2 Reyes 1:13 - Qullan Arunaka DC

¹³ Uka qhipatsti reyix kimsïr kutin mä capitanar khithäna, yaqha phisqa tunka soldadonakampi. Uka kimsïr capitanasti purisin, Eliasax qunt'atäkän ukkhakamaw makhatäna, ukatsti jupa nayraqatan killt'asis achikt'asïna: —Tatitun luqtiripa, nayan jakañaxatsa, aka phisqa tunka luqtirinakaman jakañapatsa khuyapt'ayasikimaya.

Aymar Bibliia 1986

¹³ Ucatsti reyejj quimsïr cutinwa qhitäna mä capitanaru yakha pheska tunca soldadonacampi. Ucampis uca quimsïr capitanajja cawqhanccäntejj Eliasajj ucqhacamawa maqhatäna, ucatsti quillt'asisinjja jupan nayrakatapanjja achict'asïnwa: —Achict'assmawa profeta, nayan jacañajjarojj qhuyapt'ayitaya, uqhamarac aca pheska tunca sirvirinacaman jacañanacapsa.

Qullan Arunaca

¹³ Ucatsti reyejj quimsïr cutinwa qhitäna mä capitanaru yakha pheska tunca soldadonacampi. Ucampis uca quimsïr capitanajja cawqhanccäntejj Eliasajj ucqhacamawa maqhatäna, ucatsti quillt'asisinjja jupan nayrakatapanjja achict'asïnwa: —Achict'assmawa profeta, nayan jacañajjarojj qhuyapt'ayitaya, uqhamarac aca pheska tunca sirvirinacaman jacañanacapsa.

2 Reyes 1:13 Jak'a apnaqawi uñst'ayäwi

1 Reyes 13:6

Ukat reyix profetar säna: —Amparaxan k'umaräxañapatak Tatitu Diosamaruy mayirapita —sasa. Profetasti Tatituruw achikt'äna, ukatsti reyin amparapax nayrjam k'umarakïxänwa.

2 Reyes 1:12

Eliasasti sänwa: —Nayatix profetästa ukaxa, alaxpachat ninax saraqanpan, ukatsti jumampiru, phisqa tunka soldadomampir nakhantpan —sasa. Ukat ukspachaw alaxpachat ninax saraqanisin jupanakar nakhantäna.

2 Reyes 1:14

Naya nayraqat jutir pä capitanampiru, jaqinakapamppachar alaxpachat ninax saraqanisin jupanakar nakhantatap yatta. Nayan jakañaxat khuyapt'ayasikitaya —sasa.

Salmos 102:17

17 (18) apanukut jaqin mayisitap ist'kan ukapacha, achikt'asitanakapar jayskan ukapacha.

Salmos 72:14

Jupaw t'aqhisiñ taypit waysuni, jakañanakapan jila alanïtap layku.

Éxodo 11:8

Ukapachaw taqi aka yanapirinakamax nayan ukar jutani, killt'asisaw nayar mayipxitani: “Jumampi, jumar arkir jaqinakamampix sarxapxam” sasa. Ukhamäni ukkhakiw nayax akat sarxä —sasa. Ukatsti Moisesax wali q'apisitaw faraonan ukat mistuwayäna.

Proverbios 27:22

Jan amuyt'asir jaqirux walja kutis nuwjaskam, janipuniw jan amuyt'asir chuymap apaqkasmati.

Eclesiastés 9:3

Akapachan taqi kunatix luraski ukanakat akaw jan walïkiti: taqinirus pachpakiw suyt'aski. Mä tuqitxa, jaqin amuyupax ñanqha lurañampi phuqt'atawa; taqi jakäwipansti luqhi kankañaw amuyuparux apnaqi; ukatsti tukuyarux jiwañarukiw purxi.

Isaías 1:5

Jumanakax Tatitur saykatañakpin munasipktaxa, janchinakaman janiw kawkhat jawq'antañas utjkxiti. P'iqimax q'ala chhuxriñchjatawa, ch'amamas janirakiw utjkxiti.

Isaías 60:14

Khitinakatix t'aqhisiyapkäyätam ukanakan wawanakapasti, juman nayraqatamaruw alt'at jutapxani, khitinakatix jisk'achapkäyätam ukanakasti, kayunakamaruw killt'asipxani, sapxarakïtamwa: ‘Tatitun markapa’, ‘Israelan Qullan Diosapan Jerusalén markapa’ sasa.

Isaías 66:2

¡Taqi akanak nayaw amparaxamp lurta, taqi kunas nayankiwa! Naya Tatituw uk arsta. “Kawkïr jaqirutix nayax uñtkta ukaxa, jan kunani, llakt'at sarnaqki, arunakaxsa sum phuqkaraki uka jaqiwa.

Jeremías 5:3

Tatay, jumax chiqa chuyman jaqinak thaqtaxa. Mutuytawa, ukampis janiw usuyasipkiti; aynacht'aytawa, ukampis janiw yatiqañ munapkiti. Chuymanakapsa qalat sipan juk'ampi qalarayasipxi, janirakiw chiqa thakhir kuttaniñsa munapkiti.

Santiago 4:7

Ukhamasti Diosaruy jaysapxam. Supayampisti q'iwtasipxam, jupasti jumanakat jaltxaniwa.

Apocalipsis 3:9

Uñjätawa, kuntix supayan tamapankasipki uka k'ari jaqinakampi lurkä uka. Jupanakax judío jaqjamaw tukupxi, ukampis chiqpachan janiw judío jaqinakäpkiti. Juma nayraqatan jupanakar killt'asiyä, nayan jumar munasitax yatipxañapataki.

1 Samuel 26:21

Ukat Saúl reyix säna: —¡David, wawaxa, nayaw juchanïtxa! ¡Mä pisi chuyman jaqjamaw sarnaqtxa, luräwixansa pantjasiraktwa! Ukampis kuttanxam, janiw jichhax kuna ñanqhsa lurkxämati, jichhüruw jumax jakañaxar jan kuna ñanqhsa lurañ munatam uñacht'ayista —sasa.