanakapax Tatit nayraqatan chiqapänwa, kunjämatix David nayra awkipan luräwinakapax chiqapäkäna ukhama.

Job 33:27

Sarakiniwa: “Juchachastwa, kunatix jan chiqapäki ukanak lurta, ukampis Diosax janiw mutuyañ munkituti;

Salmos 119:128

Ukat arsutanakamarjamax sarnaqta, k'ari sarnaqañarusti uñistwa.

Éxodo 15:26

Sarakïnwa: “Jumanakatix naya, Tatit Diosaman arunakapar sum ist'apxäta, munañaxsa lurapxäta, ukatsti kamachi arunakaxarusa, kamachinakaxarus phuqhapxarakïta ukapachaxa, janiw kawkïr mutuyäwinaktix egipcionakar apaykta ukanak apayanipkämati. Nayätwa jumanakar k'umarachir Tatitumaxa” sasa.

Isaías 38:3

“Tatay, nayax achikt'assmawa, kunjämtix taqi chuymaxampi jumar arksma uk amtasimaya, kunjämarutix jumax munkta ukhamarjam lurkta uksa amtasirakimaya” sasa. Ukatsti Ezequiasax walpun jachäna.

Romanos 7:12

Saraksnawa, kamachix Diosat juti, kamachin arunakapasti askiwa, chiqaparakiwa.

Efesios 6:1

Wawanaka, kunjämtix Tatitux munki ukhamaruy awkimar taykamarux jaysapxam, ukham jaysañaw askixa.

Deuteronomio 10:12

“Jichhasti israelit jaqinaka, ¿kunarak Tatitu Diosamasti jumanakan lurapxañam munisti? Jupax jupar jach'añchañanakam muni, jupan thakhipanjam arkañanakama; ukatsti jupar munañanakama, taqi chuymamampi, taqi jakañamamp jupar yupaychañanakama,

Deuteronomio 6:18

Ukatsti Diosan nayraqatapan chiqäki, askïki ukanak lurapxam, kusisit jakapxañamataki, kawkïr uraqtix Diosax arupampi awkinakamar churañ arskäna uka uraqir mantapxañamataki.