2 Pedro 3:13 - Qullan Arunaka DC

¹³ ukampis jiwasax arsutaparjamaw mä machaq uraqimpi, mä machaq alaxpachampi suyt'asktan, kuntix Diosax: “Churapxämaw” siskistu uka, ukansti taqi kunas askïniwa, chiqapapunïniwa.

Aymar Bibliia 1986

¹³ Ucampis jiwasajj arsutaparjamaw suyt'asctan mä machak orake, mä machak alajjpachampi, cuntejj Diosajj: “Churapjjämaw” sisquistu uca. Ucansti take cunasa chekapapunïniwa.

Qullan Arunaca

¹³ Ucampis jiwasajj arsutaparjamaw suyt'asctan mä machak orake, mä machak alajjpachampi, cuntejj Diosajj: “Churapjjämaw” sisquistu uca. Ucansti take cunasa chekapapunïniwa.

2 Pedro 3:13 Jak'a apnaqawi uñst'ayäwi

Isaías 60:21

“Markamankir taqi jaqinakasti aski jaqinakäniwa, wiñayatakiw uka markax jupanakankxani; kawkïr alirutix nayax ayruntkäyätxa ukat sartirïpxtawa, amparaxampi uskutäpxtawa, ukhamat nayan jach'a kankañax uñacht'ayañataki.

Isaías 65:17

“Uñtapxam, nayax mä machaq alaxpachampi, mä machaq uraqimpi lurä. Kunatix utjkän ukax armatäxaniwa, janiw khitis ukanakat amtaskxaniti.

Isaías 65:25

Qamaqimpi, ovejampisti mayakiw manq'asipxani, leonasti vacar uñtataw chhuxlla manq'ani, kataristi laq'a manq'arakini. Nayan qullan qulluxansti janiw khiti ñanqha luriris utjkaniti.” Tatituw ukham arsu.

Isaías 66:22

Tatitux sarakiwa: “Kunjämatix machaq alaxpachasa, machaq uraqisa, kunanaktix nayax lurktxa ukanakax wiñayatakïnixa, ukhamarakiw wawanakamasa, sutimas wiñayatakirakïni.

Romanos 8:21

t'aqhisiyatäñata, t'unjatäñat qhispiyatäñapataki, Diosan wawanakapan kusiskañ qhispiyasiñ jikxatañapataki.

2 Pedro 1:4

Ukanak tuqiw arsüwinakapsa churistu, uka arsüwinakapasti wali jach'anakawa, wali askirakiwa, ukhamat jumanakax Tatitun arsüwinakap tuqi, akapach q'añu luräwinakat jaltxasin Diosan aski kankañap katuqapxañamataki.

Apocalipsis 21:1

Ukatsti machaq alaxpachampi, machaq uraqimpi uñjarakta. Nayrïr alaxpachampi uraqimpix tukusxataynawa, janirakiw qutas utjkxänti.

Apocalipsis 21:27

Janipuniw uka markarux kuna q'añus mantkaniti, janirakiw k'ari diosanakar yupaychirinakasa, sallqjirinakas mantkaniti. Jan ukasti, khitinakan sutipatix Corderon wiñay jakañ qillqatapan qillqatäki ukanakakiw uka markarux mantapxani.