2 Reyes 16:10 - Qullan Arunaka DC

¹⁰ Kunapachatix Ahaz reyix Damasco markar Asiriankir Tiglat-piléser reyimp jikisir sarkän ukkhaxa, jupax ukan utjkatayna uka altar uñjäna. Ukatsti Urías sacerdoteruw kunjäm luratäkäntix uka altarax uka qillqaqat plano apayäna,

Aymar Bibliia 1986

¹⁰ Cunapachatï Acaz reyejj Damasco marcar sarcäna Asirianquir Tiglat-pileser reyipampi jiquisiri ucqhajja, jupajj uñjänwa ucanquir altara. Ucatsti Urías sacerdoterojja mä suma phokhata plano apayäna, altar lurañapataqui.

Qullan Arunaca

¹⁰ Cunapachatï Acaz reyejj Damasco marcar sarcäna Asirianquir Tiglat-pileser reyipampi jiquisiri ucqhajja, jupajj uñjänwa ucanquir altara. Ucatsti Urías sacerdoterojja mä suma phokhata plano apayäna, altar lurañapataqui.

2 Reyes 16:10 Jak'a apnaqawi uñst'ayäwi

2 Reyes 15:29

Uka urunakansti, Asiriankir Tiglat-piléser reyiw purintasin Iión, Abel-bet-maacá, Janóah, Quedes, Hasor, Galaad, Galilea markanak katuntasïna, Neftalí taqi uka uraqinak katuntasirakïna, markachirinakaparusti Asiria markaruw katuntat apxäna.

2 Reyes 16:11

ukat Urías sacerdotex, mä altar luräna, kunjämtix Ahaz reyix Damasco markatpach suma qillqaqat plano apayankatayna ukhamarjam taqi kun phuqhasa, jupasti Ahaz reyix Damasco markat janïr kutt'ankän ukkhaw uka altar lurañ tukt'ayxäna.

2 Reyes 21:4

ukxarusti altaranak Tatitun utapan luräna, uka chiqatsti Tatitux sataynawa: “Jerusalén markan sutixa uchä” sasa.

1 Crónicas 28:19

Taqi akanaksti Tatitun uñacht'ayataw Davidax mä qillqañar qillqantäna, ukanwa kunjäm lurañäkitix taqi ukanak wali sum qhanañchäna.

Salmos 106:39

luräwinakapampiw q'añuchasipxäna, ñanqha luratanakapampiw wachuqapxäna.

Éxodo 24:4

Ukat Moisesax kunanaktix Tatitux siskatayna ukanak qillqäna, qhipärmanthisti, wali willjtat sartasin jupax qullu kayur mä altar luräna, ukatsti tunka payan qalanak uchäna; Israelan sapa ayllunakapat mä qala uchäna.

Éxodo 39:43

Moisesasti taqi luratanakap uñakipäna, Tatitun arsutaparjam lurapxatap uñjasin, suma waxt'äwip jupanakar churäna.

Jeremías 10:2

Tatitux siwa: “Yaqha markanakan luräwinakapar jan arkapxamti, alaxpachan unañchäwinakatsa janirak mulljasipxamti, kunjämatix uka markanakax mulljasipxi ukhama.

Ezequiel 16:28

Ukham katuqkasasa, asirio jaqinakampiw q'añu lurañanakan sarnaqaraktaxa; janiw ukanakampis sisthapktati.

Ezequiel 43:11

Jupanakatix juchanakapat p'inqasipxanixa, ukkhaw jupanakarux kunjämäkitix nayan utaxaxa, kunanakatix ukan utjki taqi ukanak yatiyäta, mistuñanakapata, mantañanakapata, kunjäm luratänisa, kuna kamachinak phuqhapxañapänisa taqi ukanak yatiyarakïta. Ukanaksti qillqsurapim ukhamat qhanpacha amuyasipxañapataki, ukatsti ukhamarjamar lurapxañapataki. Taqpach kamachinak qillqsurapirakim phuqhapxañapataki.

Ezequiel 43:8

Janirakiw nayan utax jak'aru jupanakan jach'a utanakapsa mä pirqan jaljataki utachaskxapxaniti. Jupanakax nayar axtasiykitu ukanak lurasaw nayan qullan sutixa takisipxäna; ukatpï q'apisiñaxan jupanakar tukjaraktxa.

Ezequiel 44:12

Jupanakaw sacerdotenakjam israelitanakarux yaqha diosanakar yupaychayas jucha lurañar puriyapxäna. Ukatpï jichhax taqi uka juchanakapat mutuyatäpxanixa. Naya, Tatituw uk arsta.

Mateo 15:6

ukham siristi, janiw awkiparusa, taykaparus yanapañapäkxiti. Ukham lurasasti jumanakax yatichäwimarjam phuqhañatakiw Diosan kamachip apanukupxtaxa.

Mateo 15:9

Inamayaw nayarux yupaychasipkitu; yatichäwinakapax jaqin yatichäwipakiwa’ —sasa.

Romanos 12:2

Janiy jumanakax jichha pacha saräwinakarjam jakxapxamti; jan ukasti, amtañanakam mayjt'ayapxam, ukhamat jumanakan jakäwiman sumäxañapataki, ukat Diosan munañap yatiñataki, kunatix askïki, kunatix munkañäki, kunatix chiqäki ukanaka.

Josué 22:28

Khititix nanakaru, jan ukax, wawanakaxarusa ukham sapxitaspa ukkhaxa, nanakax jupanakarux sapxiristwa: “Uñtapxam, nayra awkinakasaw aka altar Tatitutaki lurapxäna, janiw nakt'at waxt'äwinaka, wilañchanak luqtañatakïkiti, jan ukasti, nanakampita jumanakampita amtasiñataki mä uñacht'äwiwa” sasa.

1 Pedro 1:18

Tatitusti, jumanakarux nayra awkinakamat katuqapkayäta uka ina ch'usa jakañatsa qhispiyapxtamwa. Jumanakax sum yatipxtaxa, uka qhispiyasiñax janiw tukusir qurimpis qullqimpis alatäkiti,