2 Corintios 6:18 - Qullan Arunaka DC

¹⁸ nayax jumanakan Awkimäyäwa, jumanakasti nayan yuqanakaxa, phuchhanakaxäpxätawa, uksti naya taqi ch'aman Tatituw arsta” sasa.

Aymar Bibliia 1986

¹⁸ Jumanacan Awquimäyäwa, jumanacasti wawanacajjäpjjaraquïtawa” siw take ch'aman Diosajja.

Qullan Arunaca

¹⁸ Jumanacan Awquimäyäwa, jumanacasti wawanacajjäpjjaraquïtawa” siw take ch'aman Diosajja.

2 Corintios 6:18 Jak'a apnaqawi uñst'ayäwi

Génesis 17:1

Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam,

Génesis 48:3

Josearusti akham sarakïna: —Taqi ch'aman Diosaw nayarux Canaán uraqinkir Betel markan uñstitu, ukatsti aka arunakampiw aski waxt'äwinak churitu:

2 Samuel 7:14

Nayaw jupan awkipäyä, jupasti nayan wawaxäniwa. Jupatix kuna jan walsa lurkani ukapachasti, juparux jawq'antäwa, kamisatix awkix wawapar jawq'antki ukhama,

1 Crónicas 17:13

Nayaw jupan awkipäyä, jupasti nayan wawaxäniwa. Nayan khuyapayasiñaxax janiw jupat jithiqtkaniti, kunjämatix jumat nayra marka apnaqirimpi lurkta ukhamxa,

Salmos 22:30

30 (31) Wawanakaxax Tatituruw yupaychapxani, jupatsti wiñayaw parlapxani;

Isaías 43:6

Amstankir markanakaru, aynachankir markanakarus sarakïwa: ‘Markax kutt'ayxapxita, jupanakampix jan qhiparapxamti. Wawanakaxarux kuttayanirapxita jayatpacha, aka uraqi tukuyatpacha.

Jeremías 3:19

“Israel marka, nayax jumar wawaxat katuqañatakiw amtasta, mä suma munkañ uraqi jumar churañ amtarakta, taqi aka uraqinakat sipan juk'ampi suma uraqi. Nayasti sarakïyätwa: ‘Jichhax awki sisxchitaniya’ sasa, ukatsti janiy nayat jayar sarkxchiniti sarakïyätwa.

Jeremías 31:1

Tatitux siwa: “Babilonia markat kuttanxapxani uka urunakanxa, nayaw taqi Israel markan Diosapäyä, jupanakasti nayan markaxäpxarakiniwa” sasa.

Jeremías 31:9

Tatitur yuspagarasa, jacht'asisarakiw kuttanxapxani. Nayasti jalir uma thiyanakaruw jupanakar irparakï, jan liwisipxañapatakisti, mä suma khuskhachat thakhinjam irparakï. Nayaw Israelan awkipätxa, jupasti jilïr yuqall wawaxarakiwa.

Juan 1:12

Ukampis jupar katuqasin iyawsirinakax Diosan wawanakapäxiwa.

Romanos 8:19

Akapachan taqpach jakirinakaw suyt'aski, kunürutix Diosan wawanakapätasax qhanañchatäkani uka.

Romanos 8:29

Khitinakarutix Diosax nayratpach uñt'kän jupanakarux qalltatpach yaqhachawayi, Wawapan walja jilanak taypin jilïrïñapataki.

Gálatas 3:26

Jumanakax Tatit Jesucristor iyawsatanakam laykux Diosan wawanakapäpxtawa.

Efesios 1:5

jupax nayratpach ajllisiwayistu, Jesucristo tuqi wawanakapat katuqatäñasataki, kunjämäkitix amtäwipax ukhamarjama.

Apocalipsis 1:8

Tatitux siwa: “Nayätwa qalltasa tukuyasa, khitïkitix uka, khitïkäntix uka, khititix jutkani uka; jupasti Taqi Munañaniwa.

Apocalipsis 21:22

Janiw kuna qullan utsa uka markan uñjkti, uka markan qullan utapasti Tatituwa, taqi ch'aman Diosawa, Corderorakiwa.

Apocalipsis 21:7

Jan walinakar atipjiristi taqi akanak katuqani; nayasti jupan Diosapäyäwa, jupasti nayan wawaxäniwa.