2 Reyes 13:9 - Qullan Arunaka DC

⁹ Joacaz reyix jiwxäna ukapachasti, Samaria markan jupar imt'xapxäna. Uka qhipatsti Joás yuqapaw jupa lantix marka apnaqxäna.

Aymar Bibliia 1986

⁹ Cunapachatï jiwjjäna ucqhasti Samaria marcanwa imt'jjapjjäna. Ucatjja jupa lantejja Joás yokapaw reyëjjäna.

Qullan Arunaca

⁹ Cunapachatï jiwjjäna ucqhasti Samaria marcanwa imt'jjapjjäna. Ucatjja jupa lantejja Joás yokapaw reyëjjäna.

2 Reyes 13:9 Jak'a apnaqawi uñst'ayäwi

1 Reyes 14:13

Ukatsti Israel markpachaw wawatjam wal jachani, ukat imt'xapxarakini; Jeroboaman saraqiripat, jupa sapakiw amay imäwir imt'atäni. Jeroboam chachan taqi saraqiripatxa, jupa sapanak Israelan Tatit Diosapax jupatakjam aski jikxatatap layku.

2 Reyes 10:35

Jehú reyix jiwxän ukkhasti, Samaria markan imt'xapxäna, jupa lantisti Joacaz yuqapaw reyïxäna.

2 Reyes 13:10

Kunapachatix Judá markankir Joás reyix kimsa tunka paqallquni mara marka apnaqkän ukkhaw, Joacaz chachan Joás yuqapax Israel marka apnaqañ qalltäna, jupasti Samaria markan tunka suxtan maraw marka apnaqäna.

2 Reyes 13:13

Joás reyix jiwxäna ukapachasti, juparux Samaria markan imt'xapxäna Israel markan reyinakap thiyaru. Uka qhipatsti Jeroboam yuqapaw jupa lantix marka apnaqxäna.

2 Reyes 13:8

Joacaz reyin ukat ukxar sarnaqäwipasa, luratanakapasa, atipjäwinakapasa Israelankir reyinakan luräwinakapa qillqatankiwa.

2 Reyes 14:8

Uka qhipatsti, Amasiasax mä yatiyäwi apayäna Joacaz chachan Joás yuqaparu, jupasti Israelan reyipänwa, Jehú chachan allchhiparakïnwa, uka yatiyäwisti akham säna: “Jutam, ajanuy ajanu uñkatasiñäni” sasa.