2 Corintios 2:9 - Qullan Arunaka DC

⁹ Ukatakiw jumanakar qillqanipxsma, jumanakan chuymam uñt'añataki, ukhamaraki jumanakan jaysasir chuymam yatiñataki.

Aymar Bibliia 1986

⁹ Aca toketjja kellkanipjjäyäsmawa, arcapjjasmati yatichäwinacajjarojj janich, uc yatiñ munasina.

Qullan Arunaca

⁹ Aca toketjja kellkanipjjäyäsmawa, arcapjjasmati yatichäwinacajjarojj janich, uc yatiñ munasina.

2 Corintios 2:9 Jak'a apnaqawi uñst'ayäwi

Éxodo 16:4

Ukat Tatitux Moisesar säna: —Nayax alaxpachat t'ant'a jalluyanï, jaqinakax sapüruw apthapisipxani, qawqhatix uka urutak wakiski ukhamarjama. Ukhamat nayax uñjä arunakaxar jaysirïpxatapsa, jan jaysirïpxatapsa.

2 Corintios 10:6

ukatsti taqi jan jaysasir chuymar mutuyañatakix jank'akïsipktwa, chiqpach jaysañar puriñataki.

2 Corintios 2:3

Ukat ukham qillqanipxsma, janiw nayax jumanakan llakisiyatäñatak sarañ munkäyätti, ukat sipan jumanakax nayar kusisiyapxañamawa. Nayan kusisiñaxat jumanakax kusisipxañam yatirakïyätwa,

2 Corintios 2:4

ukampis kunapachatix uka qillqat apayanipksma ukkhax wali llakt'ata, mayjt'ataw jikxatasïyäta, llakisiñatsa jacharakïyätwa. Ukampis janiw llakisipxañamatak apayanipksmati, jan ukasti, kunja jach'äkitix munasiñaxax jumanakatak uk yatipxañamatakiwa.

2 Corintios 2:8

Ukat jumanakar achikt'apxsma, jichhax wasitat jupar munapxatam uñacht'ayapxam.

2 Corintios 8:2

Jupanakax yant'anakan jikxatasipkchïn ukasa, wali kusisitäpxiwa; jan kunanïpkchi ukasa, qamirinakäkaspas ukham taqi chuymaw waxt'äwinakap churapxi.

2 Corintios 8:24

Iglesianakan yatipxañapatakisti, jumanakax jupanakar chiqpachapun munapxatam uñacht'ayapxam, ukhamarak nanakan jumanakat kusisitanakaxatsa.

Deuteronomio 13:3

3 (4) ukapachasti jan jumanakax jupanakar ist'apxamti; Tatit Diosamaw uka tuqit jumanakar yant'añ munasipktam, jumanakax taqpach chuymampiti, taqpach jakañamampit jupar munapxta uk yatiñataki.

Deuteronomio 8:16

Ukatsti wasaran maná sat manq'a manq'ayapxtam, janiw nayra awkinakamas uka manq'a uñt'apkataynati, ukhamat jumanakar yant'añataki, llamp'u chuymanïñ yatiqapxañamataki, ukasti jumanakan askimatakirakïnwa.

Deuteronomio 8:2

Tatit Diosamax wasaranjam pusi tunka mara sarnaqayasa irpanipktam taqi uka thakhit amtasipxam, jumanakar t'aqhisiyañataki, yant'añataki, amtäwinakam uñt'añataki, kamachi arunakap phuqhirjamäpxtati janicha uk yatiñataki.

Filipenses 2:12

Munat jilatanaka, jumanakampïkäyät ukkhax nayarux jaysapxapunistawa, jichhasti jumanakat jayankatax laykux juk'ampiy jaysapxita. Axsartañampi, khathatiñampiy qhispiyasiñamatak ch'amachasipxam;

Filipenses 2:22

Ukampis jumanakax Timoteon askin sarnaqatap sum yatipxtaxa, ukatsti wawaxäkaspas ukham Tatitun arunakap parlañ yanapkitu uksa yatipxaraktawa.

2 Tesalonicenses 3:14

Maynitix aka qillqatan sapksma ukar jan yäqkchixa, jupar sum uñt'apxam, janirak jupampix chikachasipxamti, ukhamat jupa pachpa p'inqasiñapataki.

Filemón 1:21

Juman jaysasir chuymanïtam yatisaw qillqansma, yatiraktwa, kuntix mayksma ukatxa, juk'amp lurätaxa.