2 Reyes 16:3 - Qullan Arunaka DC

³ jupax Israelan maynïr reyinakapan thakhip arkäna, jupasti wawaparusa wilañcha luqtasin nakhantayäna, kunjämtix markanakax jan walinak lurapxirïkän ukhama, Tatitusti uka markanakarux israelitanakan nayraqatapat jaqunukutaynawa.

Aymar Bibliia 1986

³ jan ucasti arcänwa Israelana reyinacapana luräwinacaparu, jupasti wawaparusa sacrificionjja naqhantayänwa, cunjämatejj marcanacajj k'añu lurañanaca yatipcäna uqhama, Tatitusti uca marcanacarojj israelitanacan nayrakatanacapatjja apanucutaynawa.

Qullan Arunaca

³ jan ucasti arcänwa Israelana reyinacapana luräwinacaparu, jupasti wawaparusa sacrificionjja naqhantayänwa, cunjämatejj marcanacajj k'añu lurañanaca yatipcäna uqhama, Tatitusti uca marcanacarojj israelitanacan nayrakatanacapatjja apanucutaynawa.

2 Reyes 16:3 Jak'a apnaqawi uñst'ayäwi

1 Reyes 14:24

Ukhamarakiw uka uraqinkir chachanakax chacha masinakapampi jan wali lurañ yatipxäna, diosanakapataki aski lurapkaspa ukhama, ukanakasti jucharar markanakana jan wali luräwinakapänwa, kawkïr markanakarutix Tatitux israelitanakan nayraqatapat jaqunukkatayna uka markanaka.

2 Reyes 17:16

Tatit Diosapan kamachi arunakap apanukusasti, broncet pä vaca qallu lursusipxäna, ukhamarus Astarté diosar uñtatanak lurapxäna, ukatsti Baal diosaru, intiru, phaxsiru, warawaranakaruw yupaychapxäna.

2 Reyes 17:17

Yuqall wawanakaparusa, imill wawanakaparus nakhantayapxarakïnwa, ukatsti yatirinakampiru, layqanakampiruw jiskt'asipxäna, jupanakas jutir urunakat yatipkaspa ukhama, Tatitun nayraqatapan jan wali lurañanakaruw katuyasipxarakïna, ukham lurasaw jupar q'apisiyapxäna.

2 Reyes 17:19

Judá ayllunkirinakasti janirakiw Tatit Diosapan kamachi arunakap phuqhapkänti, jan ukasti israelitanakan uñstayat saranakaparuw arkapxäna.

2 Reyes 17:8

ukatsti kawkïr markanakarutix Tatitux jupanakan nayraqatapat jaqunukkatayna ukanakan luräwinakap arkapxäna, ukhamaraki kuna saranaktix Israel reyinakax utt'ayapkatayna uka saranak arkapxäna.

2 Reyes 21:11

“Manasés reyin jan wali q'añu luräwinakapata, ñanqha luräwinakapan jupat nayra utjir amorreonakat sipan juk'ampïtapata, Judá markarus idolonakapampi jucha lurayatapatxa,

2 Reyes 21:2

Ukampis Manasesan luratanakapax Tatitun nayraqatapan jan walinakänwa, jupasti kawkïr markanakarutix Tatitux israelitanakan nayraqatapat jaqunukkatayna ukanakan pachpa q'añu luräwinakap luräna:

2 Reyes 21:6

Ukxarusti wawanakaparux wilañcha luqtasaw nakhantayäna, ukatsti ajayunakar jawsañampi, jamusiñanakampi yatïna, ukatsti ajayunakampi parlaña, layqasiñanakampi utt'ayäna. Luratanakapasti Tatitun nayraqatapan sinti jan walinakänwa, ukhamat Tatitur wali q'apisiyäna.

2 Reyes 21:9

Ukampis israelitanakax janiw Tatitur ist'apkänti. Jan ukasti, Manasés reyix kawkïr markanakarutix Tatitux israelitanakan nayraqatapan tukjkatayna ukanakat sipan, juk'amp ñanqha lurañanak jupanakar lurayäna.

2 Reyes 23:10

Josías reyix Ben-hinom sat qhirwan utjkatayna uka nakhayaña t'unjarakïna, jan khitis yuqall wawaparusa, imilla wawaparus Milcom diosatak wilañcha luqtasipkañapataki.

2 Reyes 8:18

Ukampis jupax kunjämtix Israelan reyinakapasa, Ahab reyin saraqirinakapas sarnaqapkän uka pachparak arkäna, warmipax Ahab reyit saraqirïnwa; ukhamasti luratanakapax Tatit nayraqatan janiw walïkänti.

2 Crónicas 22:3

Ocozías reyisti Ahab reyin wila masinakapan sarnaqäwipa arkarakïna, taykapaw juparux jan wali amuyunak churäna, Ahab chachan wila masipampi sumankatap laykusti, jupan luräwinakapax Tatit nayraqatan janiw askïkänti. Awkipan jiwatap qhipatsti jupax uka jaqinakan amtatap luräna, ukhamat aynacht'añar puriwayäna.

2 Crónicas 33:2

Ukampis jupan luräwinakapax Tatit nayraqatan janiw walïkänti, jupasti kawkïr markanakarutix Tatitux israelitanakan nayraqatapat jaqunukkän uka markanakan axtkañ luräwinakap luräna:

2 Crónicas 33:6

Ben-hinom qhirwa chiqansti, wawanakaparuw wilañcha luqtasa nakhantayäna, ukatsti ajayunakaru, yatirinakar jiskt'asisaw sarnaqäna, ch'amakaninaka, layqasiñanak utt'ayarakïna. Tatit nayraqatan uka luräwinakapax sinti jan walïnwa, ukham lurasaw Tatitur q'apisiyäna.

Salmos 106:35

Diosar jan uñt'ir jaqinakampiw chikachasipxäna, luräwinakap yatiqasipxäna:

Isaías 57:5

roble quqanak taypina, jach'a quqanak jak'ana, uka k'ari diosanakar yupaychañatakiw q'añu lurañanakar katuyasipxtaxa, jawira thiyanakana, qarqa p'iya manqhanakana jisk'a wawanaksa wilañchanak luqtapxtaxa.

Jeremías 32:35

Ben-hinom sata qhirwansti Baal diosatakix altaranak lurasipxi, ukat juk'ampi jan wali luratanakapax axtasiyitu, uka altaranakan imill wawanakaparu, yuqall wawanakapar Moloc diosar wilañcha luqtapxi, ukhamat Judá markarux juchar puriyapxi, uka axtaskañ lurañanaksti janiw nayax jupanakarux ‘Lurapxam’ siskti, janirakiw akch'as amuyuxarux ukanakax jutkarakïnti.

Ezequiel 16:21

wawanakaxsa uka diosanakar luqtasin nakhantayas jiwayatamas juk'akirakiti?

Ezequiel 16:47

Jumasti, jupanakjamarakiw q'añu luräwinakapa lurtaxa. Ukanakampi jan sisthapisasa, juman sarnaqäwinakamax jupanakan sarnaqäwinakapat sipan juk'ampi jan walïnwa.

Ezequiel 20:26

Jupanakarusti, uka diosanakar jilïr yuqall wawanakap wilañcha luqtañampiw q'añuptayta. Taqi ukanaksti jupanakan axsartapxañapatakiw lurta, ukat nayan Tatitütax yatipxañapataki.’

Ezequiel 20:31

Jumanakax wawanakamar ninampi nakhantayasin wilañcha luqtasax, uka axtaskañ diosanakamampix q'añuchasisipkaktawa. Jichhasti israelitanaka, ¿ukham lurkasas nayar jiskt'asirix jutañ munasipkaktati? Naya, Tatituw jakañax layku juramentompi arsta, janipuniw jumanakampix jiskt'ayaskäti.

Levítico 18:21

“Wawanakamsti janipun Moloc sat diosarux wilañchat luqtamti. Janirak ukham lurasax Diosan sutipsa ñanqhachamti. Nayakïtwa Tatituxa.

Levítico 20:2

“Israelita jaqinakarux akham sama: “Kawkïr israelita jaqitix jan ukax jumanak taypin jakir yaqha markat jutir jaqis wawanakapa Moloc sat diosar wilañchat luqtani ukasti, markankir jaqinakan qalampi k'upjas jiwayatäñapawa.

Miqueas 6:7

¿Tatitusti kusisirakispati jupar waranqa ovejanaka, jan ukax tunka waranqa litro aceite churirista ukaxa? ¿Jan ukax jilïr yuqall wawaxcha Tatitur saykatataxata, jucha lurataxatsa, luqtirista?

Deuteronomio 12:31

Jan jumanakax Tatit Diosamar ukham lurapxamti, kunjämtix uka markanakax diosapar waqaychapki ukax Diosar axtasiyiwa. Jupanakax ninampi phichhantasaw kipka wawanakapsa wilañcha luqtapxi.

Deuteronomio 18:10

Jan jumanakat khitis ninar nakhantayas wawanakamar wilañcha luqtpati, janirak layqasiñanakan sarnaqpati, jutir urunakat yatxatañanakarus uchasipxpati, janiraki layqasir jaqïpxpati,