2 Crónicas 7:3 - Qullan Arunaka DC

³ Israelit jaqinakax ninampi, Tatitun jach'a kankañapampi Tatitun utapxar saraqanir uñjasax taqiniw killt'asipxäna, p'iqipsa uraqir puriyañkamaw alt'apxäna, Tatiturusti yupaychapxänwa, yuspagarapxarakïnwa: “Jupax askiwa, munasiñapas wiñayatakiwa” sasa.

Aymar Bibliia 1986

³ Israelit jakenacasti ninampi, Tatitun jach'a cancañapampi templor sarakaniri uñjapjjatap laycujja, jupanacajj quillt'asisinjja orakcamawa alt'asipjjäna p'eke parapampi orakeru puriyañcama, ucatsti jupanacajj Tatiturojj yupaychapjjänwa, uqhamarac yuspagarapjjaraquïnwa, aqham sasa: “Jupasti suma Diosawa, munasiñapasa wiñayataquiraquiwa” sasa.

Qullan Arunaca

³ Israelit jakenacasti ninampi, Tatitun jach'a cancañapampi templor sarakaniri uñjapjjatap laycujja, jupanacajj quillt'asisinjja orakcamawa alt'asipjjäna p'eke parapampi orakeru puriyañcama, ucatsti jupanacajj Tatiturojj yupaychapjjänwa, uqhamarac yuspagarapjjaraquïnwa, aqham sasa: “Jupasti suma Diosawa, munasiñapasa wiñayataquiraquiwa” sasa.

2 Crónicas 7:3 Jak'a apnaqawi uñst'ayäwi

1 Reyes 18:39

Ukham uñjasinsti, jaqinakax taqpachaniw p'iqip uraqir puriyañkam alt'asipxäna, akham sasa: —¡Israelan Tatitupaw chiqpach Diosaxa! ¡Jupaw chiqpach Diosaxa! —sasa.

1 Crónicas 16:34

“Tatitur yuspagarapxam, jupax aski sumawa, munasiñapax wiñayatakiwa.

1 Crónicas 16:41

Jupanakamp chikasti Hemán, Jedutún jupanakaruw jaytarakïna, maynïr ajllitanakarux sutitkam q'uchuñatak utt'ayatänwa: “Tatitur yuspagarapxam, munasiñapax wiñayatakiwa” sasa.

1 Crónicas 29:20

Ukxarusti Davidax tantacht'at jaqinakarux sänwa: “Jichhasti Tatit Diosamar yupaychapxam” sasa. Ukhamasti tantacht'at jaqinakax taqiniw nayra awkinakapan Tatit Diosaparux yupaychapxäna, ukatsti Tatitutakisa, reyitakisa killt'asisaw alt'apxäna.

2 Crónicas 20:18

Ukatsti Josafat reyix p'iqip uraqir puriyañkamaw alt'asïna, Judá, Jerusalén markankir jaqinakasti Tatitun nayraqatapan jupar yupaychañatakiw killt'asipxäna.

2 Crónicas 20:21

Ukatsti markar jiskt'asinxa, mä qawqha q'uchurinak ajllïna, jupanakan qullana isinakampi isthapita, soldado tamanakan nayraqatap sarasa, Tatitur aka q'uchumpi jach'añchapxañapataki: “Tatitur yuspagarapxam, munasiñapax wiñayatakiwa” sasa.

2 Crónicas 29:28

Jaqinakax killt'atkamaw yupaychapxäna, ukchañkamax q'uchurinakax q'uchupxänwa, sacerdotenakasti trompetanak phust'apxarakïna. Ukham jupanakax lurapxäna, nakt'ata luqtäwi tukusiñapkama.

2 Crónicas 29:29

Kunapachatix ukax tukuyxän ukkhasti, reyisa, khitinakatix jupampïpkän ukanakasa, killt'asisaw yupaychapxäna.

2 Crónicas 29:30

Ukatsti Ezequías reyimpi, jilïr irpirinakampix, levitanakaruw mayipxäna, Davidan q'uchunakapampi, Asaf profetan q'uchunakapampi Tatitur yupaychapxañapataki. Jupanakasti wali kusisiñampiw q'uchupxäna, killt'asisaw yupaychapxarakïna.

2 Crónicas 5:13

Ukatsti taqpachaniw mayar tukutaki trompetanak phust'apxäna, ukhamaraki mayacht'asisa q'uchupxäna, Tatitur jach'añchañataki, yuspagarañataki, trompetanaka, platillonaka, yaqha toct'añ yänakamp toct'asa, akham sasaw q'uchupxarakïna: “Tatitur jach'añchapxam, jupax askiwa, munasiñapasti wiñayatakiwa” sasa. Tatitun utapasti ukapachax mä qinayampiw phuqhantasïna,

Esdras 3:11

Mayninakax yupaychañ q'uchunak q'uchupxäna, mayninakasti sapxarakïnwa: “Tatitur yuspagarapxam, jupax askiwa, munasiñapas Israel markapatakix wiñayatakiwa” sasa. Tatitun utap wasitat lurañ qalltasitapatsti markpachaw kusisiñat arnaqasis Tatitur yupaychapxäna.

Salmos 100:5

Tatitux khuyapayasiriwa, munasiñapax wiñayatakiwa, chiqa kankañapasti jan tukuskiriwa.

Salmos 103:17

Tatitur waqaychirinakatakisti munasiñapax wiñayawa; aski kankañapax wawan wawapatakis utjaskakiwa,

Salmos 106:1

¡Tatitux jach'añchatäpan! Tatitur yuspagarapxam, munasiñapax jan tukuskiriwa, khuyapayasiñapax wiñayawa.

Salmos 107:1

Tatitur yuspagarapxam, munasiñanïtap layku, khuyapayasiñapax wiñayawa.

Salmos 118:1

Tatitur yuspagarapxam, jupax khuyapayasiñaniwa, munasiñapax wiñayawa.

Salmos 95:6

Jutapxam, killt'asis yupaychapxañäni; Tatitun nayraqatapar killt'asipxañäni, jupaw jiwasanakarux irnuqistu.

Éxodo 4:31

Ukanak uñjasinsti israelita jaqinakax Moisesar iyawsapxänwa, Tatitun jupanakat amtasitapa, t'aqhisitanakapsa uñjatap yatisinxa, jupanakax killt'asisaw Diosar yupaychapxäna.

Isaías 63:7

Nayax Tatitun munasiñapat parlañ munta, yupaychañ q'uchunakap q'uchuña, taqi kuntix jupax jiwasanakatak lurki ukanaka, Israelan wawanakapatak khuyapayasiñapan jach'ätapata, kuntix khuyapayasiñapana, jach'a munasiñapansa lurki taqi ukanakata.

Jeremías 33:11

suma kusiskañ phunchhäwi q'uchunakax ist'asini, munasirinakan q'uchunakapaw ist'asini, ukatsti sapxarakiniwa: ‘Taqi ch'amani Tatitur yuspagarapxam, Tatitusti sumawa, munasiñapas wiñayatakiwa’ sasa. Tatitun utaparusti yuspagarañ luqtanak apanipxani. Jïsa, nayaw aka markan sarnaqäwip askir tukuyä, kunjämäpkäntix qalltanxa ukhamäpxañapataki. Naya, Tatituw uk arsta.”

Levítico 9:24

Tatitun nayraqatapatsti ninaw mistüna, uka ninasti kawkïri uywatix nakhantayatäñapäkäna, kuna lik'itix altarxan apnuqatäkän taqi ukanak nakhantäna. Taqi ukanak uñjasinsti, israelitanakax taqpachaniw kusisiñat wal arnaqasipxäna, ukatsti killt'asisin paranakapsa uraqir puriyañkamaw alt'apxarakïna.

Números 14:5

Ukapachasti Moisesampi, Aaronampix israelitanak nayräxan ajanunakap uraqir puriyañkamaw alt'apxäna,

Números 16:22

Moisesampi, Aaronampisti ajanup uraqir puriñkamaw alt'apxäna, Tatiturux sapxarakïnwa: —Tatit Diosay, jumaw taqi jaqinakarus jakañ churtaxa, ¿mä sapa jaqin juchap laykukiti taqpach markatak q'apisïtasti? —sasa.

Lucas 1:50

Diosax khuyapayasipuniniwa taqi jupar jach'achirinakaruxa.