2 Reyes 13:1 - Qullan Arunaka DC

¹ Ocozías chachan Joás yuqapax Judá markan pä tunka kimsan mara apnaqkäna ukkhaw Jehú chachan Joacaz yuqapax Israel marka apnaqañ qalltäna, jupasti Samaria markan tunka paqallqun maraw marka apnaqäna.

Aymar Bibliia 1986

¹ Ocozías chachan Joás yokapajj Judá marcana pä tunca quimsani maranaca apnakcäna ucqhawa Jehú chachan Joacaz yokapajj Israel marcana reyïña kalltäna, ucatsti Samaria marcanjja tunca pakallkoni maranacawa apnakäna.

Qullan Arunaca

¹ Ocozías chachan Joás yokapajj Judá marcana pä tunca quimsani maranaca apnakcäna ucqhawa Jehú chachan Joacaz yokapajj Israel marcana reyïña kalltäna, ucatsti Samaria marcanjja tunca pakallkoni maranacawa apnakäna.

2 Reyes 13:1 Jak'a apnaqawi uñst'ayäwi

2 Reyes 10:30

Tatitusti Jehú reyirux sänwa: “Jumax nayraqataxan walik lurasktaxa. Ahab reyin wila masinakaparux nayan amtataxarjamaw t'unjtaxa. Ukat juman wawanakaman wawanakapasa, allchhinakapasa, Israelan reyi qunuñapan qunt'asipxani” sasa.

2 Reyes 11:21

21 (1) Joás reyix Judá marka apnaqañ qalltkän ukapachaxa, paqallqu maranïnwa.

2 Reyes 11:4

Paqallqu maräxipansti, Joiadá sacerdotex reyir uñjirinakan capitananakapampiru, reyi uta uñjirinakan jilïrinakapampiruw jawsayanïna, ukatsti jupanakamp parlañatakix Tatitun utaparuw jupanakar mantayarakïna. Ukansti Joiadá sacerdotex juramento lurayasaw mä arust'äwi jupanakamp luräna, ukat jupanakar reyin Joás yuqapar uñacht'ayäna,

2 Reyes 12:1

1 (2) Jehú reyix paqallq mara markar apnaqkäna ukapachaw Joás reyix marka apnaqañ qalltäna, jupasti Jerusalenan pusi tunka maraw marka apnaqäna. Taykapax Sibiá satänwa, Beerseba markankirirakïnwa.

2 Reyes 12:21

21 (22) Jupar jiwayapkäna uka yanapirinakasti, Simat chachan Josacar yuqapampi, Somer chachan Jozabad yuqapampïnwa. Joás reyix jiwxäna ukkhasti, Davidan Markapan jupar imt'xapxäna. Uka qhipatsti Amasías yuqapaw jupa lantix reyïxäna.

2 Reyes 13:10

Kunapachatix Judá markankir Joás reyix kimsa tunka paqallquni mara marka apnaqkän ukkhaw, Joacaz chachan Joás yuqapax Israel marka apnaqañ qalltäna, jupasti Samaria markan tunka suxtan maraw marka apnaqäna.

2 Reyes 13:2

Ukampis luratanakapax Tatit nayraqatan jan walinakänwa. Jupasti kawkïr juchampitix Nabat chachan Jeroboam yuqapax Israel markar jucha luraykatayna uka pachpa juchanakarak luräna, janiw ukanakat jithiqtkänti.

2 Reyes 15:12

Ukhamat phuqhasïna kuntix Tatitux Jehú reyir yatiykatayna ukaxa: “Yuqanakama, allchhinakama, allchhinakaman allchhipaw Israel markan reyi qunuñapan qunt'asini” sasa.

2 Reyes 8:26

Jupax marka apnaqañ qalltkän ukapachax pä tunka payani maranïnwa, mä maraw Jerusalén markan apnaqäna. Taykapax Atalía satänwa, jupasti Israel markankir Omrí sat reyin allchhipänwa.