2 Corintios 10:17 - Qullan Arunaka DC

¹⁷ Maynitix jach'achasiñ munchixa, Cristot jach'achaspan.

Aymar Bibliia 1986

¹⁷ Maynitejj jach'a jach'a tucuñ munchi ucajja, Cristot jach'achaspan.

Qullan Arunaca

¹⁷ Maynitejj jach'a jach'a tucuñ munchi ucajja, Cristot jach'achaspan.

2 Corintios 10:17 Jak'a apnaqawi uñst'ayäwi

Salmos 105:3

Qullan sutipat jach'achasipxam. ¡Tatitur thaqhirinakax chuymanakapan kusisipxpan!

Salmos 106:5

ajllitanakaman kusisiñap uñjañaxataki, markaman kusisiñapamp kusisiñaxataki.

Isaías 41:16

Ukatsti thayan apasxañapatakiw khuyt'äta, tutuka thayaw apasxani. Ukapachaw jumax Tatitunkasax kusisïta, Israelan Qullan Diosapatsti kusisirakïtawa.

Isaías 45:25

Nayïpan taqi Israel markax atipjani, nayankatapatsti wal kusisirakini.”

Isaías 65:16

Khititix aka markan askinak katuqañ munanixa, chiqa aski Tatituruw mayini; aka markan mä juramento luriristi, chiqa aski Diosan sutipxaruw lurani. Nayra t'aqhisïwinakasti armatäxiwa, nayraqataxatsa chhaqtxarakiwa.

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Romanos 5:11

Janiw ukakïkiti, jan ukasti Diosankxasinxa, Jesucristo Tatitus tuqiw kusisiraktan, Cristo tuqi Diosampi sumankthapitas layku.

1 Corintios 1:29

Ukhamat jan khitis Diosan nayraqatapan jach'achasiskañapataki.

1 Corintios 1:31

Kunjämtix Qillqatax siski ukarjama: “Maynitix jach'achasiñ munchixa, Tatitut jach'achaspan” sasa.

Filipenses 3:3

chiqpach q'umachatanakax jiwasanakätanwa, khitinakatix Diosaru Ajayun yupaychapktan ukanaka. Cristo Jesusankxasin kusisitätanwa, janirakiw kunatix janchin luraski ukanakarux iyawskxtanti.