2 Corintios 12:14 - Qullan Arunaka DC

¹⁴ Nayax jumanakar kimsïr kuti tumpañatakiw niy wakichasta, janirakikiw jichhas kunsa mayipkämati, janiw jumanakan utjki uksa thaqkti, jan ukasti jumanak pachparuw thaqhapxsma; janiw wawanakat awkitak qullqi jikxatañapäki, jan ukasti awkiw wawanakapatak qullqi jikxatañapa.

Aymar Bibliia 1986

¹⁴ Jichhajj waquichasisctwa jumanacar quimsïr cuti jutañataqui. Janiraquiquiw jichhas cuns mayipcämati, janiraquiw jumanacan utjirinacams thakcti jan ucasti jumanac pachparuw thakapjjsmajja. Wawanacapatakejj awquiw kollkjja imañapajja, janiw wawati awquitaquejja.

Qullan Arunaca

¹⁴ Jichhajj waquichasisctwa jumanacar quimsïr cuti jutañataqui. Janiraquiquiw jichhas cuns mayipcämati, janiraquiw jumanacan utjirinacams thakcti jan ucasti jumanac pachparuw thakapjjsmajja. Wawanacapatakejj awquiw kollkjja imañapajja, janiw wawati awquitaquejja.

2 Corintios 12:14 Jak'a apnaqawi uñst'ayäwi

Proverbios 11:30

Chiqa kankañax jakañ churi, ñanqha lurañasti jakañ apaqi.

Proverbios 13:22

Aski lurir jaqix allchhinakaparuw yänakap jaytawayi; jucharar jaqin yänakapasti, aski jaqinakatakiw qhiparxani.

Proverbios 19:14

Utampi, yänakampix, awkimpita, taykampit katuqasi, ch'ikhi warmisti Tatitun churäwipawa.

Ezequiel 34:2

“Jumasti Ezequiel, Israel markan jan wali awatirinakapatak nayan sutixampi aka arunak parlam, jupanakarusti sarakim: ‘¡Ay kunakïkani Israel markar awatirinakatakixa, jupanakpachakiw sum uñjasipxi! Uka awatirinakax oveja tamanak awatipxañapawa.

Hechos 20:33

Janiw nayax khitin qullqipsa, khitin isipsa munapayawaykti.

1 Corintios 10:24

Janiw khitis jupa pachpan askipatakik kunsa thaqhañapäkiti, jan ukasti, mayninakan askipatakiw thaqhañapa.

1 Corintios 10:33

Nayasti, taqi kunan taqinir kusisiyañatakiw ch'amachasta, janiw nayan askïñaxak thaqkti, jan ukasti mayninakan askïñap thaqta, ukhamat qhispiyasiñ jikxatapxañapataki.

1 Corintios 11:34

Maynitix manq'at awtjatächixa, utapan manq'anpan, ukhamat Diosax ukham tantachasitanakamat jan mutuyapkätamti. Yaqha jiskt'anakamarusti, jumanakan ukar purinkä ukkhaw qhanañchapxäma.

1 Corintios 16:5

Nayax jutkä ukapachasti, Macedonia chiqa sarañaxawa; uka qhipat Corinto markarux purinï.

1 Corintios 4:19

ukampisa, Tatitun munañapächi ukaxa, jank'akiw jumanakar tumpt'ir jutä. Ukkhapï uñjäxa kuntix uka jach'a jach'a tukur jaqinakax lurapkani ukxa, janiw parlapki ukakxa.

1 Corintios 9:12

Mayninakatix jumanakat ukham katuqchixa, nanakatakix ukat juk'ampi katuqañaw wakisi. Ukampis janiw nanakax taqi ukat arsusipkti, Diosan suma yatiyäwi arunakap qhanañchañ jan jark'atäñap laykux amukiw mutupxta.

1 Corintios 9:18

Ukhamïpansti, nayar kusisiyir waxt'äwix Diosan suma yatiyäwip jan kun mayis qhanañchañawa; ukampix sañ munta, Diosan suma yatiyäwi arup qhanañchatat janiw kunsa katuqañatak maykti.

1 Corintios 9:19

Nayax jan khitin uywatapäkasas taqinin uywataparuw tukta, Cristotak walja jaqinakar jikxatañ layku.

2 Corintios 1:15

Ukham amuyasaw nayax jumanakar nayraqat tumpt'ir jutañ munäyäta, ukhamat pä kuti jumanakar tumpt'añataki;

2 Corintios 11:9

Jumanak taypinkkasasti pist'añan jikxatasta, ukampis janiw khitirus maykti; Macedoniat jutir jilatanakaw kunatix jan utjkitän uk churapxitu. Janiw nayat llakisipxañam munkäyätti, akat qhiparus janipuniw mayipkämati.

2 Corintios 12:13

Jumanakarux janiw yaqha iglesianakat juk'äpkasmas ukham lurapksmati, jan ukasti, jakañaxatak jumanakat jan kun mayitaxakiw utji. Ukham jan kun mayitaxat khuyapt'ayasipxita.

Gálatas 4:19

Wawanakaxay, wasitampiw t'aqhisiñan jikxatasta, kamisatix mä taykax wawachasiñatak t'aqhiski ukhama, Criston jumanak taypin sayt'añapkamasti t'aqhisiskakïwa.

Filipenses 4:1

Munat jilatanaka, jumanakampix walipuniw jikisiñ munta; nayan munatanakaxa, jumanakakïpxtaw nayan kusisiñaxaxa, ukhamarak nayan waxt'asïwi katuqañaxasa, ch'amanipun Tatitumpix sarantapxam.

Filipenses 4:17

Uksti, janiw nayan jumanakat katuqañak layku siskti, jan ukasti Diosat jilarkir waxt'äwinak katuqapxañam munta.

1 Tesalonicenses 2:11

Sapa mayni jumanakar ch'amañchatanakaxsa, chuymachatanakaxsa yatipxaraktawa, kunjämtix mä awkix wawanakapampi lurki ukhama. Diosankirinakjam sarnaqapxañamatakiw iwxt'apxsma, jupaw qhapaq markapankañamatakix jawsapxtam.

1 Tesalonicenses 2:8

ukhamarak jumanakarux munasipxsma, janiw Diosan suma yatiyäwi arunakapakti churapkiriskäyäsma, jan ukasti nanakan pachpa jakañanakaxsa churapxarakiriskäyätwa. ¡Sintipuniw jumanakar munasipxsma!