2 Corintios 13:7 - Qullan Arunaka DC

⁷ Diosat mayipxarakta, jumanakan jan kuna ñanqhsa lurasipkañamataki; ukasti janiw nanakan sumat uñt'ayasiñ laykükiti, jan ukasti jumanakan aski lurapxañamatakiwa, nanakar aynacht'atjam amuyapkitasma ukasa.

Aymar Bibliia 1986

⁷ Diosatjj mayipjjaractwa jan jumanacan cuna jan walinacsa lurapjjañamataqui janiw nanacan asqui tucupjjañajjataquiti jan ucasti jumanacan asqui lurapjjañamataquiwa, janis nanacajj suma aytatäpcä ucasa.

Qullan Arunaca

⁷ Diosatjj mayipjjaractwa jan jumanacan cuna jan walinacsa lurapjjañamataqui janiw nanacan asqui tucupjjañajjataquiti jan ucasti jumanacan asqui lurapjjañamataquiwa, janis nanacajj suma aytatäpcä ucasa.

2 Corintios 13:7 Jak'a apnaqawi uñst'ayäwi

1 Crónicas 4:10

Jabés chachax Israel markan Diosaparuw mayisïna akham sasa: “Khuyapt'ayasita, mä jach'a uraq churita, nayan jan t'aqhisiñaxatak yanapt'ita, qhispiyarakita” sasa. Diosasti mayitaparux ist'änwa.

Mateo 6:13

Janirak yant'äwir puriyapxistati, jan ukasti ñanqhat qhispiyapxita’; [jumankiw jaqinakar apnaqañaxa, ch'amanïñasa, jach'achatäñasa wiñayan wiñayapataki. Ukhamäpan.]

Juan 17:15

Janiw akapachat jupanakar apsuñamatak mayksmati, jan ukasti Supayat imañamatakiw maysma.

Romanos 1:28

Diosar jan uñt'añ munapxatap laykuxa, jupax jan wali amtäwinakaparuw jaytanuku, kunatix jan lurañäki uk lurapxañapataki.

Romanos 12:17

Janiy khitirus ñanqhat ñanqha kutt'ayapxamti; jaqinak nayraqatansti aski lurañatak ch'amachasipxam.

Romanos 13:13

Qhana urunjam jaqjam sarnaqapxañäni. Jach'a manq'äwinakansa, machañanakansa jan sarnaqañäniti, janirak wachuq juch lurañanakansa, jan wali lurañanakansa, ch'axwañanakansa, uñisiñanakansa sarnaqapxañäniti.

Romanos 16:10

Apeles jilatar aruntapxam, jupasti walja kutiw Cristor iyawsatap uñacht'ayi, uka kipkarak Aristóbulo jilatan wila masiparus aruntapxam.

1 Corintios 11:19

¡Jumanak taypin t'aqanuqtañanak utjañapax wakisiwa, ukhamat yatiñataki khitis chiqpach Cristor arkirix uka!

2 Corintios 10:10

Yaqhipax nayan qillqatanakaxax wali ch'aman qhuru arumpi qillqataw sapxiwa, ukampis jupampi parlañax arsutapas jan yäqañjamakiwa, sasa.

2 Corintios 10:18

Khititix jupapachpat jach'achaski ukax, janiw aski jaqit uñt'atäkiti, jan ukasti khitirutix Tatitux jach'achki ukaw aski jaqit uñt'ataxa.

2 Corintios 13:6

Ukampis nayax muntwa, jumanakax nanakan jan aynacht'atax yatipxañama.

2 Corintios 13:8

Nanakax janiw kunsa chiqa kankañ aynacht'ayañatakix lurapkiristti, jan ukasti, chiqa kankañan askipatakiw lurapxirista.

2 Corintios 13:9

Ukat nanakax t'ukha kankañankasax kusisipxta, jumanakan ch'amanïpxañamax wakisipuniwa; nanakasti Diosat mayisipkakïwa, jumanakan aski jaqir tukupxañamataki.

2 Corintios 6:4

Ukat sipana, taqi kunan nanakax Diosan irnaqiripäpxatax uñacht'ayapxta, wali llamp'u chuymampiw t'aqhisipxta, pist'ayasiñanakana, jan walt'añanakansa.

2 Corintios 8:21

ukat nanakax sum apnaqañatak ch'amachasipxta, janiw Tatit nayraqatanakti, jan ukasti jaqinak nayraqatanaraki.

Filipenses 4:8

Tukuyañatakisti, jilatanaka, kunatix chiqäki, kunatix maynir aski uñjañäki, kunatix sumäki, kunatix q'umäki, kunatix munkañäki, kunatix aytat luräwinakäki, taqi ukanakatay lup'ipxam. Taqi kunatix sumäki, jach'ar aptañäki ukanakatay lup'ipxam.

1 Tesalonicenses 5:23

Sumankañ churir Diosax jumanakarux qullanar tukuypan, juparak taqpach jakañam impan, ajayumsa, almamsa, janchimsa jan akch'a q'añuni, Jesucristo Tatitusan jutañapkama.

1 Timoteo 2:2

Marka apnaqirinakatak Diosat mayiñamarakiwa, ukkhakiw samarañana, jan llakini, Diosar katuyata, taqinirus suman uñjas jakasiñäni.

2 Timoteo 2:15

Kunäkipansa, Diosan nayraqatapan suma irnaqirjam uñstañatak ch'amachasim, jan kunat p'inqa tukur irnaqir jaqjama, Tatitun chiqa arunakap yatichirjama.

2 Timoteo 4:18

Tatituw taqi jan walinakat imaskitani, alaxpach qhapaq markapar irpasaw qhispiyitani. ¡Jupax wiñayan wiñayapatak jach'añchatäpan! Ukhamäpan.

Santiago 1:12

Yant'ar ch'amampi atipjir jaqix kusisiñaniwa, yant'ar atipjirix jakañ pillu waxt'äwjam katuqani, Diosax jupar munirinakar churañatakiw arsuwayi.

1 Pedro 2:12

Diosar jan uñt'ir jaqinak taypin sum sarnaqapxam. Jichhas jupanakaxa, jumanakat jan wal parlapkchi ukasa, jumanakan aski luratanakam uñjasasti, Diosaruw jach'achapxani kunürutix jupax luräwinak wayt'ir jutkani ukkha.