2 Corintios 13:11 - Qullan Arunaka DC

¹¹ Jilatanaka, kusisitäpxapunim. Jakañanakamansti chiqapapunïpxam. Ch'amañchasipxam, sumankañan jakasipxam; ukatsti munasiñani, samarañ churir Diosax jumanakampïskaniwa.

Aymar Bibliia 1986

¹¹ Jichhajj jilatanaca, cusisitäpjjapunim. Jacañanacamansti chekapapunïpjjam, chuymachasipjjaraquim, sumanaraqui jumanaccamajj jacapjjam. Samarañ churir munasir Diosaw jumanacampïscanejja.

Qullan Arunaca

¹¹ Jichhajj jilatanaca, cusisitäpjjapunim. Jacañanacamansti chekapapunïpjjam, chuymachasipjjaraquim, sumanaraqui jumanaccamajj jacapjjam. Samarañ churir munasir Diosaw jumanacampïscanejja.

2 Corintios 13:11 Jak'a apnaqawi uñst'ayäwi

Génesis 37:4

Jilanakapasti awkipan Josearu sinti munasitapatsti uñisipxänwa, janirakiw aruntapxirïkänsa.

Génesis 45:24

Joseasti jilanakapar khithanukusinxa, sänwa: —Jichhax janiw thakhin jumanakkam ch'axwasipkätati —sasa. Jupanakasti sarxapxänwa.

Mateo 1:23

“Chacha jan uñt'ir mä tawaquw usur jaqiptani, jupasti mä yuqall wawa wawachasini, juparusti Emanuel sutimpiw sutichani.” (ukasti: “Diosax jiwasampiwa” sañ muni).

Mateo 5:48

Jumanakax askïpxam, kunjämatix alaxpachankir Awkimax askïki ukhama.

Marcos 10:49

Jesusasti uk ist'asin pachparuw sayt'äna, ukat sarakïna: —Irptanipxam —sasa. Irptir saririnakasti juykhurux sapxänwa: —Jan axsaramti, sayt'asim, jawsasktamwa —sasa.

Marcos 9:50

Jayux sumawa; jayutix ch'aphaqsuspaxa, ¿kunampirak suma jayu tukuyapxasmasti? Jumanakax suma jayur uñtatäpxam, ukatsti sumankañan jumanak purax jakapxarakim.

Lucas 9:61

Ukat maynix sarakïna: —Tatay, arkañ munsma, ukampis nayraqatax utankirinakat khitharpayasinim sita —sasa.

Juan 17:23

Nayax jupanakampïtwa, jumasti nayampirakïtawa, jupanakan mayar tukutäpxañapataki, ukhamat akapachankirinakax juman nayar khithanitam yatipxañapataki, ukatsti jupanakar wal munasitam yatipxani, kamisatix jumax nayar munaskista ukhama.

Hechos 15:29

Idolonakar luqtat animalanakan aychap jan manq'apxamti; janirak wilsa manq'apxamti, kunkat jaychjat jiwayat uywanaksa jan manq'apxamti, Moisesan kamachipan jark'atäki uka wachuq jucha lurañanak apanukupxam. Uka lurañanaktix apanukupxätaxa, walikisipkätawa. Ukhamasti aruntanipxsmawa” sasa.

Hechos 18:21

Jupanakampi jikist'awayasinsti sänwa: [Jutkani uka uru uruyañatakix Jerusalenankañaxawa.] “Dios munanixa, nayax wasitat jumanakar tumpt'ir jutä” sasa. Ukat Pablox Éfeso markat jilatanakar jaytawayasin barcot sarawayxäna.

Hechos 23:30

Ukatsti judionakan jupar jiwayañ amtapxatap yatiraktwa, ukat juman ukar jichhax jupar irpayansma. Jupar juchañchir judionakarusti juman nayraqataman juchap arsupxpan saraktwa” sasa.

Romanos 12:16

Jumanak taypin mä amtanik jakasipxam. Jan jach'a jach'a tukupxamti, jan ukasti, llamp'u chuymaninakjamäpxam. Janirak wali yatiñanjamas tukupxamti.

Romanos 12:18

Kawkhakamatix wakiski ukkhakamax taqinimpis suman jakasiñatak ch'amachasipxam.

Romanos 14:19

Ukhamasti kunatix sumankañar irpki, maynit maynikam ch'amañchasiñar irpki uk thaqtapxañäni.

Romanos 15:13

Uka suyt'añ churir Diosasti, jupar iyawsapxatam laykux kusisiñampi, sumankañampi jumanakarux phuqhantpan, Qullan Ajayun ch'amapampisti jilarkir suyt'añ jumanakar churpan.

Romanos 15:33

Sumankañan Diosax taqi jumanakampïpan. Ukhamäpan.

Romanos 16:20

sumankayir Diosax jank'akiw supayar atipjasin kayunakamamp takxatayani. Tatit Jesusax jumanakar munasiñap churpan.

1 Corintios 1:10

Jilatanaka, Jesucristo Tatitusan sutipxaruw achikt'apxsma, taqinis mä amtañanikïpxam, jumanak taypin yaqhachasiñanakax jan utjkpati. Mä wawak jakasipxam, mä sapa amtañani, mä sapa amuyuni.

2 Corintios 1:4

Jupaw taqi t'aqhisiñanakasan chuymachistu, ukhamat jiwasanakan t'aqhisirinakar chuymachañasataki, Diosax churkistu uka pachpa chuymachasïwimpi.

2 Corintios 13:9

Ukat nanakax t'ukha kankañankasax kusisipxta, jumanakan ch'amanïpxañamax wakisipuniwa; nanakasti Diosat mayisipkakïwa, jumanakan aski jaqir tukupxañamataki.

Efesios 4:12

Ukham qullan markaparux wakicht'i, luräwin irnaqañapataki, Criston markap jiltayañataki,

Efesios 4:3

Qullan Ajayut jutki uka mayacht'asiñ katxäsipxam, sumankañ tuqiw taqinir mayachapxtam.

Efesios 6:23

Dios Awkisampi, Tatit Jesucristosampix jilatanakar sumankaña, munasiña, iyawsañ churpan;

Filipenses 1:27

Jumanakasti, kunjämtix Jesucriston suma yatiyäwi arunakapax yatichki ukhamarjam sarnaqapxam. Nayasti jumanakar uñjir jutäsa jan ukax janis jutkäxa, jumanakan mä wawar tukt'asak jakasipxañam munta, taqi kunansa mä amtäwir purisa, ukatsti qhispiyasiñ arunak qhanañchañatak wal ch'amachasisa,

Filipenses 3:16

Ukhamasti, kuntix katuqapktan ukarjam jakañasaw wakisi.

Filipenses 4:2

Evodia, Síntique, jupanakarux achikt'araktwa, Tatitunkir kullakanakjamax taqi kunansa mä amtäwiruk puripxpan.

Filipenses 4:4

Tatitunkasax kusisipxapunim. Wasitat sapxsma, ¡Kusisipxam!

Filipenses 4:9

Kuntix yatichapksma ukanakay lurapxam, kuntix nayat ist'apkta, uñjapkarakta ukanakay lurapxam, ukatsti sumankañan Diosax jumanakampïniwa.

1 Tesalonicenses 3:10

Jumanakar uñkatañatakix uruy arumaw Diosat mayipxta, ukhamat kunatix iyawsäwiman jan phuqhatäki ukax phuqhachatäñapataki.

1 Tesalonicenses 4:1

Jichhasti jilatanaka, aksti Tatit Jesusan sutipxaruw achikt'apxsma, iwxt'apxaraksma: nanakat yatiqapkista ukarjamay Diosar kusisiyañatak jakapxam, kamisatix niy jakapkta, ukat juk'amp sum jakapxarakim.

1 Tesalonicenses 4:18

Ukhamasti aka arunakampiy maynit maynikam ch'amañchasipxam.

1 Tesalonicenses 5:13

Jupanakan irnaqatapatsti, munasiñampi sum uñjapxam. Maynit maynikamasti sumankas jakasipxam.

1 Tesalonicenses 5:16

Kusisitäpunïpxam.

1 Tesalonicenses 5:23

Sumankañ churir Diosax jumanakarux qullanar tukuypan, juparak taqpach jakañam impan, ajayumsa, almamsa, janchimsa jan akch'a q'añuni, Jesucristo Tatitusan jutañapkama.

2 Tesalonicenses 2:16

Pachpa Jesucristo Tatitusasa, Dios Awkisasa khuyapayasiñap laykuw munasistu, ukatsti wiñay chuymachäwi, suyt'äwi churarakistu,

2 Tesalonicenses 3:1

Jilatanaka, tukuyañatakix sapxsmawa, nanakatak Diosat mayipxam, ukhamat Tatitun yatiyäwi arunakapan jank'ak taqi chiqanakar puriñapataki, ukatsti kusisiñampi katuqatäñapataki, kunjämtix jumanak taypin katuqapkista ukhama.

2 Tesalonicenses 3:16

Pachpa sumankañan Tatitux jumanakar sumankañ churpan, taqi pachana, kunayman tuqita. Tatitux taqi jumanakampïpan.

2 Timoteo 2:22

Waynanakan jan wali amtäwinakapat jithiqtam, ukatsti aski kankaña, iyawsaña, munasiña, sumankañ thaqham, khitinakatix Tatitur q'uma chuymamp mayipki ukanakamp chika.

Hebreos 12:14

Taqinimpis sumankañan jakasipxam, q'uma jakañan sarnaqasa; jan ukampisti janiw khitis Tatiturux uñjkaspati.

Hebreos 13:20

Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,

Santiago 1:4

Ukampis uka ch'amañchäwix aski lurañaru, phuqhat jiltañar puriypan, ukat jan kunas pist'añapataki.

1 Pedro 3:11

kunatix askïki ukanak lurapxpan, jan wali lurañanak apanukupxpan taqinimpis suman sarnaqasipxpan.

1 Pedro 3:8

Ukhamasti jumanakax jumanakkam munasisa, suman sarnaqas jakapxam. Khuyapayasirïpxam, llamp'u chuymanïpxarakim.

1 Pedro 5:10

Ukampis uka mä juk'a urunakan t'aqhisipxatamatsti, Diosax jumanakarux chiqap tukuyapxätam, ch'amani jan unxtkay sayt'ayapxarakïtam. Uka Dios pachpaw jach'a munasiñapan jawsistu, Jesucristomp wiñayatak chikäñasataki.

Apocalipsis 22:21

Tatit Jesusan munasiñapax jumanakampïpan. Ukhamäpan.