2 Corintios 12:15 - Qullan Arunaka DC

¹⁵ Nayax taqi chuymaw qawqhatix utjkitu ukamp sarnaqaskä, naya pachpas jumanakan askimatakiw katuyasï. Nayax jumanakar walpun munasipxsma, ¿kunatarak jumanakasti juk'ak munasipxistasti?

Aymar Bibliia 1986

¹⁵ Nayasti take chuymaw nayan kollkejjat take cuns alasiscäjja, naya pachpasa uqhamaraquiw merk'susiscäjja jumanacan almanacaman asquip laycu. Amuyatajjatjja, nayajj jumanacar juc'ampi munapcsma ucqhajja, jumanacajj nayarojj juc'ampiw uñisipjjaraquistajja.

Qullan Arunaca

¹⁵ Nayasti take chuymaw nayan kollkejjat take cuns alasiscäjja, naya pachpasa uqhamaraquiw merk'susiscäjja jumanacan almanacaman asquip laycu. Amuyatajjatjja, nayajj jumanacar juc'ampi munapcsma ucqhajja, jumanacajj nayarojj juc'ampiw uñisipjjaraquistajja.

2 Corintios 12:15 Jak'a apnaqawi uñst'ayäwi

2 Samuel 13:39

chuymachasxän ukapachasti, walpun Absalón wawaparux uñjañ munäna.

2 Samuel 18:33

33 (1) Uk ist'asasti, reyix chuymap ch'allxtayasïna; ukat punku patankkän uka utar makhatasin walpun jachäna, sarakïnwa: “¡Ay, Absalón, wawaxay! ¡Wawaxay, Absalón wawaxay! ¡Nayakis juma lanti jiwiriskäyäta! ¡Wawaxay, Absalón wawaxay!” sasa.

Romanos 9:3

naya pachpaw ñanqhachat uñjasiñ munirista, Cristot jayarst'ata, ukhamat marka masinakaxarux yanapt'irista.

2 Corintios 1:14

niyaw nanakat mä juk'a amuyapxtaxa, kunapachatix Tatitux jutkan ukkhaxa, jumanakax nanakat wal kusisipxäta, nanakas uka kipkarakiw jumanakat kusisipxä.

2 Corintios 1:6

Nanakan t'aqhisiñaxax chuymachasiñampi, qhispiyasiñampi jumanakatak utjayi; Diosatix chuymachapxchistuxa, jumanakan chuymachasiñax utjañaparakiwa, jumanakan nanakjam pachpa t'aqhisiñanak wali ch'amampi t'aqhisipxañamataki.

2 Corintios 11:11

¿Kunatarak ukham parlañaxasti wakisisti? ¿Janich jumanakar munasipksmaxa? ¡Diosaw jumanakar munasitax yati!

2 Corintios 12:14

Nayax jumanakar kimsïr kuti tumpañatakiw niy wakichasta, janirakikiw jichhas kunsa mayipkämati, janiw jumanakan utjki uksa thaqkti, jan ukasti jumanak pachparuw thaqhapxsma; janiw wawanakat awkitak qullqi jikxatañapäki, jan ukasti awkiw wawanakapatak qullqi jikxatañapa.

2 Corintios 12:9

ukampis Tatitux situwa: “Munasiñaxampix phuqhatakïtawa; ch'amaxax t'ukhasiñan qhanpach uñsti” sasa. Ukhamasti t'ukhasiñaxat jach'añchastwa, ukhamat Criston ch'amapax nayan uñstañapataki.

2 Corintios 2:3

Ukat ukham qillqanipxsma, janiw nayax jumanakan llakisiyatäñatak sarañ munkäyätti, ukat sipan jumanakax nayar kusisiyapxañamawa. Nayan kusisiñaxat jumanakax kusisipxañam yatirakïyätwa,

2 Corintios 4:12

Ukhamat jiwañax nanakampïñapataki, jakañasti jumanakampïñapatakiraki.

2 Corintios 7:2

¡Chuymanakamaruy uskt'asipxita! Janiw khitirus jan chiqapar uñjapkti; janirakiw khitirus kuna jan walsa lurapkti; khitirus inaki irnaqayasipkti.

2 Corintios 7:3

Aksti janiw jumanakar jisk'achañatak sapksmati, niy sapxsmawa: jakañatakisa, jiwañatakis jumanakax nanakan chuymaxankapxtawa.

Gálatas 4:10

Jumanakax yäqasipkaktawa: yaqhip urunaka, phaxsinaka, pachanaka, maranaka.

Filipenses 2:17

Jumanakax Diosar iyawsasaw jupar arkapxtaxa, ukasti juparu luqtäwi katuyatäkaspas ukhamawa. Inas nayarux jiwayapxchitani, jiwataxasti Diosatakix mä luqtäniwa, ukhamäspa ukasti, nayax wali kusisitäyäwa, jumanakampi chikarakiw kusisirakï.

Colosenses 1:24

Jichhax jumanak layku t'aqhisisax kusistwa, ukhamat pachpa janchixan kunatix Criston iglesiap layku t'aqhisiñax jan phuqhatäki uk phuqhaskta.

1 Tesalonicenses 2:8

ukhamarak jumanakarux munasipxsma, janiw Diosan suma yatiyäwi arunakapakti churapkiriskäyäsma, jan ukasti nanakan pachpa jakañanakaxsa churapxarakiriskäyätwa. ¡Sintipuniw jumanakar munasipxsma!

2 Timoteo 2:10

Ukat taqi kunsa t'aqhista Diosan ajllitanakapar munasitax layku, jupanakan qhispiyasipxañapataki, Jesucristo tuqi wiñay jakañ katuqapxañapataki.

Hebreos 13:17

Irpirinakamar jaysapxam, jupanakarux ist'apxarakim, jupanakax jan inakt'asaw jumanakar uñjapxtam, Diosax taqi luräwinakamat jupanakar maykani uk yatisina. Kunatix jupar kusisiyki uk lurañatak ch'amachasipxam, jan ukhamäkani ukasti jumanakatakix janiw askïkaniti.