2 Corintios 6:16 - Qullan Arunaka DC

¹⁶ Janiw Diosan utapampi yaqha diosanakan utapampix mayakïkaspati. Jiwasax jakkir Diosan utapätanwa, kunjämtix Dios kipka siski ukhama: “Jupanak taypin jakä, sarnaqarakï; nayaw jupanakan Diosapäyä, jupanakasti nayan markaxäniwa” sasa.

Aymar Bibliia 1986

¹⁶ Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

Qullan Arunaca

¹⁶ Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

2 Corintios 6:16 Jak'a apnaqawi uñst'ayäwi

1 Reyes 18:21

Ukatsti Eliasax taqpach markar jak'achasisaw säna: —¿Kunapachkamarak jumanakasti pä chuyma sarnaqapxätasti? Tatitutix chiqpach Diosächixa, juparuy arkapxam, jan ukax Baal diosatix chiqächixa, jupar arkapxarakim —sasa. Markachirinakax janiw kamsapkänsa.

Salmos 90:1

Tatay, mitat mita jaqinak taypin, jumaw nanakan imantasiñaxätaxa.

Éxodo 20:3

“Janiw jumax nayat sipan yaqha diosanak uchasïtati.

Éxodo 23:13

“Taqi aka kamachinak phuqhapxam, ukatsti janipun yaqha diosanakar yanap mayipxamti; sutipsa aytasipxamti.

Éxodo 25:8

Ukatsti nayatakix mä qullan utjäwi lurarapipxitäta, nayan jumanak taypin utjasiñaxataki.

Éxodo 29:45

Nayax israelitanak taypin jakä, jupanakan Diosapäyäwa.

Éxodo 34:14

“Janipuniw yaqha diosanakarux yupaychapxätati, Tatitux janiw yaqhampïpxañam munkiti. Sutipasti jan yaqhampïñap muniri satawa.

Jeremías 24:7

Jupanakarusti nayan Tatitütax yatipxañapatakiw mä suma amuy churarakï; jupanakasti markaxäniwa, nayasti jupanakan Diosaparakïyäwa, nayar taqi chuymampi kuttanxapxatapata.

Jeremías 31:1

Tatitux siwa: “Babilonia markat kuttanxapxani uka urunakanxa, nayaw taqi Israel markan Diosapäyä, jupanakasti nayan markaxäpxarakiniwa” sasa.

Jeremías 31:33

Khä urun Israelampi lurkä uka arust'äwix akhamäniwa: Nayan kamachinakaxsti chuymanakaparuw uskü, p'iqinakaparuw qillqantarakï. Nayax jupanakan Diosapäyäwa, jupanakasti nayan markaxarakïniwa. Naya, Tatituw uk arsta.

Jeremías 32:38

Jupanakax nayan markaxäniwa, nayasti jupanakan Diosaparakïyäwa.

Ezequiel 11:20

Ukapachaw jupanakax nayan kamachinakarjama, arsutanakaxarjam jakapxani. Jupanakax nayan markaxäniwa, nayasti jupanakan Diosaparakïyäwa.

Ezequiel 36:25

Q'uma umampiw jariqt'xapxäma, yaqha diosanakar yupaychas q'añuchasitanakamatsa q'umachxapxarakïmawa;

Ezequiel 36:28

ukatsti nayra awkinakamar churata uraqin jakxapxäta, jumanakax nayan markaxäpxätawa, nayasti jumanakan Diosamarakïyäwa.

Ezequiel 43:7

akham sasa: “Aka chiqax nayan qunuñaxawa, kayunakaxan takt'asiñapawa; aka chiqan nayax israelitanak taypin wiñayatak jakarakï. Janipuniw jupanakasa, reyinakapasa nayan qullan sutix juk'ampi jisk'achaykxapxaniti, jan taqi chuyma arkatanakapampi, jiwat reyinakapar yupaychatanakapampi.

Ezequiel 43:9

Jichhax nayat jayar jaqunukupxpan jan taqi chuymampi sarnaqañanakapa, reyinakaparu yupaychañanaka, ukkhakiw nayax jupanak taypin wiñayatak jakarakï.

Oseas 14:8

8 (9) Israelitanakasti sarakiniwa: ‘Kunäskpas jichhax yaqha diosanakaxa’ sasa. ¡Nayaw uñjasta, markaxarus imasirakta! Nayax pino quqjam ch'uxñakipunïsktwa, markaxax nayanwa achup jikxatarakini.”

Oseas 2:23

23 (25) Markaxarusti nayatakikipuniw uraqir uskusï, Lo-ruhamatsti khuyapt'ayasïwa, Lo-amirusti ‘Markaxätawa’ sarakïwa, jupasti: ‘¡Diosaxätawa!’ sarakitaniwa.”

Levítico 26:12

jumanak taypinpun sarnaqasï, nayax jumanakan Diosamäyäwa, jumanakasti nayan markaxäpxätawa.

Sofonías 1:5

Uta patanakar mistusin warawaranakar yupaychirinakarux tukjäwa, Tatitun nayraqatapan killt'askasa, jaqin lurat Milcom sat diosan sutip layku juramento luririnakarux tukjarakïwa.

Zacarías 8:8

ukatsti Jerusalén markan jakasxapxañapatakiw apanxarakï. Jupanakasti ukkhax nayan markaxäniwa, nayasti aski chuymampi, chiqa kankañamp uñjir Diosapäyäwa.”

Mateo 16:16

Simón Pedrosti sänwa: —Jumax Cristo Tatitütawa, jakkir Diosan Yuqapätawa —sasa:

Mateo 6:24

“Janiw khitis pani uywirir luqtkaspati, maynirux munasiniwa, maynirusti uñisiniwa, jan ukax maynirux alkataniwa, maynirusti jisk'achaniwa. Diosampiru, qamir yänakampirux janiw khitis luqtkaspati.

Lucas 5:36

Ukhamarakiw aka amuyt'äwi churäna: —Janiw khitis machaq isit khuchhuqas ukampix mirq'i isir ch'ukxatkiti. Ukham luran ukkhasti, machaq isix jan kunatak askïniwa, ukhamarus machaq isit khuchhuqatampi mirq'i isir ch'ukxatatax jan wal uñnaqayaspa.

Juan 14:23

Jesusasti sarakïnwa: —Khititix munaskitu ukax, arsutaxaruw phuqhi; Awkixasti juparux munasiniwa, Awkixampi nayampix jupamp jakiriw jutapxä.

Juan 6:56

Khititix nayan janchix manq'ki, wilaxsa umkaraki ukax, nayampix mayakiwa, nayasti jupampix mayakirakïtwa.

Romanos 8:11

Jesusar jaktayki uka Ajayux jumanakan jaki, uka pachpa Cristor jaktayir Ajayux jiwir janchinakamarux machaq jakañ churani, jumanakan jakki uka Diosan Ajayup tuqi.

Romanos 8:9

Ukampis jumanakax janiw janchin munañaparjam jakxapxtati, jan ukasti, Ajayun munañaparjamaw jakxapxtaxa, Diosan Ajayupaw jumanakan jakxi. Khititix Criston jan Ajayupanïki ukanakax janiw Cristonkirïkiti.

Romanos 9:26

Kawkhantix jupanakar satäkäna: ‘Jumanakax janiw nayan markaxäpktati’, jichhasti, jakkir Diosan wawanakapa satäpxätawa” sasa.

1 Corintios 10:21

Janiw Tatitun qirupat umasax supayanakan qirupat umapkasmati; janirakiw Tatitun manq'äwipan manq'kasax supayanakan manq'äwipan manq'apkasmati.

1 Corintios 6:19

¿Janit yatipktasti jumanakan janchimax Diosan churata uka Qullan Ajayun utapätapsti, Qullan Ajayus jumanakan jakatapsa? Jumanakax janiw jumanakpachat munañanïpktati,

Efesios 2:20

Jumanakax mä jach'a utar uñtatäpxtawa, uka utasti apostolunakana, profetanakan yatichäwipxar utachatawa, pachpa Jesucristorakiw utar thurxäsir jach'a qalaxa.

Efesios 2:22

Jumanakasti Cristonkasaw mayachatäpxtaxa, taqinimpis mayachasisa mä utar tukuñataki, uka utan Diosax Qullan Ajayup tuqi jaki.

Efesios 3:17

Cristox chuymanakaman iyawsañ tuqi jakpan, munasiñasti jakäwinakaman saphipäpan, utt'äwiparakïpan.

Deuteronomio 5:7

“ ‘Janiw nayat sipan yaqha diosanakanïyätati.

1 Timoteo 3:15

ukat aka arunak qillqansma, kunjämsa maynix jakkir Diosan iglesiap taypin sarnaqañapa uka tuqita, uka iglesiaw chiqa kankañar thurxäsi, katxäsiraki.

2 Timoteo 1:14

Jiwasanakan jakki uka Qullan Ajayun yanapapampix, kuntix Diosax katuyktam uk imapunim.

Hebreos 3:6

Ukampis Cristox Yuqjamax Diosan utapan phuqhäna, uka utasti jiwasanakätanwa, tukuykamatix jupar iyawsañäni, kusisiñampi katuqañatak suyt'añän ukapacha.

Hebreos 8:10

Kuna arust'äwtix khaya urun Israelampi lurkä ukax akhamäniwa, siw Tatituxa: Nayan kamachinakaxsti amuyuparuw uskü, chuymaparuw qillqantarakï. Nayax jupanakan Diosapäyäwa, jupanakasti nayan markaxäniwa.

Santiago 4:5

Ukatpï Qillqatax sixa: “Diosax kuna ajaytix jiwasar uchkistu uk walpun munasi” sasa.

1 Pedro 2:5

Ukatpï Diosax jakkir qalanak tukuyapxätamxa, uka qalanakampix ajay templo sayt'ayani, jumanakarux qullana sacerdotenak tukuyani, Jesucristo tuqi ajayun suma luqtäwinakam Tatitur churañataki.

1 Juan 4:12

Diosarux janipuniw khitis uñjkiti, ukampis jiwasatix maynit maynikam munasiñäni ukkhaxa, Diosax jiwasan jaki, munasiñapasti jiwasan uñstaraki.

1 Juan 4:15

Khititix “Jesusax Diosan Wawapawa” sas arski ukax Diosan jaki, Diosasti jupan jakaraki.

Apocalipsis 2:1

“Éfeso iglesiankir angelar qillqasin apayam: ‘Kupi amparapar paqallqu warawar apt'atäki, paqallqu quri candeleronak taypin sarnaqki ukax akham siwa:

Apocalipsis 21:3

Ukatsti jach'a aru ist'arakta qhapaq qunuñat art'asiniri: “¡Akaxay, Diosax jichhax jaqinak taypin jaki! Jupanakampiw jakani, jupanakasti markapäniwa, Dios kipkarakiw jupanakampïni, jupanakan Diosaparakïniwa.

Apocalipsis 21:7

Jan walinakar atipjiristi taqi akanak katuqani; nayasti jupan Diosapäyäwa, jupasti nayan wawaxäniwa.