2 Corintios 7:7 - Qullan Arunaka DC

⁷ janiw jupan purinitapampikiti, jan ukasti, jumanakat yatisaw chuymachasipxarakta. Jupasti nanakar uñjañ munapxatamat parlapxitu, nayat llakisipxatamat yatiyapxarakitu, taqi ukanak yatisax juk'ampiw kusista.

Aymar Bibliia 1986

⁷ Janiw purinitapampiquiti, jan ucasti jupajj jumanacatjja wali cusisitänwa. Jupasti yatiyapjjaraquituwa kawctï jumanacajj nanacar uñjañ munapquista ucjjatjja, nanacat llaquisipjjatamatsa yatiyapjjaraquituwa; take ucanac yatisinjja nayajj wal cusista.

Qullan Arunaca

⁷ Janiw purinitapampiquiti, jan ucasti jupajj jumanacatjja wali cusisitänwa. Jupasti yatiyapjjaraquituwa kawctï jumanacajj nanacar uñjañ munapquista ucjjatjja, nanacat llaquisipjjatamatsa yatiyapjjaraquituwa; take ucanac yatisinjja nayajj wal cusista.

2 Corintios 7:7 Jak'a apnaqawi uñst'ayäwi

Salmos 141:5

Aski jaqix mutuyitpan, suma jaqix tuqinuqitpan, ukanak katuqañatakix janiw jaltkäti; mutuykatpachas Tatitut mayisiskakïwa.

Salmos 30:5

5 (6) Q'apisiñapax mä juk'atakikiwa, munasiñapasti wiñayatakiwa. Jayp'u tuqirutix jachañax puristanixa, willjta tuqirux kusisiñaw utjxistani.

Salmos 38:18

18 (19) ¡Taqi juchanakax arsusxä, ukanakaw walpun t'aqhisiyitu!

Salmos 51:1

1 (3) Dios Tatay, munasiñam laykuy khuyapt'ayasita; khuyapayasirïtam laykuy juchanakaxat pampachita.

Mateo 26:75

Pedrosti ukkhakiw kunjämtix Jesusax siskatayna uk amtasïna: “Wallpax janïr art'kipana, kimsa kutiw nayarux jan uñt'ir tuküta” sasa. Uka chiqat mistusinsti, Pedrox walpun jachäna.

Mateo 5:4

“Kusisiñanïpxiw t'aqhisirinakaxa, jupanakax chuymachatäpxaniwa.

Lucas 22:44

Jach'a t'aqhisiñankasasti, juk'amp ch'amampiw Diosat mayisïna, jump'ipas wila ch'aqanakjamaw ch'aqaräna.

Hechos 11:23

Antioquiar purisinsti, Bernabeax wal kusisïna, Diosan jupanakar aski waxt'äwinakamp phuqt'katayna uk uñjasa. Jupanakarusti iwxt'arakïnwa, taqi chuymamp Tatitur arkapxañapataki.

Romanos 1:12

ukampix sañ munta, ukhamat maynit maynikam yanapt'asiñasataki, kawkïr iyawsäwitix jumanakansa nayansa utjkistu ukarjama.

1 Corintios 5:2

¡Ukhamäkasinsa jumanakax jach'achasisipkaktawa! ¡Ukhamïpansti llakitäsipkañamawa! Ukham sarnaqir jaqix jumanak taypit alisnukutäñapawa.

2 Corintios 1:14

niyaw nanakat mä juk'a amuyapxtaxa, kunapachatix Tatitux jutkan ukkhaxa, jumanakax nanakat wal kusisipxäta, nanakas uka kipkarakiw jumanakat kusisipxä.

2 Corintios 1:4

Jupaw taqi t'aqhisiñanakasan chuymachistu, ukhamat jiwasanakan t'aqhisirinakar chuymachañasataki, Diosax churkistu uka pachpa chuymachasïwimpi.

2 Corintios 2:9

Ukatakiw jumanakar qillqanipxsma, jumanakan chuymam uñt'añataki, ukhamaraki jumanakan jaysasir chuymam yatiñataki.

2 Corintios 5:2

Ukatpï aka utan jakkasax ayqtanxa, mäpit alaxpach utasar sarxañ muntan;

2 Corintios 7:6

Ukampis ch'ama thayjtatanakar ch'amañchir Diosax, Titon purinitapampiw ch'amañchapxitu;

2 Corintios 7:8

Qillqanipksma ukampitix llakisiyapxsmaxa, janiw ukat jichhax llakiskti. Uka Qillqatan mä juk'a pacha jumanakar llakisiyatap uñjasax nayax llakisirakïyätwa,

2 Corintios 8:16

Diosax yuspagaratäpan, kuna llakisiñatix nayan jumanakatak utjkitu ukarak Titon chuymaparux uchi.

Filipenses 1:20

Nayax p'inqasiñar jan puriñatakiw ch'amachasiskta, ukampis jakaskäsa, jan ukax jiwxäsa, nayan suyt'äwixax nayan ch'amachasitax laykuw Cristox jach'ar aptatäni.

Colosenses 2:5

Nayax janis janchin jumanakampïktxa, ajayun jumanakampïskta, ukatsti jumanakan sum sarnaqapxatamata, Tatitur iyawsañanakaman sum sayt'apxatamat wal kusisirakta.

1 Tesalonicenses 3:6

Jichhasti Timoteox Tesalónica markat kutt'anxiwa, jupaw jumanakan iyawsäwimampita, munasiñamampit wali suma yatiyäwinak puriyani. Jumanakan nanakat taqi munasiñampi amtasipxatamat yatiyapxitu, ukhamarak nanakampi jikisiñ munapxatamata, kunjämtix nanakax jumanakampi jikisiñ munapkta ukhama.

1 Tesalonicenses 3:8

Jumanakan Tatitumpi sayt'asipxatam yatisax chuymsa qhanartayapxituwa.

Hebreos 2:1

Jiwasanakax uka yatiyäwi ist'asax wali amuyumpi jaysañasaw wakisi, ukhamat thakhit jan maysar saranukuñasataki.

Santiago 5:17

Elías profetax jiwasjam jaqikïnwa, kunapachatix jan jalluñapatak Tatitur taqi chuymapampi maykän ukkhaxa, jallux kimsa mara chikaniw jan purkxänti.

2 Juan 1:4

Jumanakat yaqhipanakar chiqa kankañan sarnaqir uñjasax walipuniw kusista, Dios Awkin arsutaparjam sarnaqatap layku.

Judas 1:3

Munat jilatanaka, walpun qillqaniñ munapxäyäsma, kunatix jumanakansa, nayansa utjki uka qhispiyasiñ tuqita; jichhax aka qillqatax tuqiw jumanakar achikt'apxsma, kuna yatichäwinaktix Tatitun qullan markapar katuyatäkäna, ukanak imapxañamatak wal ch'amachasipxam.