2 Corintios 3:14 - Qullan Arunaka DC

¹⁴ Ukampis jupanakax janiw uk amuyt'añ munapkänti, jichhas kunapachatix nayra arust'äwi qillqat ullart'apki ukkhax, janiw amuyt'apkiti. Jupanakan amuyunakapax mä velompis imt'atäkaspa ukhamawa. Cristokiw jupanakar amuyt'añ yanapt'aspa.

Aymar Bibliia 1986

¹⁴ Ucampis jupanacajj janiw amuyapcänti. Jichhas cunapachatï uca nayra arust'äwi leet'asipqui ucqhajja, janiw amuyapquiti. Uca velosti janiw jupanacat apakatäquiti, Cristoquiw uca veljja apakaspa.

Qullan Arunaca

¹⁴ Ucampis jupanacajj janiw amuyapcänti. Jichhas cunapachatï uca nayra arust'äwi leet'asipqui ucqhajja, janiw amuyapquiti. Uca velosti janiw jupanacat apakatäquiti, Cristoquiw uca veljja apakaspa.

2 Corintios 3:14 Jak'a apnaqawi uñst'ayäwi

Salmos 69:23

23 (24) ¡Juykhu tukupxpan, kayunakapas aliqapun khathatpan!

Isaías 25:7

Uka markan Tatitux taqi markanakan llakisiñanakap apaqxani.

Isaías 44:18

Uka jaqinakax janiw kuns yatipkiti, nayranakapas juykhuwa, janirakiw kuns uñjapkiti, amuyunakapas q'ala ch'amakt'atawa, janiw kuns amuyt'apkiti.

Isaías 56:10

markaxar uñjirinakax juykhur tukutäpxiwa, janiw kunankatsa amuyasipkiti. Taqi jupanakasti jan wajtir anunakjamäpxiwa, ukat jan wajtasiñsa yatipkarakiti; sapürus liwirtasakiw ikirasipki, ikt'añak munasipki.

Isaías 59:10

Mä juykhur uñtatakiw pirqar katt'asis sarnaqtanxa, janis nayranïksna ukhama; chika urunsti arumäkaspas ukham lanktasaw sarnaqtanxa; k'umaräkasinsa, jiwatäksnas ukhamätanwa.

Isaías 6:10

Aka markan amuyupsa q'al pixtuntam, ukhamat jan amuyt'asipxañapataki, jinchunakapsti llupantam, ukhamat jan ist'apxañapataki, nayranakapsa juykhu tukuyam, ukhamat jan uñjapxañapataki, ukhamat nayan ukar jan kuttanisipkañapataki, nayan jupanakar jan qullaskañaxataki” sasa.

Jeremías 5:21

‘Jan amuyt'an t'axmar marka, aka arunak ist'am, nayranïskiwa, ukampis janiw uñjkiti, jinchunïskiwa, ukampis janiw ist'kiti.

Ezequiel 12:2

“Ezequiel, jumax saykatasir marka taypin jaktaxa. Jupanakax nayranïsipkiwa, ukampis janiw uñjapkiti, jinchunïsipkiwa, ukampis janiw ist'apkiti, saykatasir markätap layku.

Mateo 13:11

Jesusasti jupanakarux sänwa: “Diosax jumanakar kunanakatix alaxpachan imantatäki ukanak yatiyapxtam, jupanakarusti janiw yatiyatäkiti.

Mateo 16:17

Jesusasti juparux sarakïnwa: —Simón, Jonasan yuqapa, kusisiñanïtawa, uksti janiw khitis jumarux yatiyktamti, jan ukasti, alaxpachankir Awkixaw yatiytamxa.

Mateo 6:23

ukampis nayramatix jan walïkchixa, taqi janchimax ch'amakankaniwa. Juman utjki uka qhanatix ch'amakar tukuni ukaxa, ¡kunja laxa ch'amakänisa!

Juan 12:40

“Diosax jupanakarux juykhu tukuyi jupanakan jan uñjapxañapataki, chuymanakap qalarayi jupanakan jan amuyt'apxañapataki; jupanakan nayar jan kuttanipxañapataki, jupanakar jan k'umarachañaxataki.”

Juan 12:46

Nayax qhanätwa, ukat akapachar qhantir jutta. Khititix nayar iyawskitani ukax janiw ch'amakan sarnaqkaniti.

Juan 8:12

Jesusax wasitampiw jaqinakar parläna: —Nayätwa akapach qhanaxa; khititix nayar arkitani ukax jakañ qhananïniwa, janirakiw mayampis ch'amakan sarnaqkxaniti —sasa.

Hechos 13:15

Kamachi qillqatampi, profetanakan qillqatapamp ullart'at qhipatsti, sinagogan jilïrinakapax Pablompiru, mayninakampiruw jawsayapxäna akham sasa: —Israelit jilatanaka, jumanakantix kuna iwxt'añanakas utjapxstam ukax, arsusipkakim —sasa.

Hechos 15:21

Nayratpach Moisesan kamachipat parlirinakax taqi markanakan utji, uksti sinagoganakan sapa sábado urun yatichapxi” sasa.

Hechos 16:14

Uka warminakat maynïrix Lidia satänwa; Tiatira markankiri, jila alani sami morado isinak aljirïnwa, jupax Diosar axsartir warmïnwa. Tatituw juparux chuymap ch'allxtayäna, kuntix Pablox siskäna ukar jaysañapataki.

Hechos 26:18

Jupanakan nayranakap jist'arañamataki, jan juk'amp ch'amak thakhin sarnaqapxañapataki. Jan juk'amp supayan apnaqatäsipkañapataki, jan ukasti Diosar arkapxañapataki; nayar iyawsasin juchanakapat pampachäwi katuqapxañapataki, Diosan ajllit markap taypin churäwi katuqapxañapataki’ sasa.

Romanos 11:25

Jilatanaka, nayax Diosan jamasan imantatäki uk yatipxañam munta, ukhamat jan jumanakax yatiñaninakjam tukusipkañamataki: yaqhip israelitanakax chuymanakap qalarayasipxi, ukasti jan israelitanakäpki ukanakan mantañapkamakiwa.

2 Corintios 3:15

Jichhürkamas kunapachatix Moisesan qillqatanakap ullart'apki ukkhaxa, mä velow jupanakan amuyunakap imt'aski.

2 Corintios 3:6

jupaw machaq arust'äwin luqtiritak yatichapxitu. Uka machaq arust'äwisti janiw mä kamachiru jaysañäkiti, jan ukasti Ajayun luräwiparjam jakañawa. Kamachix jiwañaruw puriyi, ukampis Diosan Ajayupax jakañ churi.

2 Corintios 4:6

Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.

Efesios 4:18

amuyupas ch'amakt'atawa. Jupanakasti janiw Diosat jutki uka jakäwit kusisipkiti, chuymanakap qalarayasipxatap laykusti, janiw kunsa yatipkiti.