2 Corintios 5:13 - Qullan Arunaka DC

¹³ Nanakatix luqhir uñtatäpxsta ukaxa, Dios laykuw ukham sarnaqapxta; janitix luqhinakjamäpkstxa, jumanakan askimatakirakiwa.

Aymar Bibliia 1986

¹³ Lokhenacjamäpjjsttejja, ucajj Diosataquiwa. Janitejj lokhenacjamäpcstjja ucasti jumanacataquiraquiwa.

Qullan Arunaca

¹³ Lokhenacjamäpjjsttejja, ucajj Diosataquiwa. Janitejj lokhenacjamäpcstjja ucasti jumanacataquiraquiwa.

2 Corintios 5:13 Jak'a apnaqawi uñst'ayäwi

Jeremías 29:26

Tatituw jumarux Joiadá lanti sacerdotet usktam, ukhamat Tatitun utapan mä jilïrit uñt'atäñamataki. Ukat mä luqhi jaqitix profetäkaspas ukham parlani ukapachasti, jumax katusin cadenanakampi ñach'antasaw carcelar uchantäta.

Marcos 3:21

Uk yatisinsti Jesusan wila masinakapax jupar irpxañatakiw jutapxäna: “Luqhiptxataynawa” sasa.

Romanos 12:3

Diosax munasiñapan iwxa arunak nayar churatap laykuw taqi jumanakar sapxsma, jan maynis jumanak pachpax jilankatam amuyasipxamti, jan ukasti, kunatix wakiski ukhamak amuyasipxam, kuntix Diosax waxt'äwinak iyawsañamp chika churki ukarjama.

2 Corintios 11:1

¡Nayan pisi chuyman jaqjam parlataxat jan mayjt'asipxamti! Llamp'u chuymampiy ist'apxita.

2 Corintios 12:11

Nayax mä luqhir uñtataw tukta, ukampis jumanakaw ukham tukuyapxista. Jumanakaw nayat sum parlapxañamäna, janiw nayax uka jach'achasir apostolunakat sipan aynacht'at uñjaskti, janis kuna jan yäqatjamäktsa ukasa.

2 Corintios 12:6

Nayatix jach'achasiñ muniristxa, ukax janiw kuna luqhi luräwïkaspasa, jan ukasti chiqak arsuskiristxa; ukampis janiw ukham lurkti, ukhamat jan khitis nayat juk'ampi sumätax amuyaskañapataki, kuntix nayat ist'ki ukanakata,

2 Corintios 7:12

Ukhamasti kunapachatix uka qillqat apayanipksma ukkhasti, janiw nayax chuyma usuyir jaqit lup'isa qillqankti, janirakiw chuyma usuchjat jaqit lup'isas qillqankti, jan ukasti, Diosan nayraqatapan nanakat llakisipxatam uñachayañatakiw qillqanipxsma.

Colosenses 1:24

Jichhax jumanak layku t'aqhisisax kusistwa, ukhamat pachpa janchixan kunatix Criston iglesiap layku t'aqhisiñax jan phuqhatäki uk phuqhaskta.

1 Tesalonicenses 1:5

Kunapachatix nanakax Diosan suma yatiyäwi arunakap yatiyapksma ukkhasti, janiw aru tuqikïkänti, jan ukasti Diosan ch'amapa, Qullan Ajayun luräwip tuqiw taqi iyawsañampi uñacht'ayapxsma. Kunjämtix jumanak taypin askinakamatak nanakax sarnaqapkta uk sum yatipxtaxa.

2 Timoteo 2:10

Ukat taqi kunsa t'aqhista Diosan ajllitanakapar munasitax layku, jupanakan qhispiyasipxañapataki, Jesucristo tuqi wiñay jakañ katuqapxañapataki.