2 Pedro 3:15 - Qullan Arunaka DC

¹⁵ Amuyasipxam, Jesucristo Tatitusax suma chuymapampiw uñjaskistu, ukax jiwasan qhispiyasiñasatakiwa. Ukhamarak Pablo jilatasas Tatitun amuyt'ayataparjamaw jumanakar ukxat qillqt'anipxtam.

Aymar Bibliia 1986

¹⁵ Amuyasipjjaraquim, Jesucristo Tatitusti suma chuymapampi suyt'asqui ucajj jiwasan khespiyasiñasataquïtapa. Uqhamaracwa Pablo jilatasas jumanacarojj kellkt'anipjjtamjja Diosan amuyt'ayataparjama.

Qullan Arunaca

¹⁵ Amuyasipjjaraquim, Jesucristo Tatitusti suma chuymapampi suyt'asqui ucajj jiwasan khespiyasiñasataquïtapa. Uqhamaracwa Pablo jilatasas jumanacarojj kellkt'anipjjtamjja Diosan amuyt'ayataparjama.

2 Pedro 3:15 Jak'a apnaqawi uñst'ayäwi

1 Reyes 3:12

nayax mayitamarjamaw phuqhä: Nayax yatiñ kankaña, ch'ikhi kankañ chursma, janiw khitis jumat nayrxa ukham yatiñan utjkänti, janirakiw juma qhipatsa utjkaniti.

1 Reyes 3:28

Ukatsti Israel markpachaw reyin ukham chiqapar uñjatap yatïna. Ukatsti Salomón reyirux axsartañampiw jaqinakax uñjapxäna, Diosan jupar uka yatiñ kankañ chiqapar uñjañataki churatap layku.

1 Reyes 4:29

29 (9) Diosasti Salomonarux yatiñ kankañampi, ch'ikhi kankañamp churäna, taqi kun amuyt'añ chuyma churarakïna.

Esdras 7:25

“Esdras, jumarusti saraksmawa, Tatitumaw jumar yatiñ kankañ churtam. Uka yatiñ kankañamamp marka apnaqirinakampi, taripirinakamp utt'ayam, jupanakax Tatituman kamachinakap uñt'apxañapawa, Éufrates jawirat inti jalanta tuqinkir suyun utjasir jaqinakar chiqa kankañamp apnaqapxañapataki; kamachinak jan uñt'ir judionakarux yaticharakim.

Éxodo 31:3

juparusti Diosan Ajayupampiw phuqt'ta, ukhamarak yatiñ kankañampi, suma amuyumpi, aski uñt'añanakampi, kunayman lurañanakatak ch'ikhi chuymampiw phuqt'arakta,

Éxodo 31:6

Jupar yanapiritakisti, Dan ayllunkir Ahisamac chachan Oholiab yuqaparuw ucharapta. Ukatsti ch'ikhi jaqinakarux taqiniruw juk'amp yatiñ kankañ churta, jupanakan kuntix nayax sisksma taqi ukanak lurapxañapataki:

Éxodo 35:31

juparusti Diosan ajayupampiw phuqt'i, yatiñ kankañampi, suma amuyt'añamp phuqt'araki, taqi kunanak yatiñapataki,

Éxodo 35:35

jupanakarusti Tatitux sumanak lurañ amuyumpiw phuqt'i, amparamp kunayman yänak lurañataki, morado telaru, wila morado telaru, wila telaru, suma lino telar p'itakipañataki, kunayman yaqha sumanak sawuñataki.

Eclesiastés 2:26

Chiqpachansa Tatituw khitirutix munki ukarux yatiñ kankañsa, yatxatañ chuymsa, jan ukax kusisiñsa churi; ukatsipana jucha lurir jaqirux yänak jikxatañapatakiw irnaqayi, ukat khitirutix munki ukar churxañataki. ¡Ukasti inamayarakikiwa, thayarus katthapiñ munksna ukhamakiwa!

Isaías 30:18

Ukampis Tatitux jumanakat khuyapayasiñatakiw suyasipktam, jupax walipuniw munasiñap uñacht'ayañ munapxtam, Tatitusti khuyapayasiri chiqap Diosarakiwa. ¡Jupar suyt'irinakax kusisiñanïpxiwa!

Lucas 21:15

nayaw jumanakarux yatiñ kankañan phuqt'at arunak churapxäma, ukarusti janirakiw khiti uñisirinakamas kun kamsañatakis ch'amanïpkaniti.

Hechos 15:25

Ukham yatisin, nanakax amtapxta nanak taypit mä qawqhanir jumanakar uñjir khithaniña, Bernabeampi Pablompi, nanakan wali munat jilatanakamp chika.

Hechos 7:10

taqi t'aqhisiñat juparux imäna, ukatsti amuyt'a kankañ churäna, Egiptonkir faraón reyin nayraqatapan aski jaqit uñt'ayarakïna, uka reyisti Josearux Egipto marka apnaqirit utt'ayäna, jupan reyi utap apnaqirit utt'ayarakïna.

Hechos 9:17

Ananiasasti ukspachaw saräna, Saulox jikxataskän uka utaru. Mantasinsti, amparap jupxar luqxatäna, ukat sarakïnwa: —Saulo jilata, thakhin uñstktam uka Tatit Jesusaw khithanitu, juman wasitat uñjxañamataki, Qullan Ajayu katuqañamatakiraki —sasa.

Romanos 2:4

Jumasti Diosan jan tukuskir munasiñapsa, walikiw sañapsa, llamp'uchasiñapsa janiw yäqktati, munasiñapan jupa tuqir kutikipstatamsa janiw amuyasktati.

1 Corintios 12:8

Yaqhipanakarux Qullan Ajay tuqiw yatiñ kankañampi arsuñapatak churi; yaqhipanakarusti uka pachpa Ajay tuqiw taqi kun yatiñampi arsuñ churi.

1 Corintios 2:13

Taqi akanakatsti Diosan Ajayupax yatichapkitu uka arunakampiw parlapxta, janiw yatiñanakarjam yatiqapkta uka arunakarjam parlapkti. Ukhamat Dios chuyma jaqinakar ajay yatichäwinakat qhanañchasa.

1 Corintios 3:10

Nayaw uta lurir jaqïtxa, nayaruw Diosax munasiñapan uta qalltañatak uchitu, ukatsti yaqhaw ukxarux pirqa sayt'ayaski. Ukampis sapa mayniw kunjämtix uka uta pirqa luraski uk amuyasiñapa,

Efesios 3:3

Diosax mä unañchäwi tuqiw nayarux imantat amtäwip yatiyitu, ukxat qalltan yatiyapksma mä juk'a arunak qillqanisa.

1 Timoteo 1:16

Ukat Diosax nayat khuyapayasitäna, Jesucriston naya tuqi munasiñap uñacht'ayañapataki. Ukhamat nayax nayraqat iyawsta, nayar uñtas mayninakan jupar iyawsasin wiñay jakañanïpxañapataki.

Santiago 1:5

Jumanakat maynintix yatiñ kankañapax jan utjkchi ukaxa, Diosat mayispan, jupasti churaniwa; Diosax jilarkiri, jan kun kamsasaw taqinir churi.

Santiago 3:17

Ukampis khitinakatix Diosat jutir yatiñanïpki ukanakax q'uma jakawinïpxiwa; ukhamarus sumankayirinaka, munasirinaka, llamp'u chuymaninakäpxiwa. Jupanakax khuyapt'ayasirïpxiwa, chiqap uñjirinaka, chiq parlirinaka, sum luririnaka.

1 Pedro 3:20

Uka ajayunakasti nayrax jan ist'asir tukupkäna ukanakänwa, kunapachatix Noé chachax arca lurkän ukkhaxa, Diosax jupanakaruw suyt'askäna jupar jaysapxañapataki. Uka arcansti kimsaqallqunikiw umamp mutuyatäñat qhispipxäna.

2 Pedro 3:2

Amtasipxam, kuna yatiyäwi arunaktix nayra pachanakan Diosan profetanakapax churkistu ukanakata. Jan armasipxamti, Tatitu Qhispiyir Jesucristosax churkistu uka kamachi arunakata, uka arunaksti apostolunakaw jumanakarux yatichapxtam.

2 Pedro 3:9

Tatitux janiw arunakapar phuqhañ armt'askiti, kunjämtix mayninakax jan phuqhasitap amuyapki ukhama, jan ukasti, jupax llamp'u chuymampiw suyt'asipktam; Diosax janiw khitin jiwañapsa munkiti, jan ukasti, taqinin jupan ukar kutkatxañap muni.