2 Corintios 10:12 - Qullan Arunaka DC

¹² Chiqpachansa janiw jupanak pachpa jach'achasirinakampix kikipasiñ munapkti. Jupanakax mä pisi amuyunir uñtataw lurapxi kunsa jupanakan pachpa amuyupampi tupt'asa, maynit maynirus chikachasipxatapampixa.

Aymar Bibliia 1986

¹² Chekpachansa janiw chicachasiñ munapcti qhitinacatejj jupanacpachat wal jach'achasipquis ucanacampi. Jupanacajj mä pisi amuyunir uñtataw lurapjje cunsa jupanacan pachpa amuyupampi tupt'asa, maynit maynirus chicachasipjjatapampejja.

Qullan Arunaca

¹² Chekpachansa janiw chicachasiñ munapcti qhitinacatejj jupanacpachat wal jach'achasipquis ucanacampi. Jupanacajj mä pisi amuyunir uñtataw lurapjje cunsa jupanacan pachpa amuyupampi tupt'asa, maynit maynirus chicachasipjjatapampejja.

2 Corintios 10:12 Jak'a apnaqawi uñst'ayäwi

Proverbios 25:27

Walja misk'i manq'añax janiw walïkiti, walja jach'añchäwinak katuqañas walïkarakiti.

Proverbios 26:12

Yaqhip jaqix wali yatiñanïkaspas ukhamaw tuku, ukampis jan amuyt'asir jaqiw jupat sipan chiqachasispa.

Proverbios 27:2

Janiw walïkiti juma pachpa jach'achasiñamaxa, mayninakäpan jumar jach'achirinakaxa.

Lucas 18:11

Fariseox sayt'asisin Diosat mayisïna, akham sasa: ‘Diosaxay, yuspagarsmawa, nayax janiw yaqhanakjamäkti, lunthatasiri, jan wali jaqi, wachuq juchan sarnaqiri, janirakiw aka qullqi apthapir jaqjamäktsa.

Romanos 15:18

kuntix Cristox naya tuqi lurki ukak arsta, ukhamat jan judiöpkis ukanakax Diosar jaysapxañapataki. Taqi akanakasti arsutanakampi luratanakampiw phuqhasi,

2 Corintios 10:11

Ukampis khititix ukham nayxat parlki ukax ak amuyasiñapa, kunjämtix qhuru arunakampi qillqat tuqi parlktxa, ukhamarakiw purinisinxa qhuru tuküxa, uksti luräwinakax tuqi uñacht'ayarakï.

2 Corintios 10:18

Khititix jupapachpat jach'achaski ukax, janiw aski jaqit uñt'atäkiti, jan ukasti khitirutix Tatitux jach'achki ukaw aski jaqit uñt'ataxa.

2 Corintios 3:1

Kunapachatix akanak sapkta ukkhasti, jumanakan amuyatamat nanakpachatsa jach'achasiñ wasitat qalltapkirista ¿ukhamati? ¿Jan ukax, nanakax jumanakar mä sumat uñt'atäñatakix qillqatampich uñstapxämaxa? ¿Jan ukax mayninakjamach mä sumat uñt'atäñatak qillqat mayisipxämaxa? Janiwa.

2 Corintios 5:12

Janiw nanakpachat jach'achasipktxa, jan ukasti, jumanakan nanakat kusisipxañamatakiw parlapxsma, ukhamat khitinakatix jupanakpachat jach'a jach'a tukupki uka jaqinakar arusxatapxañamataki. Uka jaqinakasti laqäxak uñch'ukipxi, janiw kunatix jaqin chuymapan utjki uk amuyapkiti.