2 Crónicas 10:2 - Qullan Arunaka DC

² Ukampis Nabat chachan Jeroboam yuqapax taqi ukanak yatïna, jupax Salomón reyit jaltxasax Egiptonkaskänwa, ukatsti Egiptot mäkiw kutt'anïna.

Aymar Bibliia 1986

² Ucsti Nabatan Jeroboam yokapajj yatïnwa, jupasti Egiptoncascänwa cawqharutejj jaltjjäna, Salomón reyita ucatsti Egiptotjja cutt'anjjänwa.

Qullan Arunaca

² Ucsti Nabatan Jeroboam yokapajj yatïnwa, jupasti Egiptoncascänwa cawqharutejj jaltjjäna, Salomón reyita ucatsti Egiptotjja cutt'anjjänwa.

2 Crónicas 10:2 Jak'a apnaqawi uñst'ayäwi

1 Reyes 11:26

Nabat chachan Jeroboam yuqapasti reyitakix sayt'asirakïnwa. Jeroboam chachax Salomonan yanapiripänwa, jupasti Efraín ayllunkir Seredá markankirïnwa. Taykapasti Serúa sutin mä ijma warmïnwa.

1 Reyes 11:28

Jeroboam chachax wali ch'amani, mä amtañani chachänwa; Salomonasti aka waynan wali q'aphätap uñjasaxa, kuna ch'ama lurañanaktix Joseat saraqir jaqinakax lurapkäna ukanak uñjañapatakiw uchäna.

1 Reyes 11:40

Ukhamïpan Salomonax Jeroboam chacharux jiwayañ munäna; ukampis Jeroboam chachax Egiptoruw jaltxäna, uka urunakasti Sisac sat faraonaw uka marka apnaqaskäna; Jeroboam chachax Salomonan jiwañapkamaw ukankäna.

1 Reyes 12:2

Ukampis Jeroboam chachax uk ist'atayna, jupasti Egiptonkaskänwa, Salomón reyimpi jan katjayasiñatakiw jaltxasin ukan utjasxarakitayna.

2 Crónicas 10:3

Kunapachatix jupar jawsayanipkän ukkhasti, Jeroboam chachampi, taqi Israel jaqinakampix Roboam chachampi parliriw sarapxäna, juparusti sapxänwa:

2 Crónicas 9:29

Salomonan yaqha luratanakapasti qalltat tukuykamax, Natán profetan crónicas sat qillqatapan qillqatawa, ukhamaraki Siló chiqankir Ahías chachan profecía qillqatapana, Iddo sat profetan jutir urunakat parlatap qillqatapanaraki, ukansti Nabat chachan Jeroboam yuqapxat qillqatawa.