2 Corintios 6:11 - Qullan Arunaka DC

¹¹ Corintonkir jilatanaka, chuymanakaxan jan kunsa imt'asaw taqi kunsa qhana arumpi jumanakar parlapxsma.

Aymar Bibliia 1986

¹¹ Corintonquir jilatanaca, chuymanacajjanjja jan cuns imt'asaw take cunsa khan jumanacar parlapjjsma.

Qullan Arunaca

¹¹ Corintonquir jilatanaca, chuymanacajjanjja jan cuns imt'asaw take cunsa khan jumanacar parlapjjsma.

2 Corintios 6:11 Jak'a apnaqawi uñst'ayäwi

Job 32:20

Chuymaxat mistuñapatakiw arsü; amuyumar arusxatañatakiw lakax jist'arä.

Salmos 119:32

Arsutanakam phuqhañatakix jank'akïtwa, chuymaxarux kusisiñampiw phuqt'ista.

Salmos 51:15

15 (17) Tatay, lakaxay jist'arita, lakaxampisti jumar jach'añchasaw q'uchü.

Isaías 60:5

Quta tuqinkir markanakan qamir yänakap apanirapipxätam, markanakan qamir yänakap katuyapxarakïtam, jumasti, ukanak uñjasax walpun kusisïta, chuymamas kusisiñan phuqt'atäniwa.

Ezequiel 33:22

Uka jaltanir jaqina janïr purinkipan nayräx arumasti, Tatituw nayxar amparap luqxatasin amutu tukuyitu; qhipärmanthi willjtasti, kunapachatix uka jaqix purinkän ukkhasti, Tatitux wasitat parlayxitu.

Habacuc 2:5

Jach'a jach'a tukur jaqinakax ch'amanïñ munapxi; jan samart'asaw thaqapxi, ch'amanïñax jan walirus puriykchi ukasa, juk'amp munasipkakiwa. Amay imantañatak allsutaxa ukham lakap jist'arapxi, jiwar uñtataw jan sist'asipkiti, ukat markat marka katuntañatak sarapxi.

Hechos 18:1

Uka qhipatsti Pablox Atenas markat mistusin Corinto markaruw saräna.

Hechos 18:8

Sinagogankir Crispo jilïrix utapankirinakamp taqpachaniw Tatitur iyawsxäna. Corintonkir jaqinakatsti waljanirakiw Tatitun arunakap ist'asin iyawsapxäna, bautismo katuqapxarakïna.

2 Corintios 12:15

Nayax taqi chuymaw qawqhatix utjkitu ukamp sarnaqaskä, naya pachpas jumanakan askimatakiw katuyasï. Nayax jumanakar walpun munasipxsma, ¿kunatarak jumanakasti juk'ak munasipxistasti?

2 Corintios 2:4

ukampis kunapachatix uka qillqat apayanipksma ukkhax wali llakt'ata, mayjt'ataw jikxatasïyäta, llakisiñatsa jacharakïyätwa. Ukampis janiw llakisipxañamatak apayanipksmati, jan ukasti, kunja jach'äkitix munasiñaxax jumanakatak uk yatipxañamatakiwa.

Gálatas 3:1

¡Galacia markankir pisi amuyt'an jaqinaka! ¿Khitirak jumanakar sallqjapxtamsti? Jumanakar yatiyapksma ukapachax, naya pachpaw jumanakar sum qhanañchapxsma, kunjämättix Jesucristox cruzan ch'akkatat jiwkän uka.

Gálatas 4:12

Jilatanaka, nayat yatiqasipxañamatakiw achikt'apxsma, nayax jumanakjamaw tukuwayta. Janiw nayarux kuna jan walsa jumanakax lurapkistati,

Efesios 6:19

Nayatakis Diosat mayipxarakim, kuna arsuñaxatix wakiski uk Diosax nayar churañapataki, ukhamat Diosan imantat amtäwip ch'amampi parlañaxataki, ukasti Diosan suma yatiyäwi arunakapawa.

Efesios 6:8

Ukampis yatipxañamawa, uywatäpasa, jan uywatäpasa, sapa mayniw suma luratanakapatjam Tatitut katuqani.

Filipenses 1:8

Diosakiw yati kunjämtix nayax jumanakar Jesucriston munasiñapampi munasipksma uka.

Filipenses 4:15

Filipos iglesiankirinaka, jumanakax sum yatipxtaxa; qhispiyasiñ arunak yatiyañ qallta urunakana, Macedonia markat nayax sarxta ukapachasti, janiw kawkïr iglesiatsa yanap katuqkti, jumanakakiw yanapt'a apayanipxista.

Apocalipsis 22:12

“Nayax jank'akiw jutaskta. Sapa maynitakirakiw churäwi apasinkta luratanakaparjam churiri.

1 Samuel 2:1

Ukatsti Anax akham Tatiturux q'uchüna: “Tatay, nayasti taqi chuymaw juman kusista, jumax nayar ch'ama churatamata. Jichhakuchaw uñisirinakatakix arsusïxa, jumaw nayarux yanapt'ista uka layku. ¡Wali kusisitätwa!