2 Corintios 10:18 - Qullan Arunaka DC

¹⁸ Khititix jupapachpat jach'achaski ukax, janiw aski jaqit uñt'atäkiti, jan ukasti khitirutix Tatitux jach'achki ukaw aski jaqit uñt'ataxa.

Aymar Bibliia 1986

¹⁸ Qhititejj jupapachpat jach'achasqui ucajj janiw asqui jaket uñt'atäquiti, jan ucasti qhitirutejj Tatitojj jach'achqui ucaw asqui jakejja.

Qullan Arunaca

¹⁸ Qhititejj jupapachpat jach'achasqui ucajj janiw asqui jaket uñt'atäquiti, jan ucasti qhitirutejj Tatitojj jach'achqui ucaw asqui jakejja.

2 Corintios 10:18 Jak'a apnaqawi uñst'ayäwi

Proverbios 12:8

Yatiñan jaqix, yatiñ kankañapatjam jach'ar aptatäni, jan amuyt'an jaqisti, jan amuyt'asirïtapat jisk'achatäni.

Proverbios 21:2

Jaqitakix taqi luratanakapax walikjamakiwa, ukampis Tatituw chuymanakan amtäwinakap yati.

Proverbios 27:2

Janiw walïkiti juma pachpa jach'achasiñamaxa, mayninakäpan jumar jach'achirinakaxa.

Lucas 16:15

Jesusasti jupanakarux sarakïnwa: “Jumanakasti jaqinak nayraqatan askit uñt'ayasipxtaxa, ukampis Diosax chuymanakam sum uñt'apxtam; kunatix jaqinakatak askïki ukax, Diosatakix janiw kuna askïkisa.

Juan 12:43

Jupanakax jaqimp aytayasiñak munapxäna, Diosamp jach'añchayasiñat sipana.

Hechos 2:22

“Israelitanaka, aka arunak sum ist'apxita: Diosax jumanak taypin Nazaretankir Jesusan munañanïtap uñacht'äwayi, jupa tuqi jach'a muspharkañ luräwinaka, unañchäwinak lurasa, uka luratanaksti jumanakax sum yatipxtaxa.

Romanos 14:18

Cristor ukham luqtirixa, Diosaruw kusisiyi, jaqinakansa askit uñt'atarakiwa.

Romanos 16:10

Apeles jilatar aruntapxam, jupasti walja kutiw Cristor iyawsatap uñacht'ayi, uka kipkarak Aristóbulo jilatan wila masiparus aruntapxam.

Romanos 2:29

Jan ukasti chiqpach judío jaqïñax, taqi chuymampi iyawsañawa. Circuncisión katuqañasti chuymatäñapawa. Ukasti janiw kuna kamachitsa jutkiti, jan ukasti ajayutwa juti. Khititix ukhamäki ukax Diosampi katuqatawa, janiw jaqinakampiti.

1 Corintios 11:19

¡Jumanak taypin t'aqanuqtañanak utjañapax wakisiwa, ukhamat yatiñataki khitis chiqpach Cristor arkirix uka!

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

2 Corintios 10:12

Chiqpachansa janiw jupanak pachpa jach'achasirinakampix kikipasiñ munapkti. Jupanakax mä pisi amuyunir uñtataw lurapxi kunsa jupanakan pachpa amuyupampi tupt'asa, maynit maynirus chikachasipxatapampixa.

2 Corintios 13:7

Diosat mayipxarakta, jumanakan jan kuna ñanqhsa lurasipkañamataki; ukasti janiw nanakan sumat uñt'ayasiñ laykükiti, jan ukasti jumanakan aski lurapxañamatakiwa, nanakar aynacht'atjam amuyapkitasma ukasa.

2 Corintios 3:1

Kunapachatix akanak sapkta ukkhasti, jumanakan amuyatamat nanakpachatsa jach'achasiñ wasitat qalltapkirista ¿ukhamati? ¿Jan ukax, nanakax jumanakar mä sumat uñt'atäñatakix qillqatampich uñstapxämaxa? ¿Jan ukax mayninakjamach mä sumat uñt'atäñatak qillqat mayisipxämaxa? Janiwa.

2 Corintios 5:12

Janiw nanakpachat jach'achasipktxa, jan ukasti, jumanakan nanakat kusisipxañamatakiw parlapxsma, ukhamat khitinakatix jupanakpachat jach'a jach'a tukupki uka jaqinakar arusxatapxañamataki. Uka jaqinakasti laqäxak uñch'ukipxi, janiw kunatix jaqin chuymapan utjki uk amuyapkiti.

2 Corintios 6:4

Ukat sipana, taqi kunan nanakax Diosan irnaqiripäpxatax uñacht'ayapxta, wali llamp'u chuymampiw t'aqhisipxta, pist'ayasiñanakana, jan walt'añanakansa.

2 Timoteo 2:15

Kunäkipansa, Diosan nayraqatapan suma irnaqirjam uñstañatak ch'amachasim, jan kunat p'inqa tukur irnaqir jaqjama, Tatitun chiqa arunakap yatichirjama.

1 Pedro 1:7

Jumanakan iyawsañamasti kunjämtix qurix ninampi yant'atäki ukham yant'atäñaparakiwa. Yant'ampi q'iwtasir iyawsäwix, tukusir qurit sipansa, juk'amp jila alaniwa. Ukhamat jumanakan iyawsañamax yant'atäsinxa, Jesucristox jutkani ukapachaxa, sumat uñt'atänixa, jach'arus aptatarakïnixa.