2 Pedro 3:7 - Qullan Arunaka DC

⁷ Ukampisa, Tatitun arunakaparjamax aka uraqimpi alaxpachampix, ninampi t'unjatäñatak imatäskiwa. Uka ninaw taripäwi urun q'al nakhantani, jan walinak lurir jaqinakarus tukjarakini.

Aymar Bibliia 1986

⁷ Jichhasti aca orakempi alajjpachampisti ninampi t'unjataraquïniwa, Diosan arunacaparjama, ucatac imatäscaraquiwa. Uca ninawa k'al naqhantani taripäwi urunjja, cunapachatï jan wali jakenacajj tucjatäcani ucapacha.

Qullan Arunaca

⁷ Jichhasti aca orakempi alajjpachampisti ninampi t'unjataraquïniwa, Diosan arunacaparjama, ucatac imatäscaraquiwa. Uca ninawa k'al naqhantani taripäwi urunjja, cunapachatï jan wali jakenacajj tucjatäcani ucapacha.

2 Pedro 3:7 Jak'a apnaqawi uñst'ayäwi

Salmos 102:26

26 (27) Taqi ukanakax tukusxakiniwa, jumasti pachpakïsktawa. Ukanakax isir uñtataw mirq'isini; wariraptir isir uñtataw tukusini.

Salmos 50:3

Diosasax jutaskiwa, janiw amuk jutkiti: nakhantir ninaw nayraqatapanjam jutaski; jach'a tutukampi muyuntataw jutaski.

Isaías 51:6

“Alaxpach tuqi uñtapxam, aka uraq tuqirus uñtapxarakim: alaxpachax jiwq'ir uñtatakiw chhaqtxani, uraqisti mä isir uñtatakirakiw mirq'stxani, ukan jakir jaqinakasti chhichhillankhanakar uñtataw jiwarapxani. Ukampis nayax wiñayatakiw qhispiyä, chiqa kankañaxasti janiw tukuskaniti.

Isaías 66:15

Tatitux nina taypinjam purinini, carronakapasti mä tutuka thayar uñtatawa; wali ch'amampiw phiñasiñap uñacht'ayani, mutuyäwipasti aqkir ninjamäniwa.

Daniel (hebreo) 7:9

“Nayasti uñch'ukiskakïyätwa, reyi qunuñanak uchapxäna, ukatsti mä chuyman jaqiw qunt'asirakïna. Isipax khunjam janq'ünwa, ñik'utanakapasti t'axsit t'awrjamarakïnwa. Qunuñapasa, uka qunuñan muyurinakapas nina lawrakamakïnwa.

Sofonías 3:8

Jichhaxa, ukham lurapxatanakamatxa, jumanakar mutuyañ urux jak'ankiwa. Naya, Tatituw Israel markan Diosapätxa, arsutaxarux phuqhapuniwa. Markanakar mayar tantachthapiñatakiw amtta, jach'a q'apisiñaxampiw uka markanakar mutuyä. Q'apisitäkta ukkhaxa, mä ninjamätwa; ¡aka uraqpach nakhantayarakïxa!

Malaquías 4:1

1 (19) Taqi ch'aman Tatitux siwa: “Urux jak'achasisinkiwa, hornor uñtat parintata, uka urusti taqi jach'a jach'a tukurinakampi, ñanqha luririnakampix jichhur uñtataw nakhantani. Uka uru purinkani ukapachaw jupanakar saphitpach nakhantani, janirakiw kunas jupanakat jilt'kaniti.

Mateo 10:15

Qhanak sapxsma, taripäwi urunxa, uka markanakan mutuñapax Sodoma, Gomorra uka markanakat sipan juk'ampïniwa.

Mateo 11:22

Ukampis nayax sapxsmawa, taripäwi urun jumanakax Tironkirit sipana, Sidonankirit sipan jach'a mutuñ katuqapxäta.

Mateo 11:24

Ukampis nayax sapxsmawa, taripäwi urun jumanakax Sodomankirinakat sipansa juk'amp t'aqhisiñ katuqapxäta”.

Mateo 12:36

Nayasti sapxsmawa, taripäwi urun taqi jaqinakaw jan kunatak aski arunak parlatanakapat uñstapxani.

Mateo 24:35

Alaxpachampi akapachampix tukusiniwa, arunakaxasti janiw tukuskaniti.

Mateo 25:41

“Ukatsti ch'iqäxapankirinakaruw sarakini: ‘Ñanqhachatanaka, nayat jithiqtapxita, supayampitaki, angelanakapampitak wakichat wiñay aqkir ninar sarapxam.

Marcos 6:11

Kawkhantix jan katuqañ munapkätam, janirak ist'añsa munapkätam ukaxa, uka chiqat mistuwayxapxätawa, kayunakaman laq'anakapsa thalarasiniwayxapxätawa, ukhamat jupanakatak jan walt'añan jak'ankatap amuyasipxañapataki —sasa.

Juan 12:48

Khititix nayar jisk'achkitu, ukatsti janirak arunakaxarjam lurki ukatakixa, niyaw juchañchiripax utjxi; kawkïr arunaktix nayax arskta ukanakaw qhipa urun jupar juchañchaskani.

Romanos 2:5

Ukampis jumax qala chuymanïtam layku, Diosar makhatañ jan munatam laykux, juma pachpaw mutuñ urutakix mutuyäwi katuqañatak wakichasisktaxa, kunapachatix Diosax chiqpach juchañchir uñstankani,

1 Corintios 3:13

ukampis sapa maynin luräwipax taripañ urun qhanpach uñstani; uka urux ninampiw jutani, ukatsti ninax sapa maynin luratap yant'ani.

Filipenses 1:28

uñisirinakamarus jan axsarasaraki. Jumanakatix wali ch'aman sayt'asipxätaxa, jupanakan chhaqhañar saraskatap uñjapxäta, jumanakasti qhispiyatäpxätawa, Diosan jumanakar atipt'ayatap layku.

2 Tesalonicenses 2:3

Kunäkipansa jan sallqjayasipxamti. Ukampis janïr uka uru purinkipanxa, Diosar kutkatasirïñaw jutañapa, kunapachatix ñanqha jaqix uñstankan ukapacha, khititix t'unjañatak juchañchatäki uka.

1 Timoteo 6:9

Qamirir tukuñ munirinakax kunayman yant'anakaruw jalt'apxi, pisi t'axmar amuyun sipitaparuw jalt'apxi, ukaw jaqir aynacht'ayi, juchañchäwir puriyaraki.

Hebreos 12:29

Diosasasti taqi kun nakhantir ninar uñtatawa.

2 Pedro 2:9

Ukhampï Tatitux wawanakapar yant'anakat qhispiyañ yatixa, ukhamarak jan wali jaqinakarus taripäwi urun mutuyañatak yaqhachixa.

2 Pedro 3:10

Ukampis Tatitun jutañap urux akatjamat lunthatar uñtataw purinini. Alaxpachanakasti mä jach'a axsarkañ uxuñampiw t'unthaptani, kunanakatix alaxpachan utjki ukanakax ninamp tukjatäniwa, uraqisti, kunanakapatix utjki ukanakamppach Diosan taripäwipar katuyatäniwa.

2 Pedro 3:12

Tatitun jutañap urun jank'akïñap munas suyt'apxam. Uka urusti alaxpachanakax ninampi nakhantatäniwa, taqi kunas ninampi umatatayatarakïniwa;

1 Juan 4:17

Ukham tuqiw chiqpach munasiñax jiwasan phuqhasi, ukhamat taripäwi urun jan axsarañasataki, jiwasasti akapachan kunjämäkitix Jesucristox ukhampachätanwa.

Judas 1:7

Sodomampi, Gomorrampi, uka jak'a markankirinakampisa, uka jan wali angelanakjamarakiw wachuq jucha lurañanakar katuyasipxäna. Ukat wiñay aqkir ninamp tukjatäpxäna, ukasti taqinin amuyt'asiñapatakiw lurasïna.

Apocalipsis 17:11

Kawkïri jach'a axsarkañ animalatix nayrax jakaskäna, jichhax janirak jakkxiti ukax, uka paqallqu reyinakat maynïriwa. Ukasti payïr kutin reyit utt'asini, uka reyisti paqallqür reyïniwa, ukampis wiñayatak t'unjataw uñjasini.

Apocalipsis 17:8

Jumax uñjkta uka axsarkañ animalax nayrapachan jakkäna ukawa, jichhasti ukax janiw jakkxiti, ukampis aka uraqi manqhat mistsunini, jiwañar janïr sarkasa. Uraqin jakirinakasti, khitinakantix sutinakapax akapach qalltatpach jakañ qillqatan jan qillqantatäki ukanakasti, uka axsarkañ animalar uñjasax walpun muspharapxani, uka axsarkañ animalasti nayraw utjäna, jichhasti janiw utjkxiti, ukampis wasitat uñstanini.

Apocalipsis 20:11

Ukatsti mä jach'a janq'u qhapaq qunuñ uñjarakta, ukan qunt'atäkän ukampiru. Jupan nayraqatapat uraqimpi alaxpachampix jan mayampitakiw chhaqtawayxäna, janirakiw kawkinsa wasitat uñjañäkxänti.

Apocalipsis 21:1

Ukatsti machaq alaxpachampi, machaq uraqimpi uñjarakta. Nayrïr alaxpachampi uraqimpix tukusxataynawa, janirakiw qutas utjkxänti.