2 Reyes 10:5 - Qullan Arunaka DC

⁵ Ukatsti reyi uta apnaqir jilïrimpi, marka apnaqirimpi, jilïrinakampi, Ahab reyin wawanakap yatichirinakampix, Jehú reyir aka yatiyäwi apayapxäna: “Nanakax juman luqtirimäpxtwa, kuntix sapkitäta uk lurapxä, ukampis janiw khitirus reyit utt'ayapkäti. Jumax kunjämarutix munkta ukhamar luraskakim” sasa.

Aymar Bibliia 1986

⁵ Ucatsti palacionquiri mayordomosa, uca marcan gobernadorapasa, chuyman awquinacasa, uqhamarac Acab reyin wawanacap uñjiri chachanacasa qhitapjjänwa Jehú reyir saniñapataqui; aqham sasa: “Nanacajj juman amparamancapjjtwa, ucatsti cuntejj sapquitäta ucwa lurapjjäjja, ucampis janiw qhitirus reyit utt'ayapcäti. Jumajj lurascaquim cunjämay jumataqui asquïchi uqhamaru” sasa.

Qullan Arunaca

⁵ Ucatsti palacionquiri mayordomosa, uca marcan gobernadorapasa, chuyman awquinacasa, uqhamarac Acab reyin wawanacap uñjiri chachanacasa qhitapjjänwa Jehú reyir saniñapataqui; aqham sasa: “Nanacajj juman amparamancapjjtwa, ucatsti cuntejj sapquitäta ucwa lurapjjäjja, ucampis janiw qhitirus reyit utt'ayapcäti. Jumajj lurascaquim cunjämay jumataqui asquïchi uqhamaru” sasa.

2 Reyes 10:5 Jak'a apnaqawi uñst'ayäwi

1 Reyes 20:32

Ukatsti jupanakax chhankha isinak uchasipxäna, kunkarusti mä wiska uchasipxarakïna, ukatsti Israelan reyip nayraqatan uñstasin jupar sapxäna: —Ben-adad luqtirimax, jupar jan jiwayañamatakiw juma reyir achikt'astam —sasa. Ahab reyisti ukxaruw säna: —¿Jakaskiti? ¡Nayatakix jupax jilaxäkaspas ukhamawa! —sasa.

1 Reyes 20:4

Israelan reyipasti ukxaruw sarakïna: “Reyixay, arsutamarjamasti, nayasa, kunatix utjkitu ukanakas jumankiwa” sasa.

2 Reyes 10:6

Jehú reyisti payïr kutiw qillqat jupanakar apayäna, akham sasa: “Jumanakatix nayampïpxsta ukaxa, ukatsti nayar jaysañ munapxarakchista ukaxa, Ahab reyin wawanakapar katuntasin p'iqinakap apaqapxam, ukatsti qharüru akapacharu uka p'iqinak apt'ata Jezreel markar jutapxam” sasa. Ahab reyin paqallq tunka yuqanakaparusti markankir aytat jilïr jaqinakaw uywapxatayna,

2 Reyes 18:14

Ukatsti Judá markankir Ezequías reyix, Laquis markaruw mä yatiyiri khithäna, Asiriankir reyin ukaru, akham sasa: “Nayaw juchanïtxa. Jichhasti markaxat sarxam, ukatsti nayax qullqi churañat qawqhtix maykität uk churäma” sasa. Asiriankir reyisti, Judá markankir Ezequías reyirux qullqi churañapatakiw wayt'äna, llätunk waranqa llätunk patakan kilo qullqimpi, llätunk patak llätunk tunkan kilo qurimpi.

Jeremías 27:17

¡Jan jupanakarux ist'apxamti! Jan ukasti Babiloniankir reyir jaysapxam, ukapachakiw jakapxäta. ¿Kunatarak aka Jerusalén markasti mayjar q'ala t'unthapit uñjasispasti?

Números 11:12

¿Nayasti jupanakan awkipätti, taykapätcha, nayra awkinakapar churañatak arsut uraqir puriyañkam ñuñur wawanakarjam amparaxar ichuskañatak nayar mayiñamatakisti?

Juan 12:26

Maynitix luqtañ munchituxa, arkitpan, nayar arkiristi, nayamp chikaw utjasini. Nayar arkasin luqtirirusti, Awkixaw jach'añchaskani —sasa.

Josué 9:11

Ukat nanakan jilïrinakaxasa, marka masinakaxas akham sapxitu: ‘Jumanakax thakhitak manq'añanak apasipxam, ukatsti kawkhankkitix jupanakax ukkhakam sarapxam. Ukatsti sapxarakim: Nanakax jumanakan luqtirimaruw tukupxä, mä suma amtäwiruw jumanakampi mantañ munapxta’ sasa.

Josué 9:8

Ukampis jupanakax Josué chacharux sapxänwa: —Nanakax juman luqtirinakamaw tukupxä —sasa. Ukat Josué chachax jupanakar jiskt'äna: —¿Khitïpxarakta jumanakasti? ¿Kawkhatarak jutapxtasti? —sasa.