2 Corintios 4:14 - Qullan Arunaka DC

¹⁴ Diosan Jesucristo Tatitur jiwatat jaktayatap yatipxtanwa, ukhamarakiw jiwasarux Jesusamp chika jaktayistani, jumanakampi chikarakiw jupan nayraqataparux irpxistani.

Aymar Bibliia 1986

¹⁴ Yatipjjaractwa, Jesucristor jiwatanacat jactayir Diosajj jiwasarojj jactayaraquistaniw Jesusamp chica. Ucatsti jumanacamp chicaraquiw jupan nayrakataparojj irpjjestani.

Qullan Arunaca

¹⁴ Yatipjjaractwa, Jesucristor jiwatanacat jactayir Diosajj jiwasarojj jactayaraquistaniw Jesusamp chica. Ucatsti jumanacamp chicaraquiw jupan nayrakataparojj irpjjestani.

2 Corintios 4:14 Jak'a apnaqawi uñst'ayäwi

Isaías 26:19

Ukampisa juman markamäpxtwa, t'unjat uñjasitäpkta ukasa, wasitat jakatatasipkakïwa. Jumaw jakañampi, kusisiñampi aka jiwat markarux phuqhantäta.

Lucas 21:36

Jumanakax wakicht'atäpxam, Diosat mayisipxapunim, ukhamat taqi ukanak luraskani ukat jaltapxañamataki, ukatsti Jaqin Yuqap nayraqatan uñstapxañamataki.

Hechos 2:24

Ukampis Diosax Jesusar jaktayiwa, jiwañar atipjayasa, jiwasti jupar atipañatak janiw kuna ch'amanïkänsa.

Hechos 2:32

Uka Jesusaruw Diosax jiwatat jaktayi, uksti taqiniw sum uñjapxtan.

Romanos 8:11

Jesusar jaktayki uka Ajayux jumanakan jaki, uka pachpa Cristor jaktayir Ajayux jiwir janchinakamarux machaq jakañ churani, jumanakan jakki uka Diosan Ajayup tuqi.

1 Corintios 6:14

Kunjämtix Diosax Cristo Tatitur jaktaykixa, ukhamarakiw jiwasarux ch'amapampi jaktayistani.

2 Corintios 11:2

Jumanakat llakiskta uka llakisiñax Diosat juti. Nayasti jumanakar mä sapa chachampi jaqichasiñatakiw katuyapxsma, jupasti Cristowa, jupa nayraqatarusti q'uma jan chach uñt'ir mä tawaqurjamaw uñstayapxsma.

Efesios 5:27

ukhamat q'umachat iglesia irpkatañataki, jan q'añucht'ata, jan kuna sip'uni, jan kunan kamacht'ata, ukat sipansti suma qullanaptata, jan kamskayaraki.

Colosenses 1:22

jichhasti Criston jiwatap tuqiw Diosampix sumankthapipxtaxa. Uksti jumanakar jupa nayraqatan qullanar tukuta, jan q'añuni, jan juchan uñstayañatakiw luri.

Colosenses 1:28

Nanakax Cristo Tatitut parlapxta, taqiniruw yatiñ kankañamp iwxt'as yaticht'apxta, ukhamat Tatit Cristjam chiqäpxañamataki.

1 Tesalonicenses 4:14

Kunjämtix jiwasax Jesusan jiwatapa, jiwatanak taypit jaktatap iyawstanxa, uka pachparakiw iyawstan Diosax Jesusampi chik jupar iyawsas jiwapki ukanakar jaktaykan ukxa.

Santiago 5:15

Iyawsañampi Tatitur mayipkät ukkhaxa, usutax k'umaraptaniwa, Tatituw juparux sartayani; juchanïchi ukas pampachatäniwa.

Judas 1:24

Mä sapa Tatitu, jiwasan Qhispiyirisax, jumanakar imañatak ch'amaniwa, ukhamat jan tinkupxañamataki, ukatsti jan juchani, kusisiñan phuqt'ata, jupan nayraqatapan k'ajkir uñstapxañamatakis ch'amanirakiwa. Juparuy churatäpan yupaychañasa, jach'a kankañasa, ch'amasa, jilïr kankañasa, Jesucristo Tatitus layku, nayra pachasa, jichhasa, wiñayan wiñayapataki. Ukhamäpan.