2 Crónicas 3:4 - Qullan Arunaka DC

⁴ Tatitun utapar mantañawjasti sayt'urux llätunka metronïnwa, iranarusti uka pachpa tupuraki, amstarusti llätunka metronïnwa. Salomonax Tatitun utapar mantañawjapxa suma qurimpiw lip'suyäna,

Aymar Bibliia 1986

⁴ Templo nayräjjapana mantañäwjasti largorojja llätunca metronïnwa, uqhamarac anchorojja templo pachpa anchoraqui, ucatsti altorojja llätunca metroniraquïnwa. Salomonasti uca mantañäwjja korimpcamaquiwa lip'suyäna mankhëjjata,

Qullan Arunaca

⁴ Templo nayräjjapana mantañäwjasti largorojja llätunca metronïnwa, uqhamarac anchorojja templo pachpa anchoraqui, ucatsti altorojja llätunca metroniraquïnwa. Salomonasti uca mantañäwjja korimpcamaquiwa lip'suyäna mankhëjjata,

2 Crónicas 3:4 Jak'a apnaqawi uñst'ayäwi

1 Reyes 6:3

Nayräxa tuqit mantañ punkusti sayt'urux llätunka metroni, iranarusti pusi metro chikatanïnwa.

2 Crónicas 29:17

Jupanakasti qallta phaxsina, nayrïr uru saraqataruw q'umachañ qalltapxäna, kimsaqallqüri uru saraqatarusti, Tatitun utapa punkupkamaw q'umachas puripxäna. Ukat ukxar Tatitun utapsti, yaqha kimsaqallq urun q'umachapxäna; tunka suxtan uru saraqatarusti Tatitun utap taqpach q'umachañ tukuyxapxäna.

Ezequiel 40:48

Ukatsti uka jaqix Tatitun utapar mantañawjaruw irpitu, ukar irpasinsti uka utanakan pilaranakap tupt'arakïna, sapa pilarasti thururux pä metro chikatankamänwa. Punkusti iramarux paqallqu metronïnwa, uka punku katxäsir pirqanakasti iramarux mä metro chikatanirakïnwa.

Juan 10:23

Jesusasti Tatitun utapan sarnaqaskäna, Salomonan Jach'a punkupa satäkis ukawjana.

Hechos 3:11

K'umaraptkatayna uka suchu jaqisti Pedrompita, Juanampit janiw saraqañ munkänti. Jaqinakasti taqpachaniw wali muspharat uñjasisin, jupanakan ukar chhukthapipxäna, Salomonan Punkupa satäki ukawjaru.

Hechos 5:12

Diosax apostolunak tuqiw jaqinak taypin walja unañchäwinakampi, muspharkay luräwinakamp luraskakïna. Iyawsirinakax Salomonan Punkupa satäki ukawjan sapüruw taqpachan tantachasipxäna.