2 Pedro 3:16 - Qullan Arunaka DC

¹⁶ Jupasti taqi qillqatanakapan akanakxat yatiyapxtam, yaqhip arunakas jan amuyt'añjamäkchi ukasa, jan amuyt'ir jaqinakampi, pisi iyawsañan jaqinakampix uka arunak amuyunakaparjamaw maysar uñtayapxi, kamisatix jupanak pachpa juchañchayasiñatak yaqhawja Qillqatanak maysar uñtayapki ukhama.

Aymar Bibliia 1986

¹⁶ Take cartanacapanwa aca tokenacatjja parlapjjäyätamjja, yakhepanacajj jan amuyt'añjamäcchi ucasa. Jan amuyt'ani pisi iyawsañan jakenacasti uca arunacjja maysaruw k'ewipjjaraqui jupanacan amuyunacaparjama, jupanacpach ucanacampi t'unjatäñataqui.

Qullan Arunaca

¹⁶ Take cartanacapanwa aca tokenacatjja parlapjjäyätamjja, yakhepanacajj jan amuyt'añjamäcchi ucasa. Jan amuyt'ani pisi iyawsañan jakenacasti uca arunacjja maysaruw k'ewipjjaraqui jupanacan amuyunacaparjama, jupanacpach ucanacampi t'unjatäñataqui.

2 Pedro 3:16 Jak'a apnaqawi uñst'ayäwi

Génesis 49:4

Ukampisa jumax jan walpun ñanqhachistaxa, uñt'atanakaxat maynïrimpiw ikintastaxa. Jichhasti janiw nayrankirïkxätati, jumasti jan jark'kay jach'a qutar uñtatätawa.

1 Reyes 10:1

Sabá markankir reinax Salomón reyin aytat kankaña jikxatatapata ist'atayna, Tatitur jach'añchañataki, ukatsti jupax Jerusalenaruw saräna, wali ch'ama jiskt'anakamp Salomonar yant'añataki. Jupasti wali k'achachataw Jerusalenar purïna, amuyt'ayirinakapamp chika, camellonakax suma q'apkir qullanakampi, walja qurimpi, wali k'ajkir qalanakamp khumuntatänwa. Salomonan ukar purisinsti, jiskt'añatak amtkatayna ukanak jiskt'äna.

Salmos 56:5

5 (6) Sapüruw arsutanakapampix chuym usuchjapxitu; nayar ñanqha lurañak amtasipki.

Éxodo 23:2

“Janiw jaqinakar waljanïtap layku, ñanqha luratanakapar arkätati. “Mä taripäwin arsuñam utjchi ukaxa, janiw mayninakan waljanïtap layku jupanakjam parlätati, chiqapäkis uk arsüta;

Éxodo 23:6

“Jan utjirin jaqin ch'axwapan chiqapat arsusitap janiw maysar q'iwïtati.

Jeremías 23:36

Ukampis jani mayampsa ‘Tatitun iwxapawa’ sasax parlapxamti, ukampis khititix ukham parlkani ukaruxa, nayaw pachpa arunakap kutintasiyä. Jumanakax jakkir Diosana, taqi ch'aman Tatitun arunakap jan waliruw tukuyapxtaxa, maysaruw q'iwipxtaxa.

Habacuc 1:4

Kamachinakax janiw phuqhaskxiti, chiqa uñjäwis takichasitawa, jan wali jaqisti, aski jaqirux arknaqiwa, chiqa uñjañasti maysar uñtayatawa.

Mateo 15:3

Jesusasti jupanakarux jiskt'arakïnwa: —¿Kunatarak jumanakasti yatichäwimarjam phuqhañatak Diosan arsutap jan phuqhapktasti?

Mateo 15:6

ukham siristi, janiw awkiparusa, taykaparus yanapañapäkxiti. Ukham lurasasti jumanakax yatichäwimarjam phuqhañatakiw Diosan kamachip apanukupxtaxa.

Mateo 22:29

Jesusasti jupanakarux sänwa: —Jumanakax wali pantjatäpxtawa, Qillqatanaksa, Diosan ch'amapsa jan uñt'apxatam layku.

Deuteronomio 16:19

Chiqa kankañampiw markar taripapxani, apnaqapxarakini, janiw kuna qullqsa chilltayasipkaniti, qullqi chilltayasiñax jach'a amuyt'an jaqinakarux juykhu tukuyi, chiqa kankañampi parlir jaqinakan arunakapsa maysaruw uñtayi.

Filipenses 3:19

jupanakasti nina infiernor jaquntatäpxaniwa, diosapasti jupanakan kipka munañanakapakiwa, jupanakasti p'inqasiñ lantix jach'a jach'aw tukupxi. Akapach yänakatak lup'isipki.

Hebreos 5:11

Aka tuqit arsuñatakix waljaw utjaski, ukampis ch'amaw uk qhanañchañaxa, jumanakan jan mäki amuyt'apxatam layku.

Santiago 1:8

jupax jichhürux may amti, qharürusti yaqharaki, janiw jakäwipan may arsur jaqïkiti.

1 Pedro 1:1

Naya Pedrox Jesucriston apostolupätwa, khitinakatix markamat jayan utjasipkta, Ponto, Galacia, Capadocia, Asia, Bitinia uka suyunakana, taqi jumanakaruw aruntanipxsma.

1 Pedro 2:8

Qillqatan saskakiwa: “Aka qalax waljaniruw liwisiyani; waljaniw aka qarqar lanktasipxani,” sasa. Jupanakasti Tatitun arunakapar jan iyawsapxatapat liwisipxi, ukatak uchatarakïnwa.

2 Pedro 2:1

Ukampis Israel marka taypin k'ari profetanakax utjarakïnwa; ukhamarakiw jumanak taypin k'ari yatichirinakax utjani. Jupanakasti jan wali amtäwinakap jamasanakan yatichapxani, qhispiyir Tatituparus jan uñt'iriw tukupxani; ukham yatichapxatapatsti, mäkhi t'unjatäpxaniwa.

2 Pedro 2:14

Mä warmirus janiw aliqak uñtapkiti, janirakiw jucha lurañampis sist'asipkiti. Pisi amuyt'aninakarusti jucharuw puriyapxi; wali mich'äpxiwa; ñanqha jaqinakäpxapuniwa.

2 Pedro 3:14

Ukatpï munat jilatanaka, akanak suyt'kasaxa, Tatitumpi sumankañatak ch'amachasipxam, taqi kunsa askpun lurapxam, ukhamat jupan jumanakar jan juchani, jan q'añucht'at jikxatañapataki.

2 Pedro 3:2

Amtasipxam, kuna yatiyäwi arunaktix nayra pachanakan Diosan profetanakapax churkistu ukanakata. Jan armasipxamti, Tatitu Qhispiyir Jesucristosax churkistu uka kamachi arunakata, uka arunaksti apostolunakaw jumanakarux yatichapxtam.

Judas 1:4

Yaqhip jaqinakax sallqjañanakampiw jumanak taypir mantanipxi, jupanakarusti Qillqatanakax juchañchañatak nayratpach uñacht'ayäna. Uka ñanqha lurir jaqinakasti Tatitun khuyapayasiñap maysaruw uñtayapxi jan wali luräwinakapan jakañataki, ukatsti jiwasan mä sapa Tatit Jesucristo Uywirisarux jan uñt'iriw tukupxi.