2 Corintios 11:22 - Qullan Arunaka DC

²² ¿Jupanakax hebreo jaqinakäpxiti? Nayax hebreo jaqirakïtwa. ¿Jupanakax israelita jaqinakäpxiti? Nayax israelita jaqirakïtwa. ¿Jupanakax Abrahamat saraqirïpxiti? Nayax Abrahamat saraqirirakïtwa.

Aymar Bibliia 1986

²² ¿Hebreöpjjeti jupanacajja? Nayajj hebreoraquïtwa. ¿Israel marcanquirïpjjeti? Nayas uca marcanquiriraquïtwa; ¿Abrahaman wawanacapäpjjeti? Nayas ucaraquïtwa.

Qullan Arunaca

²² ¿Hebreöpjjeti jupanacajja? Nayajj hebreoraquïtwa. ¿Israel marcanquirïpjjeti? Nayas uca marcanquiriraquïtwa; ¿Abrahaman wawanacapäpjjeti? Nayas ucaraquïtwa.

2 Corintios 11:22 Jak'a apnaqawi uñst'ayäwi

2 Crónicas 20:7

Nanakan Diosaxay, jumaw Israel markan nayraqatapat aka uraqin jakir jaqinakarux jaqunuktaxa, ukatsti juman munata Abrahaman wawanakaparuw wiñayatak churxtaxa.

Éxodo 10:3

Moisesampi, Aaronampisti faraonan ukar sarasin jupar sapxäna: —Hebreonakan Tatit Diosapax akham siwa: “¿Kunapachkamarak nayatak jach'a jach'a tukuskakïtasti? Markaxar khithanukxam, nayar yupaychir sarañapataki,

Éxodo 3:18

Israelitanakan jilïrinakapasti arunakam ist'asax jaysapxätamwa. Ukatsti jumax Egipton reyipan ukaruw jupanakamp saräta, juparusti sätawa: “Hebreonakan Tatit Diosapaw nanakar jikxatapxitu. Ukhamasti, wasarar sarayapxita kimsür sararu, ukan nanakan Tatit Diosaxar wilañchanak luqtapxañaxataki” sasa.

Éxodo 5:3

Moisesampi, Aaronampisti juparux sapxänwa: —Hebreonakan Diosapaw nanakar jikxatapxitu, ukhamasti wasararuw sarapxä, kimsür sararu, ukan Tatit Diosaxar wilañchanak luqtanipxä, jan sarapkirista ukasti, jupax kuna usumpisa, jan ukax espadampkamas jiwarayapxakitaspawa —sasa.

Éxodo 7:16

Ukansti akham jupar säta: “Hebreonakan Tatit Diosapaw nayar khithanitu jumar akham yatiyiri: ‘Markaxan sarxañapatak antutxam, jupanakan nayar wasaran yupaychapxañapataki.’ Ukampis jumax janiw jichhakam ist'asiñ munktati.

Éxodo 9:1

Ukatsti Tatitux Moisesar sarakïnwa: —Faraonan ukar sarasin sanim: ‘Hebreonakan Tatit Diosapax akham siwa: Markaxar khithanukxam nayar yupaychir sarxañapataki.

Éxodo 9:13

Ukat Tatitux Moisesar saskakïna: —Qharürux willjtat sartasïta, ukatsti faraonan ukaruw saräta akham siri: “Hebreonakan Tatit Diosapax akham siwa: ‘Markaxar khithanukxam, nayar yupaychir sarañapataki,

Mateo 3:9

janirak jumanakax ‘Abrahaman wawanakapäpxtwa’ sapxamti; nayasti sapxsmawa, Diosax aka qalanakatsa Abrahaman wawanakap sartayarakispawa.

Hechos 22:3

“Nayax judío jaqïtwa. Cilicia suyunkir Tarso markan yurirïtwa, ukampis aka Jerusalén markan jilsuwayta, Gamaliel yatichirin yatiqiripätwa, nayra awkinakasan kamachiparjam yatichatätwa. Taqi chuymaxampiw Diosar luqtarakta, kamisatix jumanakax taqi chuymamp luqtapkarakta ukhama.

Hechos 6:1

Uka urunakansti, iyawsirinakax waljaniw yapxattäna, ukatsti griego arut parlirinakax, hebreo arut parlirinakatakiw arusipxäna, jupanak taypin utjir ijma warminakar sapür manq'a lakïwin, jan suma yäqatätap layku.

Romanos 11:1

Jichhasti jiskt'araktwa: ¿Diosax markapar apanukpachati? ¡Janiw ukhamäkiti! Naya kipkaw israelit jaqïtxa, Abrahamat saraqiri, Benjamín ayllut jutiriraki.

Romanos 9:4

Jupanakax Israelat saraqir wawanakawa, Diosasti jupanakarux wawanakapat uñt'asïna, wali ch'aman kankañapampiw jupanak taypinkäna, jupanakarusti arust'äwi arunakapa, Moisesan kamachipa, jupar yupaychaña, arsutanakamp kun churäna.

Gálatas 3:16

Diosax Abrahamar arsuwaykän ukanakax, Abrahamampitaki, jupat saraqirimpitakïnwa. Qillqatan janiw “Saraqirinakat” parlkiti, walja jaqïkaspas ukhama, jan ukasti mayni sapatak parli: “Juman saraqirimaru” sasa, ukasti Cristowa.

Filipenses 3:5

Yuritaxat kimsaqallq uru saraqataru circuncisión katuqatätwa, Israelankir jaqïtwa, Benjaminan ayllupankirïtwa, hebreo jaqïtwa, awkixampi, taykaxampix, hebreo jaqinakänwa. Judeankir jaqinakan kamachiparjamasti, fariseo tamankir jaqïtwa;