2 Corintios 11:4 - Qullan Arunaka DC

⁴ Jumanakax wali sum katuqapxtaxa khitinakatix yaqha Jesusxat parlasis purinipki ukanakaruxa, kawkïr Jesusattix nanakax parlapksma ukat sipana. Ukhamarakiw yaqha ajaysa sum katuqapxtaxa kuntix nanakat katuqapkäyätas uka Ajayut sipansa, ukatsti yaqha arunak sum katuqapxaraktaxa qhispiyasiñ arunak churapksmas ukat sipan juk'ampi.

Aymar Bibliia 1986

⁴ Jumanacajj wali sum catokapjjtajja qhitinacatejj yakha Jesusjjat parlasis purisipqui ucanacarojja, cawquïr Jesusattï nanacajj parlapcsman ucat sipansa. Uqhamaraquiw yakha ajaysa sum catokapjjtajja cuntï nanacat catokapcäyätas uca Ajayut sipansa, yakha arunacsti sum catokapjjaractajja khespiyasiñ arunac churapcsmas ucat sipansa juc'ampi.

Qullan Arunaca

⁴ Jumanacajj wali sum catokapjjtajja qhitinacatejj yakha Jesusjjat parlasis purisipqui ucanacarojja, cawquïr Jesusattï nanacajj parlapcsman ucat sipansa. Uqhamaraquiw yakha ajaysa sum catokapjjtajja cuntï nanacat catokapcäyätas uca Ajayut sipansa, yakha arunacsti sum catokapjjaractajja khespiyasiñ arunac churapcsmas ucat sipansa juc'ampi.

2 Corintios 11:4 Jak'a apnaqawi uñst'ayäwi

Marcos 7:9

Jesusasti saskakïnwa: —Sarnaqäwinakamar phuqhañatakix Diosan kamachip mä tuqiruw apanukupxtaxa.

Hechos 4:12

Janiw khiti tuqis qhispiyasiñax utjkiti, janirakiw akapachan Diosan churat yaqha sutix utjkiti, jupa tuqi qhispiyasiñasataki —sasa.

Romanos 8:15

Jumanakax janiw t'aqhisiyat tukuyir ajayu katuqapktati axsarat sarnaqaskañataki, jan ukasti, Diosan wawanakapar tukuyir Ajayu katuqapxtaxa, uka Ajay tuqiw Diosarux jak'achastan: “Nayan Awkixa” sasa.

1 Corintios 3:11

janiw khitis uta qallta uchatarux yaqha qalltxa uchkaspati, nayrïr uta qallta uchatäki ukax Jesucristowa.

2 Corintios 11:1

¡Nayan pisi chuyman jaqjam parlataxat jan mayjt'asipxamti! Llamp'u chuymampiy ist'apxita.

2 Corintios 2:12

Kunapachatix Tróade markar Criston suma yatiyäwi arunakap yatiyir purkäyät ukkhaxa, Tatitutak irnaqañax uka markan walipuniw utjäna.

Gálatas 3:2

Jichhax sapxitaya: ¿Moisesan kamachip phuqhatanakam laykuti Diosan Ajayup katuqapxtasti, jan ukax, suma yatiyäwir iyawsapxatam laykuch katuqapxtaxa?

1 Timoteo 1:3

Macedonia markar sarkasaw Éfeso markan qhiparañamatak achikt'sma, ukan k'ari yatichäwinak yatichirinakar jan juk'amp yatichasipkañapatak jark'añamataki,

1 Timoteo 2:5

Mä sapa Diosakiw utji, mä sapa jaqikiw utji, Diosampi jaqinakampi sumankthapiyirixa, ukasti Jesucristowa.