2 Corintios 11:26 - Qullan Arunaka DC

²⁶ Taqi tuqi sarkasax walja kutiw jawiranakampis niy apayasta, lunthatanakampis jalxatayasta, marka masinakax taypina, jayankir jaqinak taypin chijinakan uñjasta. Markansa, pampanakansa, k'ari jilatanak taypinsa, quta taypinsa chijinakan uñjasirakta.

Aymar Bibliia 1986

²⁶ Walja cutiw sarañanacancta, ucatsti walja cutiraquiw jawiranacampis niya apayasta, lunthatanac toketsa ajjsarañajjajj utjaraquïnwa, pachpa marca masinacajjatsa uqhamarac jaya jakenac toketsa. Walja cutiw marcanacan jan walt'añanacan uñjasta, uqhamaraqui wasaranacansa, kotansa; ajjsarañajjasti janiraquiw jayanccänti c'ari jilatanac taypinsa.

Qullan Arunaca

²⁶ Walja cutiw sarañanacancta, ucatsti walja cutiraquiw jawiranacampis niya apayasta, lunthatanac toketsa ajjsarañajjajj utjaraquïnwa, pachpa marca masinacajjatsa uqhamarac jaya jakenac toketsa. Walja cutiw marcanacan jan walt'añanacan uñjasta, uqhamaraqui wasaranacansa, kotansa; ajjsarañajjasti janiraquiw jayanccänti c'ari jilatanac taypinsa.

2 Corintios 11:26 Jak'a apnaqawi uñst'ayäwi

Hechos 13:45

Ukataq jaqinak uñjasinsti, judionakax Pablon arunakapar kutipayañ qalltapxäna, kunayman tuqipxarakïna.

Hechos 13:50

Ukampis judionakax askit uñt'at warminakampiru, markan wali aytat chachanakampir parlxayasin amtayapxäna, Pablompiru, Bernabeampir uñisiyañataki, uka markat jaqsuñataki.

Hechos 14:19

Ukapachasti mä qawqha judionakaw purinipxäna, Antioquía markampita, Iconio markampita. Jupanakasti jaqinakar amtayasin Pablorux qalampiw k'upjayapxäna, ukatsti marka anqäxaruw qatatnukunipxäna jiwatäxatap amuyasa.

Hechos 14:5

Ukat judionakampi jan judionakampix Iconio markan jilïrinakapampi arust'apxäna apostolunakar jan wali lurañataki, qalamp k'upjaskam jupanakar jiwayañataki.

Hechos 15:40

Pablosti Silasaruw jupamp chik sarañapatak ajllirakïna. Antioquía iglesiankir jilatanakasti jupanakarux sum khitxapxäna, Tatitur achikt'asa jupanakar munasiñapamp imañapataki. Pablompi Silasampix ukawjat mistuwayapxäna,

Hechos 17:13

Ukampis Tesalónica markankir judionakaxa, Pablon Berea markankatapa, ukan Tatitun arunakap parlataparaki yatisinxa, uka markaruw sarapxarakïna. Ukansti jaqinakarux uxtayañ qalltapxäna.

Hechos 17:5

Ukampis jan iyawsir judionakax uñisiñat ukawjanakan sarnaqir qhuru jayra jaqinak irpthapipxäna. Uka jaqinak anthapisinsti markankir jaqinakaruw amtayasin uxtañanak sartayapxäna. Ukatsti Jasonan utaparuw chhukt'apxäna, Pablompir Silasampir uka utat waysusin jaqinakar katuyañataki.

Hechos 18:12

Galión sat jilïrix Acaya marka apnaqkän ukürunakaxa, Corintonkir judionakax Pablotakiw mayak sayt'asxapxäna; katuntasinsti, juparux taripirinak nayraqataparuw irpapxäna.

Hechos 19:1

Apolosan Corinto markan jikxatasiñapkamasti, Pablox qullu chiqa sarakipasin Éfeso markar puri. Ukansti mä qawqha iyawsirinakaruw jikxati.

Hechos 19:23

Ukürunakansti Tatitun arkirinakapatak jach'a jan walt'añaw utjäna,

Hechos 20:19

Jan inakt'asaw jumanak taypin taqi alt'at chuymamp Tatitutak irnaqawayta, wali jachañanakana, yant'anakan uñjasiwayta, judionakan nayatak jan wali amtapxatap layku.

Hechos 20:3

ukansti kimsa phaxsiw qhiparäna. Pablox Siria tuqir barcot mistuñatakïxän ukapachaw jupax yatïna judionakan jupar ñanqha lurañ amtapxatapa. Ukat jupax wañanjam kuttañ amtäna, Macedonia chiqa wasitat sarasa.

Hechos 23:10

Ch'axwañax juk'ampïxänwa, soldadonakan jilïripasti axsarañat säna: “Pablor jisk'a jisk'a tukjapxakispawa” sasa. Ukat soldadonak jawsayanïna, judionak taypit Pablor irpsusin cuartelar wasitat irpantayxäna.

Hechos 25:3

Jupanakasti jan wali amtañampiw Festo jilïrir achikt'apxäna, Pablor Jerusalenar irpayaniñapataki. Jupanakax Pablor thakhi jutkipan jiwayañ amtapxäna.

Hechos 27:42

Ukhamäxipansti soldadonakax katuntat jaqinakar jiwarayañ amtxapxäna, jan khitinsa amparamp chawusis jaltaskañapataki.

Romanos 15:19

jach'a ch'aman unañchäwinak tuqi, muspharkañ luräwinakap tuqi, Diosan Qullan Ajayun ch'amap tuqiraki. Ukhamat Criston suma yatiyäwi arunakap arsuñ phuqta, Jerusalenat qalltasa Iliria chiqanakkama.

Romanos 8:35

¿Khitirak Criston munasiñapat apaqistaspasti? ¿T'aqhisiñati, jan walt'añanakacha, arknaqatäñacha, manq'at awtjayasiñacha, isit jalstañacha, chijinkañacha, jiwayatäñacha?

1 Corintios 15:30

¿Kunatarak jiwasanakasti sapa kutis jan walt'añankasktansti?

1 Corintios 15:32

Nayax Éfeso markan jaqi manq'an animalanakampjamaw jaqinakamp nuwasta. Jiwatanakan jaktañapatix jan chiqäkchi ukasti, ¿uk lurasin, kunarak jikxatsti? Kunjämtix yaqhipanakax sapki ukhamarak lursnaxa: “¡Manq'asiñäni, umt'asiñäni, qharürux jiwxchiñänixaya!” sasa.

2 Corintios 11:32

Damasco markan jikxatasïyät ukkhaxa, Aretas sat reyin marka apnaqiripax marka punkunakaruw nayar katuntañatakix uñjirinak uchäna;

Gálatas 2:4

Ukampis yaqhip k'ari jilatanakaw nanak taypir jamasat mantanitayna, Jesucristo tuqi qhispiyatäpktsa uk nanakar uñaqiri, ukat wasitampi judionakan kamachinakapar jaysapxañaxataki.