2 Reyes 10:4 - Qullan Arunaka DC

⁴ Uka qillqat katuqasinsti jupanakax walpun axsarayasipxäna, ukat sapxarakïna: “Pä reyisa janiw Jehú reyirux atipirjamäkänti, ¿kunjämarak jiwasasti jupar atipañänisti?” sasa.

Aymar Bibliia 1986

⁴ Ucasti jupanacarojj walwa ajjsarayäna, sapjjaraquïnwa: “Jupampejj pä reyisa janiw nuwasiñ puedcänti ¿cunjämarac jiwasasti jupamp nuwassnasti?” sasa.

Qullan Arunaca

⁴ Ucasti jupanacarojj walwa ajjsarayäna, sapjjaraquïnwa: “Jupampejj pä reyisa janiw nuwasiñ puedcänti ¿cunjämarac jiwasasti jupamp nuwassnasti?” sasa.

2 Reyes 10:4 Jak'a apnaqawi uñst'ayäwi

2 Reyes 10:3

jumanakax Ahab reyin wawanakapat maynir ajllipxam, sumäki, wali ch'ikhïki ukaru, awkip lanti reyit qunt'asiñapataki, ukatsti reyiman wila masinakapar arxatañatak wakichasipxam” sasa.

2 Reyes 9:24

Ukampis Jehú capitanax taqi ch'amapampi mich'i antutt'añap jiyt'asinxa, Joram reyirux jikhanïxat wakt'ayäna, mich'isti chuymap chiq mistüna, Joram reyisti pachpa carropxan jiwataw liwitattäna.

2 Reyes 9:27

Judá markankir Ocozías reyisti ukham uñjasinxa, Bet-hagan tuqiruw jaltxäna. Ukampis Jehú chachax jupar arktänwa, soldadonakaparusti sänwa: —¡Juparus jiwayapxarakim! —sasa. Ocozías reyisti carropat Gur sat irananjam makhataskäna, Ibleam sat jak'ana, ukaruw Jehú capitanan soldadonakapax jupar usuchjapxäna, ukampis Ocoziasax Meguido sat chiqakamaw jaltxäna, ukan jupax usuchjatätap layku jiwxäna.

Job 41:8

8 (32) Jumatix jupar luqxatasmaxa, jan mayampis armaskañamatakiw nuwjiristamxa, ukatsti janiw mayampsa jumax uk lurkxasmati.

Isaías 27:4

Janiw jupatakix phiñasitäkxti; ukampis jan ist'asirinakax utjaskakiwa, ukatsti, nayaw uka markat jupanakarux apsü.

Jeremías 49:19

Edom marka, jan kamsasakiw jumarux nuwantäma, kunjämatix leonax akatjamat khitirus thuqxatkix ukhama. Nayaw uñisirim ajllï, mä juk'a pachanaki jumar atipjañapataki. Janiw yaqha Diosax nayjam utjkiti, janiw khitis nayar saykatirix utjkiti, janirakiw kawkïr awatiris nayarux saykatkitaspati.

Nahúm 1:6

¿Khitirak q'apisitap nayraqatan sayt'aspasti? ¿Khitirak phiñasitapar qallkataspasti? Q'apisiñapax ninjamaw aqatati, jupa nayraqatansti qarqanakas payaruw ch'iyjtawayi.

Lucas 14:31

Jan ukax kawkïr reyis, yaqha reyimpi nuwasir sarañapäkani ukaxa, ¿janit jupax qunt'asisin nayraqat amuyt'askaspaxa, kunjämsa tunka waranqa soldadompix saykataspa, pä tunka waranqa soldadompi jutiriruxa?