2 Reyes 11:4 - Qullan Arunaka DC

⁴ Paqallqu maräxipansti, Joiadá sacerdotex reyir uñjirinakan capitananakapampiru, reyi uta uñjirinakan jilïrinakapampiruw jawsayanïna, ukatsti jupanakamp parlañatakix Tatitun utaparuw jupanakar mantayarakïna. Ukansti Joiadá sacerdotex juramento lurayasaw mä arust'äwi jupanakamp luräna, ukat jupanakar reyin Joás yuqapar uñacht'ayäna,

Aymar Bibliia 1986

⁴ Pakallk mararusti Joiada sacerdotejj jawsayanïnwa capitananacaru, cereteonacaru, uqhamarac guardianacaru, ucatsti Tatitun temploparuwa mantayaraquïna, cawqhanccäntejj jupajj ucaru. Ucansti jupanacampejja juramento lurasinwa mä suma parlt'äwiru mantäna, uqhamaraquiw jupanacarojj uñacht'ayaraquïna reyin Joás yokaparusa.

Qullan Arunaca

⁴ Pakallk mararusti Joiada sacerdotejj jawsayanïnwa capitananacaru, cereteonacaru, uqhamarac guardianacaru, ucatsti Tatitun temploparuwa mantayaraquïna, cawqhanccäntejj jupajj ucaru. Ucansti jupanacampejja juramento lurasinwa mä suma parlt'äwiru mantäna, uqhamaraquiw jupanacarojj uñacht'ayaraquïna reyin Joás yokaparusa.

2 Reyes 11:4 Jak'a apnaqawi uñst'ayäwi

Génesis 50:25

Ukatsti Israelan wawanakaparux mä juramento lurayäna, sarakïnwa: “Chiqpachansa Diosaw jumanakar yanapt'ir jutani. Uka urusti jumanakax nayan ch'akhanakax akat apasxapxätawa” sasa.

2 Samuel 20:23

Ukhamaw Joab chachax Israel markan taqpach ejercitopan jach'a jilïripat sayt'äna. Joiadá jaqin Benaías yuqapasti, cereteo, peleteo jaqinakan jilïriparakïnwa.

2 Samuel 8:18

Joiadá jaqin Benaías yuqapasti cereteo jaqinakaru, peleteo jaqinakar sarayirïnwa. David reyin yuqanakapasti sacerdotenakänwa.

1 Reyes 14:27

Roboam reyisti quri jark'aqasiñanak lantix, bronce jark'aqasiñanak lurayxäna, ukatsti reyin utapar mantaña uñjirinakan jilïrinakaparuw uñjapxañapataki katuyxäna.

1 Reyes 18:10

Nayax Tatit Diosam laykuw juramento lurta, uywirixax taqi markanakan walpun jumarux thaqhaytam; kunapachatix jan ukankatam yatiyapxäna ukkhasti, uywirixax juramento lurayäna, chiqpachan jumar jan jikxatapktam ukata.

2 Reyes 11:17

Ukatsti Joiadá sacerdotex reyimpiru, markampirux, jupanak pura yanapt'asipxañapatakiw mayïna, ukhamaraki Tatitut jan saraqtasa sayt'asipxañapataki.

2 Reyes 11:19

ukatsti jupax capitananakaru, quereteonakaru, uñjirinakaru, ukhamaraki jaqinakaru irpxarusinxa, taqiniw reyimp chikax Tatitun utapata, reyin utapkama sarapxäna, uñjirinakan punkup chiqa mantawayasa. Joasasti reyi qunuñan qunt'asïna,

2 Reyes 11:3

Joás wawasti suxta maraw uywiripamp chika Tatitun utapan imantatäskäna. Ukchañkamasti Atalía warmiw marka apnaqäna.

2 Reyes 11:9

Ukatsti capitananakax kuntix Joiadá sacerdotex siskatayna taqi ukanak lurapxäna. Sapa mayniw jaqinakapar sarayäna, sábado urun uñch'ukiri mantirinakaru, misturinakarusa, ukatsti Joiadá sacerdoten ukaruw uñstapxäna.

2 Reyes 12:7

7 (8) Ukat Joás reyix Joiadá sacerdotempiru, maynïr sacerdotenakampir jawsayanïna, jupanakarusti akham jiskt'äna: —¿Kunatarak jumanakasti Tatitun utap jan askichapktasti? Jichhürut uksarux janiw jaqinakat qullqi maykxapxätati, katupkta uka qullqsti kutt'ayxapxañamawa Tatitun utap askichayañataki —sasa.

2 Reyes 23:3

Uka qhipatsti reyix Tatitun utapan sayirinakap jak'aru sayt'asisin, Tatit nayraqatan jupar jaysañatak arsüna, kamachi arunakaparjama, iwxanakaparjam chiqa kankañamp sarnaqañataki, ukhamaraki arust'äwi lurat amtäwinakar qillqatarjam phuqhañataki. Ukxarusti taqpach markachirinakarakiw uk phuqhañataki arsupxäna.

1 Crónicas 9:13

jupanakan wila masinakapax waranqa paqallq pataka suxta tunkanïnwa, wila masinakapatxa jupanakaw jilïrïnxa, Tatitun utapan luqtañatak suma yatichat chachanakänwa.

2 Crónicas 15:12

Ukatsti nayra awkinakapan Tatit Diosapar taqi chuyma thaqhañatakiw arsupxäna.

2 Crónicas 29:10

Nayax Israelan Tatit Diosapampi mä suma arust'äwir mantañatakiw amtasta, ukhamat q'apisiñapa jiwasat apaqañapataki.

Nehemías 10:29

29 (30) wila masinakaparu, jilïrinakaparuw mayachasipxäna, ukatsti kuntix Diosax Moisés luqtirip tuqi kamachinak churkatayna ukarjam sum sarnaqañatakiw juramento lurapxäna, ukhamarak Tatitusan taqi kamachinakapsa, arunakapsa, arsüwinakapsa phuqhañataki.

Nehemías 5:12

Jupanakasti sapxänwa: “Taqi ukanak kutt'ayxapxäwa, janiw kuns mayiskxapxäti. Kunjamtix jumax siskta ukham lurapxä” sasa. Ukatsti, sacerdotenakaruw jawsta, jupanak nayraqatan juramento lurayta, kuntix arsupkäna uk phuqhapxañapataki.

Nehemías 9:38

38 (1) Taqi ukanakat nanak israelitanakax, aka qillqata tuqiw phuqhañatak arsupxta, uka qillqatasti jilïrinakaxana, levitanakana, sacerdotenakan sutinakapamp qillqantatawa.

Hechos 5:24

Uk ist'asinsti, sacerdotenakan jach'a jilïripampi, Tatitun utap uñjirinakan jilïripampi, jilïri sacerdotenakampix, janiw akch'sa kunatix luraskatayna ukxat amuyt'irjamäpkänti, jupanak puraw jiskt'asipxäna: “¿Kunarak uka jaqinakar kamachpachasti?” sasa.

Hechos 5:26

Ukat uñjir soldadonakan jilïripax, yanapirinakapamp chik sari apostolunak irptaniñataki; jan kun kamacht'asaw sumatak irpanipxäna, jaqinakar axsarasa, qalamp jan k'upjayasiñataki.

Josué 24:25

Uka pachpa uruw Josué chachax, Siquem chiqana, mä suma arust'äwi Israel markampi luräna, ukatsti kamachinakampi, arsutanakampi churäna,

1 Samuel 18:3

Jonatanampi, Davidampisti wiñay jila masïñatakiw mä juramento lurapxäna, Jonatanan Davidar jupa kipkarjam munasitap layku.

1 Samuel 23:18

Ukhamasti panpachaniw Tatitun nayraqatapan mä amtäwi lurapxäna. Uka qhipatsti Jonatanax utaparuw kuttanxäna. Davidasti Hores chiqan qhiparxarakïna.