2 Corintios 13:1 - Qullan Arunaka DC

¹ Akampix kimsïr kutiw jumanakar tumpxapxäma. Taqi kunas pani, jan ukax kimsa jilatanakan arsutaparjamaw askichatäni.

Aymar Bibliia 1986

¹ Acajj quimsïri cutiw jumanacar tumpjjapjjämajja. Take cunas chekaparuw uñjatäni pani jan ucajj quimsa jilatanacan arsutaparu.

Qullan Arunaca

¹ Acajj quimsïri cutiw jumanacar tumpjjapjjämajja. Take cunas chekaparuw uñjatäni pani jan ucajj quimsa jilatanacan arsutaparu.

2 Corintios 13:1 Jak'a apnaqawi uñst'ayäwi

1 Reyes 1:14

Jumax reyimpi parlaskäta ukchañkamaw nayax mantanï, ukatsti arunakamxaruw qhanañcharakï —sasa.

1 Reyes 21:10

Ukxarusti pani k'ari irkatir jaqinak jupa nayraqatan qunt'ayapxarakim, ukatsti jupar irkatapxpan akham sasa: ‘Nabot chachax Diosampiru, reyimpiruw ñanqhachi’ sasa. Ukatsti anqar irpsusin qalamp k'upjaskam jiwayapxam” sasa.

1 Reyes 21:13

Ukxarusti pani k'ari jaqinakaw purinïna, ukatsti taqi jaqinak nayraqatan Nabot chachar irkatapxäna: “Nabot chachax Diosampiru, reyimpiruw ñanqhachi” sasa. Ukatsti ukspachaw Nabot chacharux markat irpsusin qalampi k'upjaskam jiwayapxäna.

Números 35:30

“Mä jaqi jiwayir jaqix walja uñjirinak qhanañchañatak utjchi ukapachakiw jiwañapatak juchañchat uñjasini. Mayni sapakix janiw askïkiti khitir jiwañapatak juchañchañatakisa.

Mateo 18:16

Janitix ist'kätamxa, maynirusa, jan ukax panirus irpasim, ukhamat kuntix arskäta ukxa paninisa, jan ukax kimsanisa arsusin irkatañapataki.

2 Corintios 12:14

Nayax jumanakar kimsïr kuti tumpañatakiw niy wakichasta, janirakikiw jichhas kunsa mayipkämati, janiw jumanakan utjki uksa thaqkti, jan ukasti jumanak pachparuw thaqhapxsma; janiw wawanakat awkitak qullqi jikxatañapäki, jan ukasti awkiw wawanakapatak qullqi jikxatañapa.

Deuteronomio 17:6

“Jiwayatäñataki juchañchäwisti kunapachatix pani, jan ukax kimsanisa qhanañchapxani ukapachakiw juchañchäwix utjani, ukampis janiw mayni sapan qhanañchatapampikix khitis jiwayatäñatak juchañchatäkaspati.

Deuteronomio 19:15

“Mä taripäwinxa, jaqi jiwayatapat khitir juchañchañatakisa, pani, jan ukax kimsa irkatirin arsutapaw askïni. Janiw mä sapa irkatirin arsutapax juchañchañatak askïkaniti.