2 Reyes 13:5 - Qullan Arunaka DC

⁵ Tatitux Israel markatak mä qhispiyir khithanïna, ukhamat israelitanakax Siria reyin amparapat qhispipxäna, ukatsti nayra urunakanjam samaratakiw wasitat utanakapan jakxapxäna.

Aymar Bibliia 1986

⁵ Ucat Tatitojj mä khespiyirwa churäna, uqhamatwa israelitanacajj khespiyasipjjäna Siria marcanquir reyita, ucatsti samarataquiw utanacapana jacjjapjjäna, cunjämtejj nayrajj jacapjjerïcäna uqhama.

Qullan Arunaca

⁵ Ucat Tatitojj mä khespiyirwa churäna, uqhamatwa israelitanacajj khespiyasipjjäna Siria marcanquir reyita, ucatsti samarataquiw utanacapana jacjjapjjäna, cunjämtejj nayrajj jacapjjerïcäna uqhama.

2 Reyes 13:5 Jak'a apnaqawi uñst'ayäwi

2 Reyes 13:25

Ukapachaw Joacaz reyin Joás yuqapax Ben-adad reyin amparapat kutirayasxäna, kawkïr markanaktix Hazael reyix nuwasïwin Joacaz awkipat aparkatayna uka markanaka. Kimsa kutiw Joás reyix Ben-adad reyir atipjäna, ukhamat Israelan markanakap kutirayasxäna.

2 Reyes 14:25

Jeroboam reyix Israel markan qurpanakap wasitat sum utt'ayäna, Hamat sat mantañawjat qalltasa, Arabá sat qutakama, ukasti kunjämtix Israelan Tatit Diosapax Jonás luqtirip tuqi yatiykatayna ukhamarjamaw phuqhasïna; jupasti Amitai chachan yuqapänwa, Gat-héfer sat markan profetapa.

2 Reyes 14:27

Tatitux janïraw akapachat Israel markan sutipa chhaqtayañ munkänti, ukat jupax Joás chachan Jeroboam yuqap tuqi Israel markar qhispiyäna.

1 Crónicas 11:2

chiqpachansa Saúl chachax reyikchïna ukasa, jumaw Israel markan irpiripäyäta. Ukhamarus Tatitu Diosamaw saraktam, jumaw Israel markapar irpäta, apnaqarakïta” sasa.

Nehemías 9:27

Ukat jumax uñisirinakapan amparanakapar katuytaxa, jupanakar t'aqhisiyapxañapataki. Ukatsti jupanakax ukham t'aqhisiyat uñjasisaw jumarux yanap mayipxtamxa, jumasti, jach'a khuyapayasiñam laykuw, alaxpachatpach jupanakar ist'taxa; t'aqhisiyiripan amparapat antutayañatakisti jaqinak khithantaxa.

Ester (hebreo) 4:14

Jichhatix jumax jan kuns kamskäta ukaxa, judionakan qhispiyasiñapax yaqha tuqit jutani. Ukampis jumasa, awkiman wila masinakapas jiwaraniwa. ¡Inas jumax markamankirinakar akham llakisiñanakan yanapt'añatak reinat utt'ayatäsksta!” sasa.

Éxodo 4:10

Moisesasti Tatiturux sänwa: —¡Tatay! Nayax janiw sum parlirïkti. Nayax parlkta ukkhax khakt'irïtwa, janiw arunaksa suma arsurïkti, ukat nayarux jan khitis yäqkituti, wawatpach ukhamätxa —sasa.

Isaías 19:20

Uka qalasti Egipto markankir jaqinakan taqi ch'amani Tatitut amtasipxañapatak uskutäniwa. Kunapachatix jupanakar uñisirinakat arxatañapatak Tatitut yanapa mayisipkani ukkhaxa, Tatitux jupanakatakix mä qhispiyir khithanini, uka qhispiyiriw arxatani, qhispiyarakini.

Abdías 1:21

Jupanakasti taqiniw Sión qullur makhatapxani, atipjir markjama; jach'a jach'a tukuri Edom markarux jupanakaw apnaqani, ¡nayasti, reyipäyäwa!

Lucas 2:11

Jichhürux mä Qhispiyiriw Davidan markapan jumanakatak yuri, jupasti CRISTO Tatituwa.

Deuteronomio 19:4

Khititix jaqi masipar jiwayki ukax uka markaruw jakañap qhispiyasir jaltxani, nayraqatasti jan munkasin ukham luratap uñacht'ayañapa, ukhamarak jupanak pura jan uñisisiñan sarnaqatap uñacht'ayañaparaki.

1 Samuel 12:11

“Ukat Tatitux Jerubaal, Barac, Jefté, Samuel ukanakar khithanïna, uñisirinakaman munañapat jumanakar qhispiyañataki, ukhamat jumanakax jan khitin kamsat jakasipkäyätaxa.

1 Samuel 19:7

Ukhamasti Jonatanax Davidar jawsasinxa, kuntix Saúl reyimpi parlkatayna taqi ukanak yatiyäna. Ukatsti Saúl reyin ukaruw irpäna; Davidasti Saúl reyirux yanapaskakïnwa, kamisatix nayrax luqtirïkän ukhama.