2 Corintios 9:2 - Qullan Arunaka DC

² jumanakan suma chuymanïpxatam niy uñt'xapxsmawa. Macedoniankir jilatanakarux kusisitaw arsta: “Acayankir jilatanakax maymäratpach jank'akïpxiw yanapt'asiñataki” sasa, ukatsti Macedoniankir jilatanakatxa waljaniw jumanakan suma chuymanïpxatam laykux yanapt'asiñ munapxaraki.

2 Corintios 9:2 Jak'a apnaqawi uñst'ayäwi

Hechos 18:12

Galión sat jilïrix Acaya marka apnaqkän ukürunakaxa, Corintonkir judionakax Pablotakiw mayak sayt'asxapxäna; katuntasinsti, juparux taripirinak nayraqataparuw irpapxäna.

Hechos 24:17

“Mä qawqha maranak yaqha markanakan sarnaqasinsti, markaxaruw kutt'xta, jan kunaninakar qullqi churiri, Tatitur waxt'äwinak luqtiri.

Romanos 15:26

Macedoniankirinakampi, Acayankirinakampix mä yanap apthapiñatakiw taqi chuymamp amtasipxi, ukat Jerusalenankir pist'at jilatanakar apayañataki.

1 Corintios 16:15

Jilatanaka, jumanakax yatipxtawa, Estéfanas jilatan utapankirinakaw nayraqat Acaya chiqan Diosan suma yatiyäwiparux iyawsi, jupanakasti Cristor iyawsiri jilatanakaruw yanapapxi.

2 Corintios 1:1

Corinto iglesiankir munat jilatanaka, kullakanaka, ukhamarak Acaya chiqankir taqi jilatanaka: Naya Pablompi, Timoteo jilatampix aruntanipxsmawa. Dios Awkisampi, nayar apostolüñatak ajllisir Jesucristo Tatitumpix khuyapayasiñapsa, sumankañapsa jumanakar churpan.

2 Corintios 7:14

Nayax jumanakat kusisitax Titor yatiyta, uk sasax janiw pantjaskti. Jan ukasti, kuntix jumanakar sapkäyäsma ukax chiqawa, Titor sapkta ukas chiqarakiwa: nanakax jumanakat wal kusisipxta.

2 Corintios 7:4

Jumanakar qhana arumpi arsuñaxaw utjitu, wali kusisiñaw jumanakat utjarakitu. Taqi t'aqhisiñanakax taypinsti, ch'amañchataw uñjasta, kusisiñan phuqt'ataw uñjasirakta.

2 Corintios 8:10

Jumanakan askimatakiw ukxat sañ munapxsma. Jumanakax maymäratpachaw aka luräwxa sum qalltapxtaxa, janiw aliq apthapisakiti jan ukasti kusisiñampirakiw apthapipxtaxa.

2 Corintios 8:11

Jichhasti kamisatix taqi chuymampi yanapt'a apthapiñ qalltapktaxa, ukhamarak jumanakan wakisitarjam yanapt'a apthapiñ tukuyapxam.

2 Corintios 8:19

Ukhamarus juparux iglesianakaw ajllisipxi, nanakampi chika sarañapataki, taqi akanaksti Tatitur jach'añchañatakiw lurasipkta, ukhamarak yanapt'añ munatanakax uñacht'ayañataki.

2 Corintios 8:24

Iglesianakan yatipxañapatakisti, jumanakax jupanakar chiqpachapun munapxatam uñacht'ayapxam, ukhamarak nanakan jumanakat kusisitanakaxatsa.

2 Corintios 8:8

Uksti janiw jumanakar mä kamachjam churapksmati; jan ukasti, mayninakan suma chuymampi apthapt'apxatap yatipxañamak munta, ukhamat jumanakan munasiñamax chiqat janich uk yatisiñapataki.

1 Tesalonicenses 1:7

Ukhamat jumanakan sarnaqäwimax Macedonia, Acaya chiqanakan Cristor taqi iyawsirinakatakix uñtkayänxa.

Hebreos 10:24

Maynit maynikam yanapt'asiñatak ch'amachapxañäni, juk'ampi munasiñ utjañapataki, aski luräwinak lurañataki.