2 Corintios 6:5 - Qullan Arunaka DC

⁵ Jawq'jasin carcelar uskuntapxitu, jaqinakan uxutanakap taypin usuchjapxitu, wali ch'ama tukusaw irnaqapxta, jan ikini, jan manq'atarakiw sarnaqapxta.

Aymar Bibliia 1986

⁵ Jawk'jasinwa carcelar uscuntapjjetu; jakenacan nanac contra ojjotanacapsa, uqhamaraqui wali ch'ama tucuñanacsa pasanipjjaractwa; jan iquini, jan mank'ataraquiw sarnakapjjta.

Qullan Arunaca

⁵ Jawk'jasinwa carcelar uscuntapjjetu; jakenacan nanac contra ojjotanacapsa, uqhamaraqui wali ch'ama tucuñanacsa pasanipjjaractwa; jan iquini, jan mank'ataraquiw sarnakapjjta.

2 Corintios 6:5 Jak'a apnaqawi uñst'ayäwi

1 Reyes 22:27

Jupanakarusti sapxätawa: “Reyix akham siwa: ‘Carcelar uchantapxpan, mä jisk'a t'ant'ampi, mä juk'a umampik churapxpan, nuwasïwit nayan jan kamacht'at kutt'aniñaxkama’ ” —sasa.

2 Crónicas 16:10

Asá reyisti profetatakix walpun q'apisïna, ukat carcelar uchantayäna. Uka urunakanxa markankirinakat yaqhipanakarux mutuyarakïnwa.

Isaías 53:5

Ukampis jupax, jiwasan Tatitur saykatatas laykuw chhuxriñchjatänxa, jiwasan ñanqha luratanakas laykuw wali t'aqhisiyatänxa; jupan t'aqhisitapasti jiwasatakix sumankañ apani, chhuxrinakap laykuw qullat uñjasiraktanxa.

Jeremías 33:1

Jeremías profetax carcel uta anqan katuntatäkän ukapachaw Tatitux jupar wasitat parlxayäna akham sasa:

Jeremías 38:6

Ukhamasti jupanakax Jeremiasar katuntasinxa, Malquías sata jilïrin phuch'uparuw jaquntapxäna, kawkïritix uñjirinakan uta anqapankkän ukaru. Wiskanakat warkuntapxäna, uka phuch'unsti janiw umax utjkänti jan ukasti ñiq'ikiw utjäna, Jeremiasasti uka ñiq'iruw jalantäna.

Ezequiel 3:17

“Jaqin yuqapa, nayax Israel markan uñjiripat usksma. Nayax kunsa jumar yatiykäma ukkhasti, jank'akiw Israel markarux yatiyañama, ukhamat jupanakan taqi kunsa suma yatipxañapataki.

Mateo 14:10

Ukat Bautisiri Juanar p'iqip carcelan khariqaniñapatak arsüna;

Mateo 14:3

Herodes reyipï Bautisir Juanarux katuntayasin carcelar apantayataynaxa. Ukham lurañapatakisti Herodías warmiw juchanïna, khititix Filipo jilapan warmipäkän uka,

Mateo 9:15

Jesusasti sarakïnwa: —¿Jaqichasïwir jawsayat jaqinakax jaqichasir waynan ukankaskatapat llakitakïpxaspati? Ukampis jaqichasir waynar irpasxañ urux purininiwa; ukkhaw ayuno lurañax wakisini.

Hechos 13:3

Ukatsti, Tatitur mayisina, ayuno lurasinxa; amparanakap Bernabeampiru, Saulompir luqxatasin jupanakar khitxapxäna.

Hechos 14:19

Ukapachasti mä qawqha judionakaw purinipxäna, Antioquía markampita, Iconio markampita. Jupanakasti jaqinakar amtayasin Pablorux qalampiw k'upjayapxäna, ukatsti marka anqäxaruw qatatnukunipxäna jiwatäxatap amuyasa.

Hechos 14:23

Sapa iglesian jilïr irpirinak utt'ayawayapxäna, ukatsti Tatitur mayisa, ayuno lurasinxa, jupanakarux iyawsapkän uka Tatituruw katuyapxarakïna.

Hechos 17:5

Ukampis jan iyawsir judionakax uñisiñat ukawjanakan sarnaqir qhuru jayra jaqinak irpthapipxäna. Uka jaqinak anthapisinsti markankir jaqinakaruw amtayasin uxtañanak sartayapxäna. Ukatsti Jasonan utaparuw chhukt'apxäna, Pablompir Silasampir uka utat waysusin jaqinakar katuyañataki.

Hechos 20:31

Walpun amuyt'asipxäta. Kimsa maran sapa mayni jumanakar uruy aruma, jan qarjasisa, jacht'asisaraki iwxt'atanakax janiw armasipxätati.

Hechos 23:10

Ch'axwañax juk'ampïxänwa, soldadonakan jilïripasti axsarañat säna: “Pablor jisk'a jisk'a tukjapxakispawa” sasa. Ukat soldadonak jawsayanïna, judionak taypit Pablor irpsusin cuartelar wasitat irpantayxäna.

Hechos 23:35

—Jumar juchañchirinakax purinipkan ukkhaw arsusitam ist'äma —sasa. Ukatsti Herodesan jach'a utapan katuntat qhiparañapatakiw irpayxäna.

Hechos 24:27

Pä mara qhipatsti, Félix chachax, janiw marka apnaqirïkxänti, jupa lantisti Porcio Festo sat chachaw marka apnaqañ qalltxäna. Félix chachasti judionakamp munayasiñ laykuw Pablorux katuntat jaytawayäna.

Hechos 26:10

Ukham nayax Jerusalenan lurta. Sacerdotenakan jilïrinakapan arsutanakapampix nayax Tatitur iyawsir jaqinakat, waljaniruw carcelar jist'antayta; jiwayapkän ukkhasti: “Walikiw” sarakïyätwa.

Hechos 26:29

Ukxaruw Pablox sarakïna: —Mä juk'a pachatsa jan ukax, walja pachatsa, Diosax jan juma saparuki, jan ukasti, khitinakatix jichhür ist'apkitu ukanakan nayjam tukupxañap munpan, ukampis jan nayjamax aka cadenamp ñach'antatäkarakpati —sasa.

Hechos 28:30

Pablox pä mara phuqhataw mayt'at utan utjasïna, utanirusti qullqi churäna, jupar uñjir jutirinakarusti uka utan taqiniruw katuqäna.

Hechos 5:18

jupanakasti apostolunakarux katuntayasin carcelaruw jist'antayapxäna.

1 Corintios 15:10

Ukampis Diosan khuyapayasiñap laykukiw kunäktix ukätxa; munasiñapasti nayatakix janiw inamayäkiti. Jan ukasti, nayax taqi apostolunakat sipan juk'amp irnaqawayta; janiw nayat irnaqktxa, jan ukasti, Diosawa, jupasti munasiñapan nayarux yanapitu.

1 Corintios 4:11

Jichhürkamas manq'at awtjata, umat pharjata, isit jalstataw sarnaqapxta; jaqis uñisipxituwa, janiw utanïpkaraktsa,

1 Corintios 7:5

Ukalayku, jan jumanak purax “janiw” sasipxamti, wakischi ukax arust'asipxam mä juk'a pacha jan jak'asiñataki, uka urunakan Diosat mayisiñataki. Uka qhipatsti wakisiw mayachasipxañama; inampis maynix janchipar jan atipirjamäsax, Supayax juchar puriychispa.

2 Corintios 11:27

Walja kutiw irnaqäwinakan jan walt'añanakan uñjasta; walja kutiw jan ikin uñjasta; manq'atsa awtjata umatsa pharjataw sarnaqta; walja kutiw jan manq'atäkti; thayansa thayjata, isitsa jalstataw sarnaqta.

Efesios 3:1

Ukat naya Pablox Cristo Jesús layku katuntatäta, jan judiöpktas ukanakatak aski.

Deuteronomio 25:3

Janiw kunäkipansa pusi tunkat juk'amp jawq'antapxätati, uka marka masiman jan juk'ampi usuchjatäñapataki, ukhamat jumanak nayräxan jan p'inqachat uñjasiñapataki.

Filipenses 1:13

Reyin utapan uta uñjirinakasa, taqi jaqinakasa, Cristor arkatax layku nayan katuntatätax yatipxi.

1 Tesalonicenses 2:9

Jilatanaka, janchin jakañatakix jan inakt'as irnaqapxatanakax yatisipktawa. Nanakax uruy arumaw irnaqapxta, ukhamat Diosan suma yatiyäwip parlañanakaxanxa jan khititakis llakïskañataki.

1 Timoteo 4:10

Ukatakiw jisk'achatäkasas irnaqañatak ch'amachastan, jakkir Diosarus katuyasiraktan, jupasti taqinin Qhispiyiripawa, ukat juk'ampi jupar iyawsapki ukanakan Qhispiyiripawa.

2 Timoteo 1:8

Tatitusat yatiyañ jan p'inqasimti, Jesucristo layku katuntat uñjasitaxatsa janirak p'inqasimti. Ukatsipana, Diosan ch'amapampix kuna t'aqhisiñanakatix suma yatiyäwi layku jumatak jutkan ukatakix wakicht'asim.

2 Timoteo 2:9

Tatitun arunakap laykuw nayax t'aqhisiskta, jaqi jiwayirïkiristsa ukhamaw cadenamp chinuntat uñjasta; ukampis Diosan arunakapax janiw chinkatatäkiti.

2 Timoteo 4:5

Ukampis jumax aski amuyumpipun sarnaqam, t'aqhisiñanak amuk mutum, qhispiyasiñ arunak parlañar uchasim, lurañanakamsa sum phuqharakim.

Hebreos 11:36

Yaqhipanakasti sawkch'ukita, jawq'jata, cadenanakampi ñach'antata, carcelanakar jist'antataw t'aqhisipxäna.

Hebreos 13:17

Irpirinakamar jaysapxam, jupanakarux ist'apxarakim, jupanakax jan inakt'asaw jumanakar uñjapxtam, Diosax taqi luräwinakamat jupanakar maykani uk yatisina. Kunatix jupar kusisiyki uk lurañatak ch'amachasipxam, jan ukhamäkani ukasti jumanakatakix janiw askïkaniti.

Hebreos 13:23

Yatipxam, Timoteo jilatasax carcelat mistxiwa; jupatix jank'ak purininixa, nayamp chikaw jumanakar tumpir irpanï.

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.