2 Corintios 11:6 - Qullan Arunaka DC

⁶ Parlataxax jan sumäkchi ukasa, yatiñanak tuqin janiw ukhamäkti; aksti jumanakarux taqi luräwinakaxan uñacht'ayapxsma.

Aymar Bibliia 1986

⁶ Parlatajjajj inas jan sumäcchiti ucampis yatitanacajjajj janiw uqhamäquiti. Acsti jumanacarojj uñacht'ayapjjsmawa, take cuntejj lurapcta ucanacana.

Qullan Arunaca

⁶ Parlatajjajj inas jan sumäcchiti ucampis yatitanacajjajj janiw uqhamäquiti. Acsti jumanacarojj uñacht'ayapjjsmawa, take cuntejj lurapcta ucanacana.

2 Corintios 11:6 Jak'a apnaqawi uñst'ayäwi

1 Corintios 1:17

Cristox janiw bautisir khithankituti, jan ukasti Diosan suma yatiyäwi arunakap yatiyiriw khithanitu, janiw yatiñ kankañampi arsut arunakampïkiti, ukhamat Criston cruzan jiwatapax jan ina ch'usar tukuskañapataki.

1 Corintios 1:21

Diosax yatiñ kankañap uñachaykäna ukapachaxa, janiw akapachankirinakax jaqin yatiñ kankañap tuqi Diosar uñt'apkänti, ukat Diosax munasiñapan jupar iyawsirinakarux yatiyäwip tuqi qhispiyañ amtäna, uka yatiyäwix luqhi kankañar uñtatäpasaya.

1 Corintios 12:8

Yaqhipanakarux Qullan Ajay tuqiw yatiñ kankañampi arsuñapatak churi; yaqhipanakarusti uka pachpa Ajay tuqiw taqi kun yatiñampi arsuñ churi.

1 Corintios 2:13

Taqi akanakatsti Diosan Ajayupax yatichapkitu uka arunakampiw parlapxta, janiw yatiñanakarjam yatiqapkta uka arunakarjam parlapkti. Ukhamat Dios chuyma jaqinakar ajay yatichäwinakat qhanañchasa.

2 Corintios 10:10

Yaqhipax nayan qillqatanakaxax wali ch'aman qhuru arumpi qillqataw sapxiwa, ukampis jupampi parlañax arsutapas jan yäqañjamakiwa, sasa.

2 Corintios 12:12

Jumanakaw uñjapxista, llamp'u chuymampi t'aqhisiñanak mututaxampi, ukhamarak uñacht'äwinakampi, muspharkañ luräwinak lurataxampix nayan chiqpach apostolütax uñacht'ayi.

2 Corintios 4:2

Janiw kunatsa p'inqasipkti, janirakiw kunsa jamasanakan lurapkti; janiw jan wali amtañanakampi sarnaqapkti, janirakiw Diosan arunakapsa maysar q'iwipkti. Jan ukasti, kunatix chiqäki ukak arsupxta, ukhamat taqinimpis Diosan nayraqatapan askit uñt'ayasipxta.

2 Corintios 5:11

Ukalayku, Tatitur axsartañ wakisitap yatisaxa, jaqinakar amuyt'ayañatakiw ch'amachasipxta. Diosax nanakar sum uñt'apxitu, ukhamarakiw jumanakan nanakar sum uñt'apxañam munta.

2 Corintios 6:6

Taqi ukanaksti q'uma jakäwinakaxampi, kunatix chiqäki uk uñt'atanakaxampiw uñacht'ayapxta, ukhamarak llamp'u chuymanïpxataxampi, khuyapayasirïtanakaxampi, chiqa kankañ uñt'atanakaxampi, Qullan Ajayux nanakampïtap layku, chiqpach munasiñanïpxatax layku,

2 Corintios 7:2

¡Chuymanakamaruy uskt'asipxita! Janiw khitirus jan chiqapar uñjapkti; janirakiw khitirus kuna jan walsa lurapkti; khitirus inaki irnaqayasipkti.

Efesios 3:4

Uka qillqat ullart'asax amuyapxasmawa, kunjämtix Diosax Cristo tuqi uka imantat amtäwip phuqki uk nayan amuyt'ataxa.